2 Timoti 3

1 Timoti a tpêee, ala kópu ḻama choo a ya. Dini ghi nêii ngê kuwókuwó wéni adî dyimêdyimê, yoo dono ngê wa pyaa dmi. 2 Yi ngwo yi chóó yi kópu knî yi pêuu adnyi nuwêo, nté ndapî yi mbêaami ngê wa pyaa dmi, yi chóó yi pi dmi adnyi kmîmî dé, adnyi chaa, yoo yi pi dmi adnyi dyede dé, yi pye mî knî ye daadnyi ngêaa, nmî Mî daadnyi kwunokwuno, myedaadnyi chââchââ. 3 Pi ka vyuwo yi lama daadî ya, pi ye daadî chêanêchêanê, adnyi pi pêuu danê, gheteghete u yoo ngê adnyi ya, numo pêuu adnyi lêêê, kópuni mbêaambêaa dé, daa yi nuu u kópu ngê adnyi ya. 4 Adnyi pi dódó, daa nuwêo mbêmê adnyi mêii, adnyi mbodo ndîî mbodo ndîî, yi chóó yi pi dmi adnyi kmîmî dé. Yi chóó yi pono adnyi vyápê, nmî Mî u nuu ghi dnyinté yi nódo adî ya. 5 Yi komo knî yêoo nmî Lémi adnyi chaa kîgha, ngmênê u wêdêwêdê yi gha vyêo daadî ya. Yinté yéli ye kpeme dpî yey. 6 Yinté pini knî ngmê pêo pêo dpî lee dmi, pyââ knî ngmê yi pee dpî kaa têoo. Pyópuni yi pee dpî kaa têoo, nuwêo yi mênê daa tóó, yi dono yilî yi pêuu a nuwêo nyédi, dono kópu yilî yi nuu u kópu ngê a pyede. 7 Yi pyópu yoo dye ghi yintómu a ndiye nyédi, ngmênê doo u ntââ ndê kópu dyuu yi lama daawa yââ. 8 Yichip pi miyó, Njanes pini dê Njambîdes, pipi kópu mbêmê mbwudu ngma a chaa ngópu, Mósisi pêuu u ngwo ntee dnya a dêuu, pi dódó pyu yoo yinté ndê kópu dyuu pêuu mye dêuu nyédi. Dnyinté a nuwêo té, nmî Lémi ka daa kêlîmî té. 9 U yi yêe a kwo, Pi yintómu nmî pee nmî kaa té, ngmênê wa dêê dmi, mu kópu u dîyêo pi yintómu knî yêoo yi lêêê ghi dmi wa mêuu têoo, awo, Yi mbodo dmi podo dé. Njanes pini dê Njambîdes Mósisi ka mbwudu chapî ngê ntee daa nî knopwo, yi yéli yinté wamye dêê dmi. 10 Ḻama kîyedê tóó, dêaa pi dódó pyu ngmê. Dye ghi daadîî ṉgópu noo a dpodo, yoo myenoo a ndiye kîgha dé. Kópuni u lêêê dîyêo nêaa dpodo yédi, ḻama wunê a yaa wo. Ḻama kîyedê tóó, nmî Lémi ka ntênê nêaa kêlîmî, yoo yi nuu ghi dmi a nódo mye tóó. Ḻama kîyedê tóó, nmî Lémi pêuu dpodo têdê dono yilî noo a vyîmî, u dpodo u wépi dîpî puwâ. 11 Kópuni dono Antiyóka, Yikóniyêm, Lisitîda a nga a pyaa dniye, ḻama kîyedê pyede. Kêomo tpile yi dono kópu ndîî a nga a pyaa dniye, ngmênê nmî Lémi ngê yi kêlê mêdê dyé noo. 12 Nyââ, nêii ngê u yi adî kwo, Yesu Kédisu u yoo vyêo nî ghê, Yesu ntee pini ngê nî pyódu, yi pini pêuu yoo adnyi dêuu, pêuu adnyi dono. 13 Pi dono yoo, pi dódó pyu yoo yi kêii, kópu dono yilî adnyi dêuudêuu, yêayêa wa pwiyé dmi, Setan ngê adî dódó dé, yoo u nkwo adnyi dódó. 14 Timoti a tpêee, yinté pini ngê kidangê pyódu. Kópuni nyinê ndê too, yi kópu knî ye nyi kêlîmî mbê wo, ndê kópu ngê ṉga dnyêoo ya, mu kópu u dîyêo yélini yi kêii nmee a ndiye kîgha ngi, dpîpêo dóó nyoo, kêomodanê kópu ṉga dpîpêo vyu. 15 Ṉuwêo mê diyé we, dini ghi nêii ngê tpêee têdê ngê nyoo a ya, nmî Mî u kópu dyuu pêuu nyoo a ndiye. Yi kópu dyuu ngê nmî Mî ka maa nmo yinê dpo kêma, Yesu Kédisu ka u ngwo nmo kêlîmî té, u lêêê dîyêo kóó kêoo wa kaa nmo. 16 Yi kópu yintómu nmî Mî u wêdêwêdê mbêmê a dêêê tumo. Yi kópu dyuu mbêmê yoo nmo ndiye kîgha too, yélini dnyinté a nuwêo nyédi, yi kópu dyuu mbêmê nmo wátiwáti too. Yi kópu dyuu mbêmê yoo yi dyââpe myino pwapî too, maa mbêaa pêuu nmo kapî too. 17 Pini nêii nmî Mî pêuu a dpodo yédi, yi kópu dyuu choo a kpââ, kópu mbêaa yilî yintómu, u ntââ yi pini ngê u ngwo adî dêuudêuu dé.