Luukî 17

1 Yesu ngê pêuu ndiye pyu knî ye yepê, Kópuni knî yi lêêê dîyêo pi knî yêoo maa mbêaa wa knêaadi ngmê, yi kópu dyuu maa nkîghêê adnyi kwo, ngmênê nêii ngê yinté kópu yi máádi nkîghêê ngmada a ÅeÅe, yi pini dêudêumbiyêe choo nkîngê. 2 Yepê, Pini nêii u lêêê ghi mbêmê pi kamî knî yêoo maa mbêaa wa knêaadi ngmê, Chóó Lémi ngê yi pini dnyinté daawa kpada. Yepê, Pi knî yêoo yi pini mwiyé wo mgîmî ngópu, chêêpî pââ ndîî nódo ngmêwo kudu ngópu, mbéli u kwo wumê kalê ngópu, ye yi dono ndîî daapî dêuu ngê, Chóó Lémi ngê dpodombiyêe daapaa kpada. 3 Yepê, Nmyi chóó nmye dmyina a vyuwo. Yepê, Nmyi mbwó ngê dono kópu angmê dêuu, ye u kwo dpî kwódu yó. Yepê, U dono dpo kuwo knomomê, ye u dono nmyi mbodo knêââ vyuwo dpî kéé yó. Yepê, Ntââ u ngwo nangê vyêu. 4 Yepê, Kêomo tpile wo ngmidi kêoo yi pini nmyi pêuu pyudêo adî dono knomomê, tpéé kópu pyudêo wa vyi knomomê, nmyewo, Dî knêaadi, daamunî dêuu, ye u dono nmyi mbodo knêââ vyuwo pyudêo dpî kéé yó, mênangê ngî. Yepê, Ntââ u ngwo myenangê vyêu. 5 Yesu u dyépi knî yêoo nmî Lémi ka kwo, Nmî kêlîmî ndîî ngê pyódu ngi. 6 Nmî Lémi ngê yepê, Lukwe dîyêo nmyi kêlîmî daa ndîî tpêoo? Yepê, Chipa wêuu u mênê wêuu nêii a kwo, yi tpile daa ndîî tpêoo, apii? Yepê, Nmyi kêlîmî wo yintoo, ye kî nkêpe ka pîdmyi vyi ngmê, Kada yéni, ntêee nyi ghé, yepê, yi kópu ntênê paa dêuu, ntêee paanêaa ghê. 7 Yesu ngê u yi dêpwo kwo, A yoo knî yêoo yi pi dmi dnyêoo kmîmî dé, yi kópu u lêêê dîyêo dyimê pywuu ye ngmê yêângo, yepê, Pi mupwoknî ngmê yâpwo têdê adnyinêaa dpodo. Yepê, Lukwe, ntumokwodo yi pini ngê u kpâm ka wa vyi, kwowo, Chi lîme, nté nêaa chêeechêee? 8 Yepê, Kêle. Yepê, Yi pini ngê u kpâm ghee knî pêo kada wa kaa té, u kpâm ka kwowo, Chinêaa nté chêeechêee, kuwó nînê kwo. Yepê, Yi pini pêo dini ghi nêii ngê wa têaa, nté tpyópu ndiya wa mêuu, lukwe, u kpâm wa chaa kwolo, kwowo, Yêayêa chi pwiyé? 9 Yepê, Kêle, u dpodo yêi a tóó. 10 Yepê, Nmyo myenté dé. Yepê, Chóó Lémi u dêêpî kópu dyuu yintómu wanmyi châpu têoo, ye nmyi chóó nmyi pi dmi nangê knî. Yepê, Ala kópu dpî vyi yó, Dpodoni nmo a kpo, vyîlo yidu dóó, daa chaa kîgha u dpodo yidu dóó. 11 Dini ghi nêii ngê Yesu, pêuu ndiye pyu knî yi kêii, Njedusalem dnye lêpî, Nkálili Wee Samédiya Wee yi kêlî ghê dnye paa. 12 Daa kêmakêma pêaa ngmê dnye taataa, pi yêa maa pêuu a pyódu ngópu, too pee mbii leprîsi ye doo ya. Yi pini yêa knî yêoo Mósisi u dêêpî kópu dyuu châpu ngópu, Yesu pêuu yi nkîghêê daa nî dniye, 13 dpodombiyêe u kwo mbó dniye, kwo, Yesu, nmî lémi, ṉga dpêoo chêanê dniye? 14 Yesu ngê yi mêuu too, yepê, Njedusalem lee dmyeno, kpêê yiyé pyu ngê amî mêuu nmyo, wodêoo kada a yêee ngópu. Maa pêuu too pee mbii yi pêuu machedê ngê pyodo. 15 Yi vyêo pini ngmê ngê dini ghi nêii ngê a wêee ngê, apê, Aténgê dî pyiyé, mêdê diyé wo, Chóó Lémi dpodombiyêe tââ doo chaa kîgha. 16 Yesu yu kmêee dyimê wo, doo kwunokwuno. Yi pini daa Nju pi, Samédiya pi. 17 Yesu ngê pi knî ye yepê, Pi yêa kîdî pyi, angênê mê chu. 18 Yepê, Lukwe dîyêo Chóó Lémi u yoo vyêo pini chu knî yêoo, Chóó Lémi doonêaa kwuno ngópu, knêaa pêaani pi ngmê ngê u mo até dêuu kwuno. 19 Wodêoo Yesu ngê kwo, Ghêêêdé, kada a yéni, ṉgêlîmî u lêêê dîyêo chi pyiyé. 20 Pádisi knî ngmê Yesu ka póó dniye, kwo, Chóó Lémi ngê u yoo yêenê knêââ chóó anté dini wa chaa? Yesu ngê yepê, Chóó Lémi u yoo yêenê doo u ntââ ngwolo ngê daanmyi mêuu ngmê. 21 Yepê, Doo u ntââ pi ngê daawa vyi, Alêii knêââ kêdê chaa, ó mwi knêââ kêda chaa, mu kópu u dîyêo wodêoo yi kópu nmyi vyêo ka tóó. 22 Wodêoo Yesu ngê pêuu ndiye pyu knî ye yepê, Dîyo Chóó Lémi u Pi Ndêndê wanmyêuu tpyêoo ngmê, anmyi têââtêââ, ngmênê lîmîlîmî ngê daawa têaa. 23 Yepê, Dye ghi knî ngmê ngê pi knî yêoo ala kópu nmye wa vyi ngmê, nmyewo, Chóó Lémi u Pi Ndêndê alêii ka tóó, ó mu pêaani kîyedê tóó. Yepê, Ye nêuungmê ngêaa mbêanê, yêi nangmê nî. 24 Yepê, Daa pêaa ngmidi tpémi yêoo Chóó Lémi u Pi Ndêndê wa mêuu ngmê, ngmênê pi yintómu knî yêoo wa mêuu ngmê. Yepê, Lîmî ntee dpî pywálî, pi yintómu knî yêoo ntee dpî mêuu ngmê, Chóó Lémi u Pi Ndêndê yinté amye mêuu ngmê. 25 Yepê, Ngmênê ala dini ghi u yoo knî yêoo mwiyé wa mbêii ngmê, dono u ngwo wa dêuu ngmê. 26 Yepê, U kuwó dini ghi ngê Chóó Lémi u Pi Ndêndê amêdê diyé. Wéni nêii ngê amêdê diyé, pi lama daadî ya. Yepê, Nówa u dye ghi ngê yoo ntee doo a kwo, wéni nêii ngê Chóó Lémi u Pi Ndêndê amêdê diyé, yoo yinté amyaa kwo. 27 Yepê, Nówa u dye ghi ngê yoo dêdnyimo a nkîngê, dnya a kmaapî, dnya a mbwaa ndanî, dnyimo a yééyéé, u dî wéni nêii ngê Nówa pêuu nkéli kêoo wo dniye, wo yéli vyi ngê vyâ. 28 Yepê, Nówa u dye ghi ngê yoo daa yi lama ntee a pwêoo dniye, Loté u dye ghi ngê mye yinté. Yepê, Yoo dnya a kmaapî, dnya a mbwaa ndanî, dnya a tpile pywupwi, dnya a nté woo kapî, dnya a ngomo wuwó. 29 Yepê, Wéni nêii ngê Loté ngê Sodom a kuwo ngê, ndê mbóó pêuu ngma a ndê wo, yi pêaani dêudêumbiyêe a vyuwó ngê, pi yintómu ma too. 30 Yepê, Wéni nêii ngê Chóó Lémi u Pi Ndêndê amêdê diyé, mye yinté, yoo dono daa yi lama yi kpadakpada têdê wa lee dmi. 31 Yepê, Yi wéni ngê nêii u ngomo maknopwo adî ya, lîmîlîmî ngê dpî mbêpê we, u ngomo kêoo mêkîngê kee, u tpile kîdangmênêaa ngî. Yepê, Myenté pini nêii u yâpwo têdê adînêaa dpodo, u pêo mêkîngê diyé, u tpile kîngmê nya, lîmîlîmî ngê dpî mbêpê we. 32 Yepê, Loté u kpâm pêuu nuwêo ngî kalê yó, pyópuni mêdê diyé wo, apê, A pêaa ndê ngê modo pîpî, u ngwo pwene. 33 Yepê, Nêii chóó u ghê pêuu adî nuwêo, u ghê lêâmo wa a ngee, nêii u ghê pêuu daadî nuwêo, ghê ndêndê wa a pywêoo. 34 Yepê, Yi mgîdî ngê pi miyó ngmîtédmino adpî dpî, enjel knî yêoo woni wa ngî ngmê, woni wa a kuwo ngmê. 35 Yepê, Pyââ miyó adpî ghee, enjel knî yêoo woni wa ngî ngmê, woni wa a kuwo ngmê. 36 Yepê, Pi miyó yâpwo têdê adpî dpodo, enjel knî yêoo woni wa ngî ngmê, woni wa a kuwo ngmê. 37 Yesu ka pêuu ndiye pyu yoo u kwo póó dniye, kwo, Nmî Lémi, yi kópu ló yêi wa pyódu? Yesu ngê yi póó ye daa vyâ, ngmênê ala mgongo ye yi kwólu, yepê, Chaapyu wêuu ntêee ngmanmyi mêuu ngmê, anmyinê wêee ngmê, anye, mgomo kêii a kwo. Yepê, Doo u ntââ yi kópu daanmyi knêaadi ngmê.