1 Corintios 15

1 Naêra benê bichaê, reêendaê yezaêlaêadyiêle con cabëê rna xtiêidzaê Diuzi udixoguiêa leêe dza naê. Lëdiêidzaê naê gulele quien dza naê nenaolen du guicho du laêadyiêle. 2 Tanun quie bagulele quie diêidzaê baoniaê leêe dza naê, banacale benê de yelaê neban quie tuzioli chi rue quiele xtiêidzaê Diuzi inaolen du guicho du laêadyiêle, binaolen con ganzi. 3 Tanëro udixoguiêa leêe ta naca belao, ta binenezile. Udixoguiêa leêe con cabëê una Cristo nëêëdiê, con cabëê guca quienëê gutinëê lëêë yaga cruzo ta yezÌi dulaê xquia quiero. Canaê rnën lëêë guichi laêiya quie Diuzi. 4 Beyudyi gutinëê, naêra pcachiêyaquëê lëbëê. Pero guca lao tzona dza bebannëê tatula con cabëê rnën lëêë guichi laêiya quie Diuzi. 5 Tanëro ptilalaonëê Pedro. Ude naê ptilalaonëê yaca los demás apóstoles. 6 Lëzirë ptilalaorënëê lao gaêyoê gayuhua yaca benê bichiro. Neneban ibalajëê, naê ibalajëê baguti. 7 Ude beyudyi naê ptilalaorënëê Santiago len lao yugulu yaca benê pseêelëê ta tzetixogueêyaquëê benëê diêidzaê laêiya quienëê. 8 Ga zelao ptilalaohuëê leyaquëê, naêra ptilalaorënëê nëêëdiê. Pero tu binetilalaonëê nëêëdiê, biaê zëdi gula, biguêundaê inaohuaê xnezëê. Canaê guca quiaê ca quie bdaoê zaralo, pero zëdi gula. 9 Entre yaca apóstol tuzaê nëêëdiê psacaê benê nao xneza Jesús bizinaquezi dza naêtela. Lëlenaê ni lëêëtiê bibi zacaê ulio Diuzi nëêëdiê nacaê apóstol quienëê. 10 Pero nacacazaê ca nacaê conlë Diuzi, danê naca Diuzi benê huen, beyëchiêlaêadyiênëê nëêëdiê. Ca ta bëlë Diuzi nëêëdiê, biuden canaêzi. Babëriaê dyin quie Diuzi cala ca yaca los demás benê rguixogueê diêidzaê laêiya quienëê. Cala niaê cuinzaê biaê dyin quie Diuzi. Gucalëcazi Diuzi nëêëdiê danê naquëê benê zÌe beyëchiêlaêadyiênëê nëêëdiê. 11 Cala bihuen chi nëêëdiê, chi benê tula, baodixogueêndoê leêe diêidzaê laêiya quie Diuzi. Ta naca belaora udixogueêndoê leêe xtiêidzëê, naê agulele. 12 Chi nëtoê rdandoê rguixogueêndoê yaca benëê de que guti beban Cristo ¿naêa bixquienê balale rnale bira yeban yaca benê baguti? 13 Porque chi nacan tali bira yeban yaca benê baguti, bisaqueê inandoê beban Cristo. 14 Chi nacan tali guti Cristo bibebannëê, bisaqueê inandoê zacaê diêidzaê quie Diuzi rguixogueêndoê yaca benëê, lëzi bisaqueê inandoê zacaê inaole xnezëê. 15 Chi nacan tali guti Cristo bibebannëê, chi nacan tali biyeseban Diuzi yaca benê aguti yaca, chi nacan canaê, yëê rziêndoê benëê rguixogueêndoêyaquëê beseban Diuzi Cristo. 16 Chi nacan tali biyeseban Diuzi yaca benëê baguti, bisaqueê inandoê besebannëê Cristo. 17 Chi nacan tali bibeban Cristo, bisaqueê inandoê zacaê inaole xnezëê, lëzi bisaqueê inandoê bira nao dulaê xquia quiele leêe. 18 Chi nacan tali canaê, lëscanê bisaqueê inandoê huaziê Diuzi yaca benê nao xnezëê caora gatiyaquëê. 19 Ca bayëchiê gula nacan quiero, chi nacan tali dza rdaro naêazi lao yedyi layu zacaê inaoro xneza Cristo, pero bibi zacaên unaoro xneza Cristo caora gatiro. 20 Pero nacan tali beban Cristo. Canaê ineziro yebanro raêo len yaca los demás benê nao xnezanëê. Baêalaêcazi chi bagutiro, neziro huadyin dza useban Diuzi raêo. Naêra para tuzioli bira gatiro tatula. 21 Dyin quie tu benê uzu tiempote rati yaca benëê. Pero dyin quie benê useêelaê Diuzi lao yedyi layu yeban yaca benê guti. 22 Gatiro yugulutero tanun quie danê nacaro zÌiêisuba Adán. Pero yeseban Diuzi raêo, benê nao xneza Cristo, tanun quie danê nacalëro Cristo tuzÌe. 23 Pero según ca reêen Diuzi gaca, canaê huenëê quie quiero. Tanëro psebannëê Cristo ta uluêenëê raêo cabëê gaca quiero. Lëzi canaêrë useban Diuzi raêo, benê nao xneza Cristo, cati yeguida Cristo tatula lao yedyi layu. 24 Te yeyudyi gaca canê, naêra yeyudyi quie lao yedyi layu. Lëcaora naê udyiaguiê Cristo yugulu benê rnabëê, benê bë condre lëbëê. Lëzirë te yeyudyi gaca canê, tzesan Cristo yelaê rnabëê quienëê ucaênnëên lao naêa Xuzinëê Diuzi. 25 Pero rnabëêcazi Cristo hasta bënëê gan pcaxonëê yugulute benê rudie lëbëê. 26 Zeêlao naê hue Cristo mandado yeyudyi yedu quie yelaê guti tuzioli. 27 Mandado bë Diuzi inabëê Cristo lao yugulute. Canaê rnën lëêë guichi laêiya quie Diuzi. Pero baêalaêcazi rnën de que inabëê Cristo lao yugulute, bireyaêalaê tzioñeêero de que inabëê Cristo lao cuin Diuzi, danê cuin Diuzi bënëê mandado inabëê Cristo. 28 Te yeyudyi begaên yugulute lao naêa Cristo, naêtera usedyinnëê cuinnëê lao naêa Xuzinëê Diuzi, benê bë mandado inabëênëê lao yugulute. Canaê hue Cristo ucaênnëê yugulute ta de lao naêa Xuzinëê Diuzi. Canaê gaca Diuzi benê zÌera, benê inabëêra. 29 Lëzi nitaê bala benê ruêe lao yaca benê neban rnayaquëê canaê reêennan ta yeban yaca benê baguti. ¿Bixquienê rueyaquëê canaê? Chi birbezayaquëê yeban yaca benê baguti, ¿ga huen dyin ruêeyaquëê lao benê neban por nun quie benê baguti? 30 ¿Bixquienê yugu dza ruen zÌudyi guti benëê nëtoê? 31 Rniaê leêe, benê bichaê, yugu dza barbezaê guti yaca benëê nëêëdiê. Nacan tali raca quiaê canaê tal como nacan tali napaê gusto danê banacale benê nao xneza Jesucristo. 32 Pues nëêëdiê cabëê niaê leêe ga uyaêa ciudad Efeso dza naê, bedzagalaotzeguiaê dulaê quie yaca benê rue ca rue lobo. Pero ¿bizÌi gan de biaê lao Diuzi chi nacan tali biyeban yaca benê baguti? Chi nacan tali biyeban yaca benê baguti, mejorla huero con cabëê una yaca benê unë: “Gaocalaro yoêocalaro, porque laêachi uxe, laêachi huidzo, ratiro." 33 Bitzioguele yëê. Nacan tali con cabëê rna yaca benëê: “Unitiro neza dyaêa quiero chi inaoro yaca benê rue tamedian." 34 Ulehue pensari inaole neza dyaêa. Biiquixile huele tamedian. Balale leêe binenezile ca naca Diuzi. Rniaê leêe canê ta yedueêle. 35 Nitaêcazi yaca benê inaba nëtoê inayaquëê: “¿CabizÌi gaca yeban yaca benê huati?” Lëzirë inayaquëê: “¿CabizÌi gaca quie cuerpo quie yaca benê huati?" 36 Diêidzaê tondo rnayaquëê inayaquëê canaê. Bineziyaquëê ca raca quie nu benê raza bini. Decazide yeyuêudzoê bini ta ilë yaga quien yezun lao laza bini. 37 Ta razayaquëê, razayaquëê bini ta itinin gacan nicuan. Cala binacan nu nicuan razayaquëê, laêacazi bini trigo, laêacazi birla bini tula. 38 BizÌi Diuzi hueênëê laze quie quie yaca bini ta ilëyacan según ca naca yaca bini. 39 Cala tu lëbizi naca cuerpo quie benëê len cuerpo quie yaca bia guixiê. Netzaêla cuerpo quiero. Netzaêla cuerpo quie yaca bia dyia tapa niêe. Netzaêla cuerpo quie yaca bia xile. Netzaêla cuerpo quie yaca bela. 40 TazÌe netzaê ta dyia guibá len ta de lao yedyi layu. Netzaê yelaê baquitu quienan quie quienan. 41 TazÌe netzaê xniê obidza. TazÌe netzaê xniê biuê. TazÌe netzaê xniê bélo. Lëzi entre yaca bélo dyia guibá, netzaê yaca xniê quie quien. 42 Canaê nacarë quie yaca benê huati yeban yaca. Caora bagutiro, naêra bayuêu cuerpo quiero luêu yu ta guêudzona. Pero caora useban Diuzi raêo, tuzioli bira gatiro. 43 Raêo rudzeêro luêu yu tu ta naca gula. Pero Diuzi usebannëê tu ta naca cubi. Raêo rudzeêro luêu yu tu ta bira de yelaê neban quie. Pero Diuzi usebannëê tu ta gataê yelaê neban quie tuzioli. 44 Raêo udzeêro luêu yu tu ta baguti. Pero Diuzi usebannëê tu ta bira gati tuzioli. Ca bzalo Diuzi cuerpo quie benê gati, lëzi bzaloguëê cuerpo quie benê bira gati tuzioli. 45 Rnën lëêë guichi laêiya quie Diuzi cani: “Adán, benê bzalo Diuzi tanëro, bëê Diuzi lëbëê yelaê naban quienëê.” Canaê rna lëêë guichi. Pero Cristo, benê useêelaê Diuzi, bëranëê tadyaêara cala ca Adán. Lao naêa Cristo decazi yelaê naban quiero biyeyudyi yedu quie. 46 Tanëro de yelaê neban quiero, pero hueyudyi huedu quien dza gatiro. Naêtera gataê yelaê neban quiero, pero bira yeyudyi yedu quien. 47 Benê bzalo Diuzi tanëro bëguëê lëbëê de yu. Guquëê benê de lao yedyi layu. Pero Cristo, benê useêelaê Diuzi, naquëê benê zaê de lao guibáte. 48 Cabëê guca Adán guquëê de yu, gucacazëê de lao yedyi layu, canaê nacarë quie yaca benê rda lao yedyi layu. Pero raêo, benê nao xneza Cristo, huacarë quiero ca naca Cristo, benê zaê de lao guibáte. 49 Como nacarë quiero benê bzalo Diuzi bëguëê de yu, lëzirë gacarë quiero ca quie Cristo, benê zaê de lao guibáte. 50 Reêendaê iniaê leêe, benê bichaê, de que conlë cuerpo quiero nacan de yu, bisaqueê yeyoro ga zu Diuzi guibá. Bisaqueê uquixiro ta biruêudzo len ta ruêudzo. 51 Reêendaê inezile tu ta binezile. Cala yuguluro gati, pero yugulutero huetzaêro. 52 Tu sasazi yetzaê cuerpo quiero cati zeêlao yero ucuedyi ángel trompeta. Lëcaora naê yeseban Diuzi yaca benê baguti ta bira gaticaziyaquëê tuzioli. Lëzi caora naê yetzaêrë Diuzi cuerpo quiero. 53 Yetzaê Diuzi pensari median quiero ta yeyudyi yedu quie, ta yeyuêuro pensari dyaêa ca pensari quie Diuzi ta bira yeyudyi yedu quie. Lëzi yetzaê Diuzi cuerpo quiero hueyacan cuerpo bira cuiaguiên tuzioli. 54 Cati abeyuêuro pensari dyaêa ca pensari quie Diuzi ta bira yeyudyi yedu quie, lëzi cati abetzaê Diuzi cuerpo quiero beyacan cuerpo bira cuiaguiên tuzioli, lëcaora naê uzun diêidzaê con cabëê rnën leêe guichi laêiya quie Diuzi cani: “Birabi yelaê guti gataê. 55 Bira hue yelaê guti gan gatiro. Bira sue yelaê guti quiero udyiaguiên raêo.” Canaê rnën lëêë guichi laêiya quie Diuzi. 56 Rudyiaguiê yelaê guti yaca benëê por nun danê rueyaquëê tamedian. Lëzi con cabëê rna ley udixu Diuzi tiempote, lenaê raona yaca benëê xquia. 57 Pues diuxcale Diuzi, porque danê lao naêa zÌiêinëê Jesucristo, bapte pselanëê raêo quie dulaê xquia quiero, bira inaona raêo. 58 Lenaê niaê leêe, benê bichaê, ulenao xneza Cristo du guicho du laêadyiêle, biyehuëdile. Ulehue dyin quie Diuzi yugo dza. Biusanle dyin naê, porque dyëêëdi nezile biten canaêzi ca dyin huelële Cristo.