Dpodo 1

1 Mwêââkó Tiyopilas. Ala kópu yilî a mwiyémwiyé puku yedê nî dêêê ngê, Yesu ngê kópuni yilî dêuu ngê, myenté pi knî yi nuwo kópuni yilî kwólu, u dî, wéni nêii ngê u Mî ka mî kee wo. 2 Yesu dini ghi nêii ngê pwene, mêda pii wo, Chóó Lémi u Ghê Dmi ngê ngópu, u dyépi knî ye u kópu yilî a kuwo ngê, yélini mwiyé a ngmidi ngê. 3 Yi dpodo pêuu wo podo yêa chedê ngê, daa ngêêêntómu chóóchóó ye dpîmo a kêmakêma, wodêoo yi lama mbêaambêaa ngê yaa wo, apê, Kî pini ndêndê ngê mêdê pii wo. Yi dini ghi ngê Yesu ngê daa ngêêêntómu chóóchóó ye a kêma ngê, Chóó Lémi kóó kêoo wowo pêuu ye dpîmo danêmbum. 4 Dini ghi nêii ngê Yesu pêuu ndiye pyu knî yi kêii nipi dnye ya, Yesu ngê yepê, Njedusalem kêdmyenêngê kuwo ngmê. Yepê, Mêaa u yeedeyeede mwiyé dmyinê têââtêââ, kópuni pêuu nmye noo a danêmbum. Yepê, Yinê wa wêdêwêdê kalê nmyo. 5 Yepê, Njon ngê mbwaa paa yoo dpîmo a kmênêkmênê dé, ngmênê mââ mêii Mêaa ngê chóó u Ghê Dmi u mênê wa kmênê nmyo. 6 Dini ghi nêii ngê Yesu u dyépi knî yi kêii nipi a wó, u kwo póó dniye, kwo, Nmî Lémi. Kwo, Wêêê tpémi yêoo ala kópu mêuu ka a vyi ngópu, apê, Dini ghi nêii ngê Chóó Lémi ngê mbêaambêaa ngê wa a ngee nmo, nmo Yisîléli tpémi nmî mbodo dmi mudu yêi wa yââ, knêaa yéli yi kada pini ngê amêoo pyaa dmi. Kwo, Yi kópu ala ngwo a pyodopyodo? 7 Yesu ngê yepê, Kópuni wa pyódu, Mêaa ngê yi dini ghi u kópu chóó wa vyi. Yepê, Yi dini ghi nmyi lama daawa yââ. 8 Yepê, Mêaa u Ghê Dmi dini ghi nêii ngê nmyi pwo wa a ghîî, yepê, dêudêumbiyêe wa wêdêwêdê kalê nmyo, pi knî ye a pêuu u nkwo anmyinêaa danê, Njedusalem tpémi ye, Njuda tpémi ye, Samédiya tpémi ye, myenté dyámê ghi yintómu knî yi mbêmê. 9 U danêmbum dini ghi nêii ngê a kêlî ngê, wodêoo Chóó Lémi ngê mbóó pêuu yi ngópu kmungo, apê, Nkalî too pee vyêo adêuu têiyêe. 10 Dini ghi nêii ngê mbóó pêuu kee wo, pêuu ndiye pyu knî yêoo yi ngwolo dmi dêpê yêee ngópu, mbóó pêuu mudnye vyuwo, wodêoo pi yi nkîghêê miyó adî mêuu ngmê, yi kpîdî dê kpaapîkpaapî dê. 11 Yi tpódu yêoo yepê, Nkálili tpémi. Yepê, Lukwe dîyêo alêii nmye kwo té? Yepê, Lukwe anmye yêenê ngmê, mbóó pêuu? Yepê, Ye pini Yesu, pini nêii nmyi ngópu dê kee, u Mî ka, yepê, mbóó pêuu u Mî ka ntee dê kee, dîyo dyámê mbêmê yinté amêdê diyé. 12 U kuwó dini ghi ngê Yesu u dyépi knî yêoo mbu mbodo Olipi a kuwo ngópu, Njedusalem mê diyé dniye, daa ndîî máádi ghi tpêoo yi kalê ngópu. (1 km.) 13 Dini ghi nêii ngê Njedusalem taa dniye, yi ngomo ghi u mênê mî kee dniye, kwéli dnya a ya. Yi pi dmi Pita ngmê, Njon myomo, Njems pyolo, Andru podo, Pilipi limo, Tomas wono, Mbatolomyu pii, Mátiyu wolo, Njems Alîpayas tpêoo tówo, Saimon yono, nêii ngê u yi doo kwo, Lóma tpémi nmî ngmêii kalê té, Njudas Njems tpêoo mê ngmê. 14 Dye ghi yintómu nipi dnyimo ngêpê, pyââ knî yi kêii, myenté Méli Yesu u pye ghee knî mye yi kêii. 15 Wo ngmê ngê pi yonoyêa mê myoyêa nipi dnye ya, yélini Yesu ka dnye kêlîmî. Wodêoo Pita yi vyêo ghêêdî wo, yepê, A tîdê mbwó yoo. Yepê, Chóó Lémi u Ghê Dmi ngê Dépidi ka Njudas pêuu kópuni a vyu, yi kópu Dépidi ngê puku yedê u nkwo a dêêê ngê, yepê, doo u ntââ Njudas ngê yi kópu daapî knêaadi ngê, ndêndê ngê ntiye ngê. Yepê, Yi Njudas Yesu u kwódo ngê vyîlo yi ghê wo, dini ghi nêii ngê Yesu mî mgîmî ngópu. 17 Yepê, Njudas nmî vyêo pini ngmê, mu kópu u dîyêo Yesu ngê a ngmidi ngê, u kêii nipi nmîmo dpodo. 18 (Dini ghi nêii ngê Njudas Yesu u kwódo ngê ghê wo, Nju tpémi yi mââwe ndîî knî yêoo u kwo yi ngópu, yi ye ndapî ngê Njudas ngê têpê ghi ngmê pwila ngê. Njudas ngê tpéé kópu vyu, apê, Ayii! Yesu u kwódo ngê mêaa ghê wo. Wodêoo chóóchóó mbwámê a nâkâ ngê, têpê mbêmê dyimê wo, daa pyiyé wo. Ntóó mbwó wo, kmêoo pwaa wo, Åuknî a pwii wo. 19 Njedusalem tpémi yêoo yi kópu dini ghi nêii ngê nyêee ngópu, yi têpê ghi u pi ntaa ngópu, apê, Wêê u têpê ghi, yi chóó yi dnye ngê, Akeldama.) 20 Pita ngê yepê, Dépidi ngê wéti puku yedê ala kópu a dêêê ngê, apê, U ngomo podo ngê paa pyaa we, pi yêi daapîchoo ya. Yepê, ala kópu myedê dêêê ngê, apê, Knêaa pini ngmê ngê dpodo têdê u dêaa pêdê kââdî ngê, 21 Pita ngê yepê, Pi ngmê ngê Njudas u dêaa modo kââdî ngê, pini nêii u lama a tóó, Ndêndê ngê Yesu a pii wo. Yepê, Yi pini ngê pi knî ye choonêaa tpapê, Yesu ndêndê ngê a pii wo. Yepê, Alanté pini u ntââ, pini nêii dye ghi yintómu nmî vyêo doo kwo, knêââ Njon ngê Yesu mbwaa paa mwo a kmênê ngê, u dî Yesu u Mî ka mî kee wo. 23 U kuwó dini ghi ngê pi miyó a pywêee ngópu, Mêtayas pini dê Njósép Sapasî tpêoo, u pi mo a tóó, Njastas. 24 Dini ghi nêii ngê a pywêee dumo, Yesu ka dnye ngêpê, kwo, Mwêââkó nmî Lémi, doo u ntââ ala pini dê daanmî chámê dê, ngmênê nyi u ntââ, mu kópu u dîyêo pi yintómu yi gha dmi ḻama dé. Kwo, Pini nêii nyinê ngmidi ngê, kwo, nmî nuwêo Åedê yimi a téni. 25 Kwo, Yi pini ṉyépi ngê wa pyódu, nipi u kêii anmî dpodo, Njudas u dêaa yinê wa a kââdî, mu kópu u dîyêo Njudas ngê ka a kuwo nmoo, chóó angênté kî pyodo. 26 U kuwó dini ghi ngê Pita yi ngópu doo ngêoo, Mêtayas u ngwo a pywêângo, wodêoo yi pini ngê Njudas u dêaa yinê a kââdî ngê, dyépi yêa mê ngmê knî yi vyêo mî ghê wo.