Lóma 15

1 Yélini yi kêii Yesu ka ndêndê ngê nmo kêlîmî té, nmî pyipe yoo, nêii dé u kwo dnyinté a kêlîmî té, yi yéli yi kwódu yiyé u kópu dé pêdê vyîmî téme. Nmî chóó nmî nuwêo u pono daanmî vyápê. 2 Nmî tîdê mbwó yoo yi mbêaambêaa pêuu paa nuwêo kmêle, Yesu ka mbêaambêaa ngê pîdnye kêlîmî. 3 Nmî chóó nmî nuwêo u pono daanmî vyápê, mu kópu u dîyêo Yesu Kédisu chóó u nuwêo u pono dêpwo vyápê. Dépidi ngê Yesu komo alanté a kââ, Chóó Lémi ka kwo, Peede kópu yilî nêii ṉga vyi ngópu, a pwo ghay dniye. 4 Kópu yilî nêii Chóó Lémi u komo kapî pyu knî yêoo wunê a dêêê tumo, nmî wêdêwêdê kîgha u lêêê dîyêo a dêêê tumo. Ala dye ghi dono u vyîmî têdê, yi kópu knî yêoo a ngêêpî nmo. Yi kópu knî yi mbêmê nmî lama ka tóó, Yesu ngê ndêndê ngê wa ngee nmo. 5 Kêomo tpile ló kópu angmanmya a vyîmî, Chóó Lémi ngê yi kópu u vyîmî têdê wa ngee nmyo, nmyi nuwêo dmi amyedê lêâmo té. Chóó Lémi ngê choo a ngêêpî nmyo, nmyi nuwêo dmi ngmidi ngê u ngwo paa pyaa we, Yesu Kédisu u nuwêo pêuu dmyinê mbêpê. 6 Nmî yâpwo njini Chóó Lémi, nuwêo ngmidi ngê dmyinê chaa kîgha, pini nêii nmî Lémi Yesu Kédisu u Mî. 7 Yesu ngê u kede paa ntee têee nmyoo, numo u kede paa yinté dmyinê ya. Yi kópu u lêêê dîyêo pi knî yêoo Chóó Lémi u ngwo dnyêoo chaa kîgha. 8 Yesu Kédisu Nju tpémi yi ngêêpî pyu ngê pyodo, Chóó Lémi ngê yi knêââ knî ye kópuni a vyi too, yi kópu u ngwo ntiye too, mu kópu u dîyêo Nju tpémi yêoo pêdê wêee yêe, awo, Chóó Lémi ngê u kópu yilî ndêndê ngê dê ntiye té. 9 Yesu Kédisu knêaa yéli yi lêêê dîyêo myeda loo, apê, módó yeedeyeede u lêêê dîyêo Chóó Lémi paa chaa kalê yêe. Dépidi ngê yinté kópu puku yedê alanté a dêêê ngê, Chóó Lémi ka kwo, A Lémi, nêaa chaa kîgha ngi, ḻêêê dîyêo anî wéti. Yélini daa Nju tpémi, yi yéli yêoo a kópu dyuu wamye nyêee ngmê. 10 Puku yedê alanté mye tóó, Knêaa yéli. Chóó Lémi u yoo yi kêii, nmyi gha dmi mbêaambêaa ngê choo ya. 11 Alanté mye tóó, Knêaa yéli, yélini daa Nju tpémi. Chóó Lémi dpodombiyêe dmyinê chaa kîgha. 12 Yisaya ngê ala kópu a dêêê ngê, apê, Dépidi u tii Åedê pi ngmêwa têaa, Chóó Lémi ngê u pi ndîî ngê yinê wa pyódu, Knêaa yéli amyedê yêenê dé, Yi nuwêo dmi pêuu adnyi kwo. 13 Chóó Lémi ngê choo a wêdêwêdê kîgha nmyo, mu kópu u dîyêo Yesu ka nmye kêlîmî té. Wêaa u ngwo anmyinê pywêee ngmê, u kêii mbêaambêaa ngê anmyinêaa ya. Yi kópu knî yi mbêmê Chóó Lémi u Ghê Dmi ngê adî ngêêpî nmyo, ala kópu nmyi lama ndêndê ngê wa yââ, Chóó Lémi ngê daawa kéé nmo, u kwo wa a kââdî nmo. 14 A tîdê mbwó yoo, a lama ka tóó, nmyo mbêaambêaa dé, nmyo lama yéli, u ntââ wanmyi numo ndiye kîgha. 15 Kêomo tpile nmyo u ntââ dé, ngmênê daa tumu noo ya, ala pweepwee pee yedê yi kópu dyuu nmye mêdêa vyîlî té, mu kópu u dîyêo Yesu Kédisu ngê a ngmidi noo, dpodoni u pi ndîî a ka ngma a kpo, knêaa yéli yi lêêê dîyêo u dyépi ngê a pyódu noo. 16 Kpêê yiyé pyu knî yêoo Chóó Lémi ka tpile tpêoo ntee a yémî tumo, yélini daa Nju tpémi Chóó Lémi ka yinté myinê yémî té. U Ghê Dmi ngê Chóó Lémi u nuu u yoo ngê u ngwo dê pyódu té. 17 Chóó Lémi u dpodo nêii Yesu Kédisu u wêdêwêdê mbêmê nêaa dódó ngê, yi dpodo u pi ndîî ngê nêaa pyépi. 18 A chóó a pi daanî knî, ngmênê kópuni Yesu Kédisu u wêdêwêdê mbêmê nî dêuu too, yi kópu knî yi mo yi pêuu nînê danê. Kópuni nî vyi too, kópuni nî dêuu too, knêaa yéli Chóó Lémi u yoo vyêo u ngwo nî kââ, yi kópu yilî Yesu u wêdêwêdê mbêmê nî dêuu too. 19 Nmî Mî u Ghê Dmi u wêdêwêdê mbêmê kópu ndîî yilî myêaa dêuu ngê, knêaa yéli Chóó Lémi u yoo vyêo u ngwo nî kaa too. Njedusalem nê yaa wo, Ilidikêm Wee u kwo nîmo diyé wo, pêaani pêaani pi knî ye Yesu Kédisu u kópu mbêaa noo tpapê. 20 Dye ghi yintómu u ya a nga dpîmo kwo, Yesu Kédisu u pi kwéli doongê nyêee ngópu, yêi nî lê, Yesu u kópu mbêaa ye ngmênêuu vyi, mu kópu u dîyêo pi kuu u dpodo pêuu dpodo u ya a nga dêpwo kwo. 21 Kópuni puku yedê a tóó, nê, Yi kópu nî ntiye. Ala yi kópu. Yélini yêoo u pi doongê nyêee ngópu, Dîyo wa nyêee ngmê, amyedê wêee ngmê. 22 Mêââ yilî yi kêoo u ya a nga doo kwo, Nêuu mêuu nmyo, ngmênê a dpodo alêii ndîî ngê doo ya. Yi dpodo ala wee knî yi kwo atédî chedê, ala ngwo nînê pwiyé knî, nîmo mumu nmyo. U ya a nga a kwo, Spén nî lê, moma anê mêuu nmyo, nmyi pêuu mwiyé amêaa ya, u kuwó dini ghi ngê dpî ngee nódó, Spén u ngwo anî lê. 25 Ala ngwo Njedusalem mwiyé mîdî lê, Chóó Lémi u yoo dînêaa ngee té, mu kópu u dîyêo Yesu u yoo yélini Másîdóniya Wee u kwo Kîdiki Wee u kwo a kwo, yi yéli yêoo yi ndapî tpêoo ntêeemwintêeemwi mêuu tumo, a ka a kê tumo, Njedusalem anî Åuwêo té, Chóó Lémi u yoo vyêo pinténi wunê wee, yi ndapî ye anî Åuwêo té. 27 Yélini yêoo yi ndapî a ka a kê tumo, yi chóó noko yepê, Pinténi Njedusalem wunê pyede, paa ngee téme, ndapî knî ye ngmêpaa dyêââ koo. Yi kópu yi chóó vyi ngópu, ngmênê Nju tpémi yêoo Chóó Lémi u kópu dyuu ye mwiyé yêee ngópu, wodêoo knêaa yéli yêoo dyámê u tpile mbêaa knî ngmê Nju tpémi ye u nkwo dnyêoo yémî dé. 28 Dini ghi nêii ngê Njedusalem anî lê, yi ndapî yintómu ye anêuu yêee té, Lóma máádi anêuu kwolo. Yesu Kédisu u wêdêwêdê mbêmê anêuu wêdêwêdê kalê nmyo. U kuwó dini ghi ngê Spén anêuu lê. 30 A tîdê mbwó yoo, ndîî kópu nmye ngmênînê dmyinê. Nmî Lémi Yesu Kédisu u pi ngê nmye nînê dmyinê, u ntââ a lêêê dîyêo wanmya a ngêpê. Nmî Mî u Ghê Dmi ngê a nuu ghi nmyi nódo a yó, yi kópu u lêêê dîyêo nmye myenînê dmyinê, u ntââ a ngêpê wanmyinê vyîko ngmê, a lêêê dîyêo Chóó Lémi ka amyêee dmyêee ngmê. 31 Ala kópu dpî dmyêee yó, Nju tpémi yélini Yesu u yoo vyêo daa ghê dniye, Njuda Wee u kwo, yi yéli yêoo kîngî vya nê. Ala kópu myoo dmyêee yó, Tpileni Njedusalem anî Åuwêo, Yesu u yoo knî yêoo yi tpile kîngî mbêii ngmê. 32 Chóó Lémi ngê nmî ngêpê pêdê nyêee ngê, pêdê ngee nêne, ye yêi nmye u ngwo anê lê, wêaa u ngwo anê pywêoo, nmyi vyêo ghê u ngwo anêuu vyêu. 33 Chóó Lémi ngê choo a ngêêpî nmyo, mbêaambêaa ngê u ngwo dmyinê a ya. Ye ndîî kópu.