Dpodo 2

1 Dini ghi nêii ngê Yesu pwene, wo limoyêa mî loo, Nju tpémi yi naa ngma a pwaa wo, u pi Péntikos. 2 Nêii dé Yesu ka dnyimo kêlîmî, yi nááli têdê nipi a da wo, wodêoo mbóó pêuu yópu ndîî u dnye ngmê nyêee ngópu. Ngomoni kêoo dnye kwo, pi yintómu knî yêoo mye nyêee ngópu. 3 Wodêoo ndê dóó yilî mêuu ngópu, chaa wo, yi ndéni dóó yi mbêmê ntémwintémwi ghê wo. 4 Chóó Lémi u Ghê Dmi ngê yi yéli yintómu yi gha dmi a ntêee too, u ntââ ngê pyódu too, wodêoo daa dnye ngmidi ngê dnye mbumu. Yélini Njedusalem doo kwo, yi kópu dini ghi nêii ngê nyêee ngópu, wodêoo yoo nipi a wó. 5 Yi dini ghi ngê Nju tpémi daa dyámê pee ngmidi mbêmê dnya a ya. Epîlaham yi knêââ mu ngmidi, Chóó Lémi yi yâpwo mu ngmidi, ngmênê yi dnye u mo u mo dé. Dye ghi knî ngmê ngê Njedusalem naa têdê dnyimo lêpî. 6 Yi yéli yêoo Yesu u yoo yi dnye dmi dini ghi nêii ngê nyêee ngópu, apê, Kî lónté kópu? Apê, Kêomo tpile kî yéli yintómu Nkálili tpémi, yi dnye mu ngmidi, ngmênê nmî dnye ngê nmî dnye ngê ka mbumu té. Apê, Lukwe yêe ngmêdê pyódu? 9 Apê, Nmo knî ngmê Pátiya tpémi, Midiya tpémi, Elam tpémi, Mbápilon tpémi, Njuda tpémi, Kapadosiya tpémi, Pontós tpémi, Esiya tpémi, Pîdichiya tpémi, Pamîpiliya tpémi, Yichip tpémi. Apê, Nmo knî ngmê Sadéni tpémi, Lipiya wee u kwo nmo ndê dniye. 11 Apê, Nmo knî ngmê Lóma tpémi, woni knî yi knêââ Epîlaham, woni knî yi chóó Nju pi ngê pyaa dniye. Apê, Nmo knî ngmê Kîditi tpémi, nmo knî ngmê Alépiya tpémi. Apê, Kêomo tpile nmî dnye daa ngmidi, ngmênê kî yéli yêoo nmî dnye ngê nmî dnye ngê ka mbumu té, Chóó Lémi ngê ndîî kópuni dêuu too, nmo ka tpapê têoo. 12 Kópuni pyodo dêudêumbiyêe dêpê wêee ngópu, noko yepê, Kî lónté kópu? 13 Pi yilî knî yêoo yi kópu vyi ngópu, ngmênê woni knî yêoo noko yepê, Kêdê ghéti dmi, mbwaa dê nda ngmê. 14 U kuwó dini ghi ngê Yesu u dyépi yêa mê miyó yintómu ghêêdî dniye, Pita pi knî ye dpodombiyêe mbwolo, yepê, Nju tpémi. Yepê, Yélini Njedusalem dmyinê dââ, yepê, a ka nga a ngêaa mbê dmyeno. Yepê, Kópuni dê pyódu, u kakêmê nmye nêaa chámêchámê. 15 Yepê, Ala kópu dmye vyi ngmê, Kî tpóknî yêoo mbwaa dê nda ngmê. Yepê, Kêle, ngmênê mbwaa dpêoo ndâ, mu kópu u dîyêo doo u dye ghi, kââdî ngê daa ndîî mbóó ghi yedê kuwo. 16 Yepê, Kî tpóknî yi kêii daa mbwaa yidpî nda, ngmênê kópu kamî nmo ngmêyi têaa, Njowel wunê kópuni pêuu doo a danê, Chóó Lémi u komo u ngwo mwo a kââ. Yepê, Njowel ngê Chóó Lémi u kópu wunê alanté mwo a dêêê ngê, apê, 17 Dini ghi nêii ngê tpile yilî yintómu machedê ngê wadî pyodopyodo, a Ghê Dmi mwiyé wanê dyêââ, pi yilî yintómu yi mênê wa kee. Nmyi tpêee dmââdîma yêoo a komo pi knî ye adnyinêaa kapî, mââwe knî ye yi wóó kêoo a kópu dyuu ana a tpapê dé. 18 Yi dini ghi ngê daa kada pini knî ye yi mo a Ghê Dmi wanê dyêââ, ngmênê a yoo yintómu knî ye a Ghê Dmi amyenê dyêââ, yélini a ka adnya a ngêaa. Yi yéli yêoo a komo yêoo adnyinêaa kapî. 19 Mbóó pêuu kópu ndîî yilî anînêaa dêuudêuu, dyámê mbêmê yinté amyenînêaa dêuudêuu dé. Yi ngwo dini ghi ngê wêê wa pwii, ndê wa têaa, dpudu ndîî ngê wa pyódu, kââdî mgêê nkaa vyêo wa chêiyêe, dêââ wêê kuu ngê wa pyódu, u kuwó dini ghi ngê pi yilî wanî kpada. 21 Yi dini ghi ngê pini nêii ngê a ka wa vyi, Ngee nédi, yi pini wanî ngee. 22 Pita ngê yepê, Yisîléli tpémi. Yepê, A kópu dyuu dpî nyêee yó. Yepê, Chóó Lémi ngê u yi doo kwo, Pi knî yi lama paa yaa we, awo, Chóó Lémi ngê Yesu yinê a dyêââ ngê. Yepê, Yi kópu u lêêê dîyêo Chóó Lémi ngê Yesu yinê a wêdêwêdê kwólu, mbwudu yilî u ngwo doo chap. Yepê, Yi kópu nmyi lama ka tóó, mu kópu u dîyêo Yesu ngê yi kópu yilî nmyi ngópu doo dêuudêuu. 23 Yepê, Chóó Lémi ngê u dyêoo wunê a châpwo, apê, Dîyo Yesu amî mgîmî ngmê, amî vya ngmê. Yepê, Yi kópu nmyi ntiye ngópu, Yesu nmyi mgîmî ngópu, Lóma tpémi ye nmyi yêee ngópu, vya ngópu, kîdosi Åedê têee ngópu. 24 Yepê, Yesu nmyi vya ngópu, ngmênê Chóó Lémi ngê mêdê pyidu ngê. Yepê, Yi dono vyêo mêdê yêângo, mu kópu u dîyêo doo u ntââ pwopwo ngê daapêdoo tpyé. 25 Yepê, King Dépidi ngê Yesu u kópu dyuu wunê alanté a dêêê ngê, apê, A lama a tóó, A lémi ngê daawa kuwo nê, yinê a ngêêpî nê, dono daangmanê pywêoo. 26 Yi kópu u lêêê dîyêo a gha mbêaambêaa ngê a tóó, Chóó Lémi nêaa chaa kîgha ngê. A Lémi, kêomo tpile wanî pwêonu, wanyinê ngee nê. 27 Yélini pwêoo dniye, yi yéli yi vyêo daanyinê kuwo nê, wanyinê ngî nê, têpê ngê daawa ma nê, mu kópu u dîyêo nyi mu ngmidi a kada nye tóó. 28 A ghê a ka amênyinê diyédiyé kwolo. Dini ghi nêii ngê amêaa mêuu ngi, a gha mbêaambêaa ngê amêii pyódu. 29 Pita ngê Nju tpémi ye yepê, A tîdê mbwó yoo. Yepê, Nmî mââwe ndîî Dépidi u kakêmê nmye nêaa chámêchámê. Yepê, Wunê ló dini mwo a pwene, kî kmênê ngópu, awêde kpê ala pêaani ka tóó. 30 Yepê, Chóó Lémi u komo yinê dpîmo a kapî, kópuni Chóó Lémi ngê u kwo a vyu, yi kópu u lama mbêaambêaa ngê doo ya, kwo, Å̱ii Åedê pi ngmanê ngmidi, yi pini ṉyoo yi king ngê wa pyódu. Kwo, Ntee nye tóó, yintoo king ngê wa pyódu. 31 Yepê, Dépidi u lama doo ya, Pini nêii Chóó Lémi ngê a ngmidi ngê, dini ghi nêii ngê wa pwêonu, têpê ngê daawa ma, amêdê pyidu. Yepê, U lêêê dîyêo Dépidi ngê yi kópu u ngwo dêêê ngê. 32 Yepê, Dépidi pini nêii pêuu doo a danêmbum, yi pini ndêndê ngê Yesu. Yepê, Dini ghi nêii ngê pwene, Chóó Lémi ngê mêdê pyidu ngê, nmo yintómu nmî ngwolo knî yêoo kînmî módu, Yesu mêka a pii wo. 33 Yepê, Chóó Lémi ka mê kee wo, u nkîghêê mîmî yaa wo, u che pêââ pee ngê mîmî pyodo. Yepê, Nmî Mî ngê kópuni wunê a vyu, yi kópu u ngwo dê dêuu, Yesu ka chóó u Ghê Dmi dê yêoo, nmo yinê myedê dyêââ. 34 Yepê, Yesu mbóó pêuu ntee kee wo, Dépidi yinté mêdaa kee wo, ngmênê Dépidi ngê chóó u kópu dyuu alanté wunê a dêêê ngê, apê, Chóó Lémi ngê a kada pini ka kwo, M̱i ndîî ngê nêaa pyépi a che pêââ pee ngê chi ya, pi yintómu chi yêenê dé. 35 Yélini m̱êuu a lêêê té, dîyo anî vya té, ṉyi yodo u maknopwo wanî yé té. 36 Pita ngê yepê, Yisîléli tpémi. Yepê, Ala kópu ka dmyinê kêlîmî, Yesu pini nêii kîdosi Åedê nmyi têee ngópu, yi pini Chóó Lémi ngê a ngmidi ngê, nmî kada kââ. 37 Pi knî yêoo yi kópu dini ghi nêii ngê nyêee ngópu, tpéé kópu mî vyi ngópu, yi gha dmi dêudêumbiyêe dono ngê pyodo, Pita u pyipe knî yi kêii nipi ye póó dniye, yepê, Nmî mbwó yoo, ló kópu ngmanmî dêuu? Yepê, Chóó Lémi ngê ntââ nmo awêde wunê vyîmî. 38 Pita ngê yepê, Nmyo ngmêngmênté nmyi dono a kuwo tóó, Yesu u pi ngê mbwaa paa nmo kmênêkmênê nmyo, yedêoo nmyi dono mêdaadî ya, Chóó Lémi ngê u kuwó wa kéé té, mêdaawa a ngî té. Yepê, Yi dini ghi ngê Chóó Lémi ngê u módó yeedeyeede nmye wa a kê, chóó u Ghê Dmi nmyi mênê wa kee. 39 Yepê, Chóó Lémi ngê chóó u Ghê Dmi nmye wa a dyêââ, nmyi tpêee dmââdîma yi kêii, yélini kuughê wunê kwo mye yi kêii. Yepê, Chóó Lémi ngê yélini wa a ngmidi, yi yéli u yoo vyêo wa kââ, chóó u Ghê Dmi ye wa a dyêââ, yi mênê wa kee. 40 Pita ngê pi knî ye daa kópu ngmidi vyu, doo kwunokwuno dé, yepê, Mwêââkó a tîdê mbwó yoo, yélini knî yêoo Yesu vya ngópu, yi yéli mwo a kuwo tóó, mu kópu u dîyêo Chóó Lémi ngê daa pêdê kpada nmyine. 41 Pi yilî Pita ka kêlîmî mbê dniye, yi yéli dyépi knî yêoo Yesu u pi ngê mbwaa paa dnye kmênêkmênê dé, pi pyolo yono yono yêa yi wéni ngê Yesu u yoo vyêo ghê dniye. 42 Yi yéli dyépi knî yi pêuu dnyimo ndiye, yi nuwêo dmi ngmidi ngê dpîmo ya, nipi dnyimo ngêpê, nipi dnyimo kmaapî, Yesu ngê mbîdédi ntee puwâ, wain ntee ye yêângo, yi kópu yinté u nkwo dnyimo dêuudêuu. 43 Yesu u dyépi knî yêoo mbwudu yilî dnyimo chap, pi yoo yi nyepênyepê u kópu ngê dpîmo pyodopyodo, apu, Kî tpóknî yêoo lónté kópu ka dêuudêuu têoo. 44 Yélini Yesu ka dnyimo kêlîmî, yi nuwêo dmi ngmidi ngê dpîmo ya, yi tpile noko dnyimo yémî dé. 45 Yi tpile kuwa dnyimonêaa yémî dé, pi knî yêoo ye dnyimonêaa pywupwi dé. Yi tpile knî yi pywuu dnyimo a ÅeÅe, yi vyêo pinté knî ye dnyimonêaa yémî. 46 Dye ghi yintómu Chóó Lémi u ngomo kêoo nipi dnyimo a wó, yi ngomo kêoo yi ngomo kêoo nté nipi dnyimo pîpî, yi gha dmi mbêaambêaa ngê dpîmo ya, dnyimo numo yeedeyeede, noko dêdnyimo mtîkó, Chóó Lémi dnyimo chaa kîgha. 47 Kuwa tpémi yêoo apu, Kêuuchêm u yoo. Dye ghi yintómu nmî Lémi ngê pi dpîmo ngêêpî dé, u ngwo u kwo dnyimo kêlîmî, u yoo vyêo dnyimonêaa wowo, u yoo yinté yilî ngê dpîmo pyodopyodo.