1 Corintios 14

1 Huele baiguin idyëêële benëê. Lëzirë huele baiguin inaole huele con ca banegun Diuzi tu tule. Rueten baiguin quixogueêle benëê diêidzaê laêiya quie Diuzi. 2 Chi inële diêidzaê binaca xtiêidzaêle, tuzi Diuzi nezinëê bi nale, danê bisaqueê tzioñeêe yaca benëê tula, yaca benê biraca diêidzaê ca diêidzaê rnële. Chi inële diêidzaê binaca xtiêidzaêle, conlë Diuzizi hueêlële diêidzaê, cala conlë benëê, danê birioñeêeyaquëê ca rnële. 3 Pero chi leêe quixogueêle benëê xtiêidzaê Diuzi, lenaê nacan ta tzioñeêeyaquëê yedaohueyaquëê inaoyaquëê xneza Jesús. Canaê yeyuezÌeleyaquëê. 4 Lëzi chi inële diêidzaê binaca xtiêidzaêle, lenaê gacalën leêezi ta inaorale xneza Jesús. Pero chi quixogueêle benëê diêidzaê laêiya quie Diuzi, canaê gacalële yaca los demás benê bichiro ta inaorayaquëê mazara xneza Jesús. 5 Ca ta reêendaê, reêendaê yugulutele inële diêidzaê binaca xtiêidzaêle. Pero ta reêendaê mazara, reêendaê quixogueêle yaca benëê xtiêidzaê Diuzi. Nacaran tabelaora quixogueêle benëê xtiêidzaê Diuzi, cala ca ta inële diêidzaê binaca xtiêidzaêle. Rniaê leêe canê danê chi bizu benê yexiêidzeê leêe bi reêen ina diêidzaê rnële, quie lenaê bigacalen yaca benê bichiro ta inaorayaquëê mazara xneza Jesús. 6 Tanaê lenaê bichaê, chi cati guidaê idenaêa leêe, chi iniaê leêe conlë diêidzaê binaca xtiêidzaêro, lëlenaê bigacalën leêe. Pero chi iniaê leêe conlë diêidzaê naca xtiêidzaêro, chi usëdiaê leêe xtiêidzaê Diuzi, lëlenaê gacalën leêe. 7 Cabëê quie yaca instrumento rcuedyi benê huecuedyi, como nu flauta, como nu harpa, chi biucuedyiyaquëên tu lëbi, biyuêu niêa xnezi ta rucuedyiyaquëê, bineziro bi pieza pcuedyiyaquëê. 8 Lëzirë quie yaca soldado, bëê sulaoyaquëê huedila, chi biucuedyiyaquëê corneta xlaton, bibi puesto suyaquëê para tilayaquëê. 9 Canaê nacarë quiero. Chi inëro diêidzaê biraca benê ruzënaga quiero, bisaqueê tzioñeêeyaquëê. Naca quiero ca quie benê rnë cuinze. 10 Tali naê naca zë cueê diêidzaê de lao yedyi layu. Lëscanê tali naê yugulun de ga yuêun niêa xnezi tacuenda tzioñeêeron. 11 Chi nu benê inë nëêëdiê diêidzaê quienëê ta binaca diêidzaê quiaê, bitzioñeêedaên. Naca quiaê len lëbëê cabëê benê zaê yedyi tula. 12 Quie lenaê huele baiguin ta huele ca ta banegun Diuzi leêe. Huele baiguin ta gataê entre leêe zë benê gacalë laguedyi benê bichiro ta inaorayaquëê mazara xneza Jesús. 13 Tanaê lenaê chi inëro diêidzaê binaca xtiêidzaêro, reyaêalaê inabaro Diuzi gunnëê quiero ta uzioñeêero benëê bi reêen ina diêidzaê rnëro. 14 Caora ruêeliaê Diuzi diêidzaê binaca xtiêidzaê, bisaqueê tzioñeêe yaca benê uzënaga quiaê. Lenaê nacan ca quie benê ruêelë Diuzi diêidzaê luêu guicho laxtaêozi. 15 ¿CabizÌi reyaêalaê huero? Nacan huen hueêlëro Diuzi diêidzaê binaca xtiêidzaêro, pero nacalan huen hueêlëro Diuzi diêidzaê naca xtiêidzaêro tacuenda tzioñeêe yaca benëê bi reêen ina diêidzaê rnëro. Nacan huen gularo himnos conlë diêidzaê binaca xtiêidzaêro, pero lëzi nacalan huen gularo himnos conlë diêidzaê naca xtiêidzaêro. 16 Canaê reyaêalaê huero, porque chi hueêlëro Diuzi puro diêidzaê binaca xtiêidzaêro, bitzioñeêe benê ruzënaga quiero bi naro. Bisaqueê nu hue raêo tuzÌe para ulidzaro Diuzi yëbiroguëê xcaleloê. 17 Baêalaêcazi nacan tahuen ta yëbiro Diuzi xcaleloê, pero para yaca benê bichiro, chi yëbiro Diuzi diêidzaê binaca xtiêidzaêro, bitzioñeêeyaquëê. Tanaê lenaê biracalëroyaquëê ca reyaêalaê gacalëroyaquëê ta inaorayaquëê mazara xneza Jesús. 18 Rëpaê Diuzi diuxcaleloê danê racariaê iniaê diêidzaê binaca diêidzaê quiaê mazara ca leêe. 19 Pero ga reguêudiêro rsëdiro diêidzaê laêiya quie Diuzi, rexeradaê iniaê gaêyoê diêidzaê ta tzioñeêe yaca benëê, cala ca ta iniaê chi mila diêidzaê binaca diêidzaê quieyaquëê. 20 Bichaê, bitzuêule pensari quie xcuidiê. Pero uletzuêu pensari quie benê huaca ta bihuele con ganzi. Rniaê ta reyaêalaê huele, huele ca quie xcuidiê binenezi neza mala. 21 Luêu libro yuêu ley una Diuzi cani: “Huaseêelaê tu benê yedyi tula, benê rnë diêidzaê tula, ta quixogueênëê yaca benëê ta ineziyaquëê cabëê reyaêalaê huejëê inaojëê xnezaê, pero bihueyaquëê lëbëê casa.” Canaê una Diuzi. 22 Caora inaro diêidzaê binaca xtiêidzaêro, lenaê nacan ca quie seña ta uluêen quie yaca benê binao xneza Jesús ca naca yelaê huaca quie Diuzi. Binacan ta uluêen quie yaca benê nao xneza Jesús. Pero caora quixogueêro diêidzaê laêiya quie Diuzi, lenaê nacan seña ta uluêen quie yaca benê nao xneza Jesús, binacan ta uluêen quie yaca benê binao xneza Jesús. 23 BizÌi con ga reguêudiêro, chi yuguluro inëro diêidzaê binaca xtiêidzaêro, chi guidarë yaca benê binao xneza Jesús ta uzënagayaquëê, ¿cala huanayaquëê raêo nacaro benê raca loco? 24 Pero chi ga reguêudiêro rguixogueêro diêidzaê laêiya quie Diuzi, chi guidarë yaca benê binao xneza Jesús ta uzënagayaquëê, huacabëêyaquëê napajëê dulaê xquia. Canaê hueyuêuyaquëê pensari bëê yeyaquëê xtiêidzaê Diuzi rguixogueêro. 25 Canaê uluêen quieyaquëê yuêuyaquëê pensari median luêu laxtaêoyaquëê. Canaê quitzo zÌibiyaquëê ta ulidzayaquëê Diuzi inabayaquëê yelaê huenitilao. Canaê ineziyaquëê nacan tali zulë Diuzi raêo. 26 Ta reêendaê iniaê leêe, bichaê, nacan cani: Ganê yeguêudiêle, reyaêalaê gacalële yaca benê bichiro, benê nao xneza Jesús ta inaorayaquëê mazarayaquëê xneza Jesús. Reyaêalaê gulale alabanza. Reyaêalaê usëdileyaquëê xtiêidzaê Diuzi. Reyaêalaê uzioñeêeleyaquëê quie Diuzi. Hueêennan inële diêidzaê binaca xtiêidzaêle, pero reyaêalaê yexiêidzeêleyaquëê bi reêen ina diêidzaê inële. 27 Caora inële diêidzaê binaca xtiêidzaêle, reyaêalaê inë chopale o tzonazile. Reyaêalaê inë tu huio tu huiole. Lëzi reyaêalaê itule yexiêidzeêle bi reêen ina diêidzaê rnële. 28 Chi bizu benê yexiêidzeê leêe bi reêen ina diêidzaê rnële, nacalan huen biinële diêidzaê binaca xtiêidzaêle ganê yeguêudiêle hueêlële Diuzi diêidzaê. Nacalan huen hueêlële Diuzi diêidzaê luêu guicho laxtaêozile. 29 Lëzirë caora quixogueêle yaca benëê diêidzaê laêiya quie Diuzi ganê reguêudiêle, reyaêalaê inë chopale o tzonazile. Reyaêalaê uzënaga benê rzënaga dyëêëdi, naê hueyaquëê pensari chi rnëyaquëê tuzi ca naca xtiêidzaê Diuzi. 30 Pero chi udzeê Diuzi tu diêidzaê luêu laxtaêo tu benê reê ga reguêudiêle, chi reêen Diuzi inë benê naê ca diêidzaê bdzeênëê, naêra chi zë itu benê rnënëê, reyaêalaê cueê benê rnë tanëro tacuenda inë benê taorupe, benê udzeê Diuzi diêidzaê luêu laxtaêohue. 31 Canaê reyaêalaê huele, reyaêalaê inële tu huio tu huiole tacuenda tzioñeêe yaca los demás benê bichiro. Canaê yedaohueyaquëê hue quieyaquëê xtiêidzaê Diuzi. 32 Caora rguixogueêle yaca benëê diêidzaê laêiya quie Diuzi, reyaêalaê quixogueêleyaquëê de gaxo gula. 33 Canaê reyaêalaê huele danê naca Diuzi benê rue ta yuêu niêa xnezi. Biraxe Diuzi huero con ganzi. Reyaêalaê huele cabëê rue yaca los demás benê bichiro, benê nao xneza Jesús con gatezi reguêudiêyaquëê. 34 Bireyaêalaê cuialao nigula inënëê con ca beêmbyu ganê yeguêudiêle ulidzale Diuzi. Nacan cuenda quie beêmbyu cuialaohuëê inënëê ganê yeguêudiêle, bicuialao nigula inënëê. Canaê na ley yuêu luêu libro quie Diuzi. 35 Chi nu nigula reêennëê inezinëê bi reêen ina diêidzaê ina ja benëê ganê yeguêudiêle, reyaêalaê inabanëê xquiunëê zÌan yuêu quienëê, danê binacan cuenda quie nigula ta cuialaonëê inënëê con ca beêmbyu ganê yeguêudiêle ulidzale Diuzi. 36 Bihuele pensari conlë leêezi uzulao Diuzi udixogueê benëê xtiêidzëê. Bihuele pensari tuzi leêezi nezile quie xtiêidzaê Diuzi. 37 Chi nu bala leêe raquele banegun Diuzi quiele ta quixogueêle benëê diêidzaê laêiya quienëê, o chi raquele conlë Bichi Be quie Diuzi rnële, reyaêalaê hue quiele con cabëê rna diêidzaê bzuaê lëêë guichi ni, porque nacan mandado quie Cristo. 38 Chi nu benê bireêen hue quie con cabëê rna diêidzaê bzuaê lëêë guichi niga, bihuele casa quienëê. 39 Cani niaê leêe benê bichaê: Reyaêalaê quixogueêle benëê diêidzaê laêiya quie Diuzi. Lëzi niaê leêe biuzegadyile quie benê inë diêidzaê binaca xtiêidzaêyaquëê. 40 Yugulute con ca ruele, huele ta yuêu niêa xnezi, bihuele con ganzi.