Lóma 14

1 A tîdê mbwó yoo, nmyo yintómu Yesu u yoo vyêo yéli, ngmênê ala kópu a lama kîyedê tóó, nmyi vyêo pi dyêêdî miyó a tóó, dyêêdî ngmê nêii dé Nju tpémi, dyêêdî woni nêii dé daa Nju tpémi. Nêii dé Nju tpémi, nté pywupwi têdê tpile tpêoo mbyuu dêuudpî pwila ngmê, myedaawa ma ngmê, mu kópu u dîyêo dpo, Nêii ngê kî tpile tpêoo dê vyêa, chóó u kêomo yâpwo ka yi tpile tpêoo u ghê dê yêoo. Dpo, Kî tpile tpêoo mbyuu wanmî ma knomomê, ye Chóó Lémi ka tupwótupwó ngê wanmî pyaa dmi. A tîdê mbwó yoo, yi yéli yêoo dêêpî kópu dyuu mwo a chââchââ ngmê, ala kópu ye dêudêumbiyêe doongê wa wo, Yesu ka kêlîmî mbêmê Chóó Lémi ngê yinêwa a kââdî nmo. Yélini Yesu ka dpodombiyêe a kêlîmî té, yi yéli yêoo tpile tpêoo mbyuu a pywupwi tumo, mye pîpî tumo, mu kópu u dîyêo dpo, Kêomo tpile kî tpile tpêoo u ghê kêomo yâpwo ka dê yêee ngmê, ngmênê kêomo yâpwo kêomodanê u tpile, daa yâpwo ndêndê. A tîdê mbwó yoo, kêomo tpile nmyi nuwêo dmi u mo u mo dé, ngmênê noko mbêaambêaa ngê dmyinê ya. Pini nêii Yesu ka dpodombiyêe daa kêlîmî, u lêêê dîyêo tpile tpêoo mbyuu daa pîpî too, yi pini nangê mbêii, u nuwêo nangê ngmêê. 3 Yélini yêoo tpile tpêoo mbyuu a pîpî tumo, yélini yêoo daa pîpî tumo, numo pêuu danê ngê kêê kîdmyenêngê têee ngmê, mu kópu u dîyêo nmyo yintómu Chóó Lémi ngê u yoo vyêo kaa nmyoo. 4 Knêaa pini u dpodo pyu pêuu danê ngê kêê pi dêuuwodê têoo. Yi pini chóó u kada pini a tóó, yinê dpî vyi, dpo, Kî pini ngê mbêaambêaa ngê a dpodo, ó dono ngê a dpodo. Nmî Lémi u dpodo pyu yoo mbêaambêaa ngê adnyi dpodo, mu kópu u dîyêo yi dpodo têdê yinê wa ngee té. 5 A tîdê mbwó yoo, ala myomoni kópu, kópuni pêuu nmyi nuwêo u mo u mo dé, nmyi ya nmye yinê kîngî dyênê. Nmyi vyêo ngmê knî yêoo ala kópu a tpapê ngópu, apu, Wo knî ngmê ndîî dé, wo knî mêuu têdê dé. Woni knî yêoo ala kópu a tpapê ngópu, apu, Wo yintómu mye ntee dé. Yi kópu pêuu nmyi chóó nmyi nuwêo u pono dmyinê vyápê. 6 Pini nêii ka wo knî ngmê dpudu u wo dé, yi wéni knî yêoo Chóó Lémi mbêaambêaa ngê a chââchââ ngópu. Nêii knî yêoo nté dyêêdî yintómu a pîpî tumo, yi ntini yilî yi lêêê dîyêo Chóó Lémi a kwunokwuno ngópu, yedêoo mye u chââchââ. Nêii knî yêoo nté woni dpî kpîpî têoo, Chóó Lémi u lêêê dîyêo dpî kpîdî têoo, mye kwunokwuno ngópu. 7 Daa nmî chóó nmo pyede, ngmênê nmî Lémi u nuwêo pono nmo vyápê té. Daa nmî chóó nmo pwopwo té, ngmênê nmî Lémi u kópu mbêmê nmo pwopwo té. Kêomo tpile anmî ya ó anmî pwêoo dmi, ngmênê nmî Lémi pêuu nmo pyede. 9 Yesu Kédisu pwene, mêdê pii wo, mu kópu u dîyêo yélini yi ghê dmi a têa, yi kada pini ngê choo ya, yélini pwêoo dniye, yi kada pini ngê myechoo ya. 10 Lukwe dîyêo yi kópu knî yi lêêê dîyêo numo pêuu nmye danê nyédi? Nmo yintómu Chóó Lémi ngîma wanmêuu ghê dmi, yinê wa kóté kalê nmo. 11 Nmî Lémi puku yedê alanté kpaa wo, apê, Ndêndê ngê nêaa tóó, pi yilî yintómu yi yi mbodo dmi ngê kêame a ka wa ghê dmi, Ala kópu wa vyi ngmê, Nmî yâpwo njini kî ndêndê ngê vyîlo. 12 A tîdê mbwó yoo, Chóó Lémi ka nmî chóó nmî kakêmê dmi anmêuu chámê té. 13 Numo pêuu danê mwo yé koo. Nmyi tîdê mbwó knî yi kada lvêê kpî té nangmê yé. 14 Nmî Lémi Yesu u kópu ngê nê wêee ngê, nê, Nté yintómu mbêaambêaa dé. Pini nêii ka nté knî ngmê kwódu yé u nté dé, yi pini ngê yi ntini knî dêuudpî ma té, mu kópu u dîyêo u kwo ndêndê ngê tupwótupwó ngê dpî pyaa dmi. Yi ntini u ngópu ngmanyi ma knomomê, yi pini ngê wamye ma knomomê, nonî awo, Ngmêdî knêaadi, ala ntini mêdî ma, Chóó Lémi ngê wa kpîpî nê. 15 M̱wó yi ntini pêuu anyinê lvêêdî, ye u nuu ghi ṉódo daadî ya. Pini nêii u lêêê dîyêo Yesu Kédisu pwene, ntini nêii nye pîpî, yi ntini ngê yi pini kîdangê lvêêdî. 16 Kêomo tpile nté yintómu nmye mbêaambêaa dé, ngmênê yi ntini knêââ ngê kîdangê pyaa dmi, pi yoo nmyi pêuu u nkwo adnyenêaa danê. 17 Chóó Lémi u yoo vyêo, kmaapî daa ndîî kópu, mbwaa ndanî myedaa ndîî kópu. Kópuni Chóó Lémi u Ghê Dmi ngê a dêuudêuu té, yi kópu yi ndîî kópu dé. Nmî dyââpe a pwapî too, Chóó Lémi u kêii nmî ya mbêaambêaa ngê a pyépi, wêaa mbêmê nmînê pywêêmî ngê. 18 Yesu Kédisu u yoo vyêo pini nêii ngê u mbwó daawa a lvêêdî, yi pini Chóó Lémi ka mbêaa, pi knî ye mye pi mbêaa. 19 Noko mbêaambêaa ngê dmyinê a ya, dmyinê numo wêdêwêdê kîgha. 20 Kópuni Chóó Lémi ngê nmyi vyêo a dêuudêuu, nté ngê yi kópu nmye kîngî dyênê. Kwódu yé u nté daa tóó, u ntââ wanmyi ma têoo, ngmênê ntini nêii ngê pi wa a lvêêdî, yi ntini kîdmyengmê ma ngmê. 21 Kópuni ngê m̱wó wa a lvêêdî, kêomo tpile tpile tpêoo mbyuu pîpî ó mbwaa ndanî ó ló kópu ngmê, ngmênê yi kópu kîdmyengmê dêuu ngmê. 22 Yi kópu knî yi pêuu ntee nye nuwêo, ye Chóó Lémi kêii dpî mbywuu dêêê ngê choo kwo. Pini nêii u nuwêo ngmidi, u gha mbêaambêaa. 23 Pini nêii nté ngmê pêuu u nuwêo miyó ngê dpî pyódu, yi ntini dpî ma knomomê, ye dono dpî dêuu, mu kópu u dîyêo kópuni dpî dêuu, daa kêlîmî mbêmê dpî dêuu. Kópuni daa kêlîmî mbêmê dpî dêuu, yi kópu dono.