Luukî 18

1 U kuwó dini ghi ngê Yesu ngê pêuu ndiye pyu knî ye mgongo ngmê kwólu, u ntêu kópu, dye ghi yintómu Chóó Lémi ka dnyêoo ngêpê, kîngî yé ngmê. 2 Yepê, Pêaa ngmê, kóté yêenê pyu ngmêdoo ya, Chóó Lémi dêdpîmo chââchââ, yoo myedêdpîmo chââchââ. 3 Yepê, Yi pêaani kuknwe ngmêdoo ya, pi ngmê ngê u tpile knî mwiyé ngma a têâmo ngê. Yi kuknwe kóté yêenê pyu ka dpîmo lêpî, kópu, Ngee nédi, pini nêii ngê a tpile têâmo too, u kwo vyi ngi, a ka mêdê kê téne. 4 Yepê, Dye ghi daadîî kóté yêenê pyu ngê yi kuknwe dêdpîmo ngêêpî, u kuwó dini ghi ngê apê, Kêomo tpile Chóó Lémi dînî chââchââ, yoo myedînî chââchââ, 5 ngmênê kî kuknwe ngê dyaa yono a ka dê chedê, a ngîma dê kaalî, ala ngwo nêaa ngêêpî, yi kpáápi nêaa kóté kîgha, kuknwe ka u tpile yintómu u kwo mêwunê diyédiyé kîgha. 6 Nmî Lémi ngê yepê, Kópuni yi kóté yêenê pyu dono ngê vyu, yi kópu pêuu dmyinê nuwêo. 7 Ye póó wo, yepê, Wêêênî mgîdî vyêo Chóó Lémi ka chóó u yoo adnyi ngêpê knomomê, lukwe, u kwo wa chêanê dmi, ó daawa chêanê dmi, lîmîlîmî ngê wa ngee té, ó daawa ngee té? 8 Yepê, Mgî daawa puwâ, lîmîlîmî ngê wa ngee té. Yepê, Ngmênê dini ghi nêii ngê amênê diyé, a yoo vyêo pi yémi adî kwo. Yepê, Kuwa yéli yêoo kîngî chedê nmyo. Yepê, Yi kuknwe dmyina a njêii, ngêpê têdê chaa dmyinê chedêchedê, Chóó Lémi ngê u ngwo wa a ngee nmyo, wo yéli wa dêê dmi, daawa chedê nmyo. 9 Yélini yêoo apu, Nmo mbêaambêaa dé, wo yéli dono dé, yi yéli yi pêuu Yesu ngê mgongo ngmê kwólu, 10 yepê, Pi miyó, Chóó Lémi u ngomo kêoo ngêpê têdê lee knopwo, woni Pádisi, woni tákisi ngêêpî pyu. 11 Yepê, Pádisi ghêêdî wo, yoo yi ngîma u mo mînê ghê wo, alanté doo ngêpê, Chóó Lémi ka kwo, Mwêââkó a Lémi, dye ghi yintómu nyinê ngêêpî noo, u lêêê dîyêo a lêêê ghi mbêaambêaa dé, pi yilî ntee, dêaa yinté, dêaa kmungo pyu, dêaa kêêmî kapî pyu, dêaa pyââ ti pyu, dêaa kî tákisi ngêêpî pyu ntee pini. 12 Kwo, Wiki yintómu knî yi kêoo wo miyó dê yi kêoo nté dînî pîpî ngê, ṉga u ngwo nînê ngêpê yédi. Kwo, Ntini nêii dpo pywêoo, dînî mgîpa kîgha ngê, dyuu yêa dpêo pyidu, yononi mbwó ṉmodo pyu knî ye dpî yêoo. 13 Yesu ngê yepê, Pádisi yinté doo ngêpê, ngmênê tákisi ngêêpî pyu mwada yêi u mo a ghê wo, u dono knî yi lêêê dîyêo kêame doo kwo, tpéé kópu yilî doo tpapê, mbodo a nyêii ngê, Chóó Lémi ka kwo, A Lémi, ṉga dêoo chêanê wo, a dono yilî ṉguwó wanyi kéé té? 14 Yesu ngê yepê, Ala kópu nyêee yó. Yepê, Tákisi ngêêpî pyu u dono yilî pêee chedê ngê pyodo, ngmênê daa Pádisi, mu kópu u dîyêo nêii ngê chóó u pi a kmîmî ngê, Chóó Lémi ngê yi pini u pi têdê ngê wa a pyódu, nêii ngê chóó u pi wunê ghîpîghîpî ngê, Chóó Lémi ngê yini u pi ndîî ngê wa pyódu. 15 Pi ngmê knî yêoo yi tpêee mbópó Yesu ka a Åuwêo tumo, apê, Kóó yi mbêmê nyi yé ngê, ngmênê Yesu pêuu ndiye pyu knî yêoo yi mêuu tumo, ye kwódu ngópu. 16 Ngmênê Yesu ngê yepê, A ka a Åuwêo teÅe, ye namê kwódu yé, mu kópu u dîyêo tpêee dmââdîma ntee yéli Chóó Lémi ngê chóó adî yêenê dé. 17 Yepê, Ndê kópu nmye ngmênêaa tpapê, yepê, Tpêee ngê u mî u dnye ntee a nyêmî ngê, nêii ngê Chóó Lémi u dnye yinté daadî nyêmî, Chóó Lémi ngê yi pini wa mbêii, kóó kêoo daawa kââ. 18 Kada pini ngmê Yesu ka póó wo, kwo, Nmî ndiye kîgha pyu mbêaa. Kwo, Ló kópu ngmanî dêuu, ghê kamî u ngwo anê pywêoo, ghéni nêii chedê ngê daawa pyódu? 19 Yesu ngê kwo, Lukwe dîyêo mbêaambêaa u pi a pyimo chi têoo? Kwo, Pi mbêaambêaa daangma a tóó, Chóó Lémi mu ngmidi yi mbêaambêaa. 20 Kwo, Dêêpî kópu dyuu ḻama a kwo, kwo, Pi u kuwó nangmê pwiyé, pi nangmê vyêa, pi u tpile nangmê têâmo, pi nangmê yipe, m̱ye m̱î chi chââchââ dê. 21 Yi pini ngê kwo, Tpêee têdê noo a ya, yi kópu dyuu noo a chââchââ, ala ngwo myenî chââchââ té. 22 Yesu ngê yi kópu yi nyongo, kwo, Kópu mu ngmidi chuungê dêuu ngê, tpile yilîni ṉgópu a tóó, ngópuchêanê knî ye nyi yéépi, yedêoo dpo ngmêêê nédi, cha a yâmuyâmu nê, kwo, ya mbêaa mbóó pêuu u ngwo anyimo pywêoo. 23 Dini ghi nêii ngê yi pini ngê yi kópu nyongo, u gha dono ngê pyodo, mu kópu u dîyêo ndáápi ndîî, u tpile yilî. 24 Yesu ngê a wêee ngê, apê, Wu pini u tpile yilî yi pêuu a nuwêo, wodêoo pi knî ye yepê, Nêii ndáápi ndîî, a maa pêuu paa dpodo ndîî ngê u kwo wa pyódu, Chóó Lémi kóó kêoo angênté amî ghê. 25 Yepê, Mbwêmê ndîî, tee knêââ puu u mênê daawa kee, yepê, myenté Chóó Lémi kóó kêoo ndáápi dêuudpî ghê. 26 Nêii knî yêoo yi kópu nyêee ngópu, noko yepê, Wu lónté kópu? Noko yepê, Ndáápi yoo Chóó Lémi kóó kêoo daangmêwa ghê knomomê, ye nêuu ngmê u ntââ yêi amî ghê? 27 Yesu ngê yepê, Doo u ntââ Chóó Lémi kóó kêoo pi chóó daangmêmî ghê, ngmênê Chóó Lémi chóó u ntââ, pi chóó kóó kêoo wa kââ. Yepê, Kópu yilî yintómu Chóó Lémi u ntââ. 28 Pita ngê Yesu ka kwo, Mââwe. Kwo, Nmî pêaa dmi nmo kuwo too, anmînê yâmuyâmu ngi. 29 Yesu ngê yepê, Ndê kópu nmye ngmênêaa tpapê, pini nêii ngê a lêêê dîyêo u pêaa dpo kuwo, u kpâm ghee knî dpo kuwo té, u tîdê mbwó yoo dpo kuwo té, u pye mî dpo kuwo dê, 30 yepê, yi pini ngê yinté tpile mê yilî ala dini ghi ngê amêdê pywêoo, mu dini ghi ngê ghê kamî amyemînê pywêoo, ghéni nêii chedê ngê daawa pyódu. 31 Yesu ngê u dyépi yêa mê miyó knêaa Åuwêo too, yi mo yepê, Ala kópu nyêee yó. Yepê, Ala ngwo Njedusalem nmo lêpî té, Chóó Lémi u komo kapî pyu knî yêoo Chóó Lémi u Pi Ndêndê pêuu kópuni a dêêê tumo, yi kópu yilî yêi wumê ntiyentiye té. 32 Yepê, Lóma tpémi yi kêê kêoo wa kaa nê, wadnyi nkwitinkwiti nê, a pêuu wadnyi peede tpapê, a pêuu wadnyi tpyîpwi. 33 Yepê, Wadnyi kpakakpaka nê, wa vya nê, ngmênê wo pyoloni ngê wamênî pyidu. 34 Pêuu ndiye pyu knî yêoo yi kópu dyuu dêudêumbiyêe dêpê wêee tumo, apê, Lukwe dîyêo kînté nmo a mbumu. Apê, Chóó Lémi u Pi Ndêndê u pi ndîî ngê wa pyódu, dono daawa a pywêoo. Yinê ye ngmee u kópu ye yi vyu, dêpê wêee ngópu. 35 Daa kêmakêma Yesu pêuu Njédikó dnye taataa, maa nkîghêê pi ngmêdoo ya, ngwolo dê kopwe dê. Daa dpodo u ntââ, dye ghi yintómu maa nkîghêê dpîmo ya, pi knî ye ndapî dpîmo dmyinê. 36 Dini ghi nêii ngê yoo u nkîghêê doonêaa lêpî, yi dnye dmi yi nyêee too, ye póó wo, yepê, Lukwe ngmêdê pyódu? 37 Kwo, Yesu Nasalet pi kîyedê pwiyé knî. 38 Wodêoo dpodombiyêe ka wo, kwo, Yesu. Kwo, Nêii Chóó Lémi ngê a ngmidi ngê, Dépidi ntee pini, u ntââ ṉga wanê chêanê? 39 Kêomo tpile yélini u kada dnye kwo, u kwo a tpêpwo dniye, kwo, Tumu chi ya, ngmênê yi dnye dmi daa nyongo, dpodombiyêe modoo kââ, kwo, Dépidi ntee pini. Kwo, U ntââ ṉga wanê chêanê? 40 Wodêoo Yesu ngê paa u dî puwâ, yepê, Kî pini a ka a Åuwêo yó. Dini ghi nêii ngê u kwo a Åuwêo ngópu, Yesu u kwo póó wo, 41 kwo, Lukwe ṉga ngmanî mdo? Yi pini ngê kwo, A Lémi. Kwo, U ya a nga a kwo, Yélî mêaa mêuu. 42 Yesu ngê kwo, Yélî mê mwini. Kwo, Ṉgêlîmî mbêmê chi pyiyé. 43 Wodêoo yi ngwo yélî mê módu, Yesu u kuwó mye ghê wo, Chóó Lémi doo chaa kîgha. Nêii knî yêoo mêuu ngópu, Chóó Lémi myednye chaa kîgha.