MATHAYI 21

1 Tangwa baÌtula bela-bela yi Yelusalemi, amana baÌtula ku hata dya Betifasi, bela-bela yi mongu wa Olive, hanga Yesu waÌtuma balonguki bodi, 2 mu kubazimbwala: «Alwenda kuna hata dina dyenina ku thwala ya benu, amana lwawaÌna ane wa kibuti wakuzitika yi mwana wa ane hakimosi yi yandi; bakutumunenu, amana bandatinenu. 3 Amana yuka ni mutu kaluzimbwala kima, zimbulenu: “Pfumu mupfunu kabavwini.” Amana, muna mbala mosi, kabaÌsula.» 4 Amana mambu mana maÌbwa ndangu dyalungila dyambu dina dyaÌzonzama kwena mbikudi: 5 «Zimbulenu kwena mwana wa mukhetu wa Siyoni: Tala kyamvu waku wisi kwena ngeyi, wabasa yi ngemba, wazanza hana thandu ya ane wa kibuti, yi hana thandu ya mwana wa ane, mwana wa mbisi mosi.» 6 Buna benda balonguki, baÌhanga phi bwosu kaÌbalongila Yesu. 7 Bisa munata ane wa kibuti yi mwana wandi, amana hana tandu ya bawu, baÌthetika miledi mya bawu; amana Yesu waÌzakala hana thandu. 8 Amana mulumba-lumba wa batu bakala yala miledi mya bawu muna nzila; bahika bakala hawula mihandi ku miti yi kuyalakamya muna nzila. 9 Milumba-lumba mya batu bakala kwenda kuna thwala ya yandi amana bana bakala landa yi kukalungaka mu kuzimbula: «Ozana kwena Mwana wa Tavidi! Kasambuka wuna wisi kwisa mu khumbu ya Pfumu! Ozana kwena Nzambi muna bisoka!» 10 Amana buna kakala kota mu Yelusalemi, mbanza yosu yaÌnikana mu kuzimbula: «Nati kenina yandu?» 11 Amana milumba-lumba mya batu bakala vutula: «Yandu kenina mbikudi Yesu, mwisi Nazaleti dya Ngadidi.» 12 Yesu waÌkota kuna nzu ya Nzambi, waÌkukwasa boosu bana bakala tekisa yi bana bakala sumba kuna nzu ya Nzambi, amana waÌmwanga mesa ma bakwa tsyenzya yi biti bya bateki ba baphombu. 13 Amana wubazimbwadini: «Tala mana maÌsonama: “Nzu yama bateÌdikiya nzu ya bisambu.” Kaasi benu, lukitudiya saka dya bandwandwa!» 14 Baphofu yi bifwa malu baÌbwesuka kwena yandi muna nzu ya Nzambi. Amana waÌbabuka. 15 Kaasi bambuta ba banganga Nzambi yi balongi ba mitsiku buna baÌmona mambu ma khumbwa mana kahanga, yi bana bakhunda buna bakala kalunga mu nzu ya Nzambi: «Ozana kwena Mwana wa Tavidi!» Hanga baÌfunga khabu 16 amana bamuzimbwadini: «Wubati yuka mana babati zonza bana baba?» Yesu wubazimbwadi: «Eeh. LwaÌtangaku kedi ndinga zazi: “Muna munwa mya bana bakhunda yi bana ba lubutu waÌdiyidikila lukumu?"» 17 Amana buna kaÌbasisa, waÌlubuka mu mbanza, ndangu kenda ku hata dya Betaniya, wanimba kwakuna. 18 Muna suka, mu kuvutuka ku mbanza, waÌyuka nzala. 19 Amana buna kaÌmona miti wa fiki wumosi muna nzila, waÌbwesuka kwakuna; kaasi wuwani lwesi khaya; amana waÌzimbula kwena miti wa fiki: «Ka kibundu kimosi ku hika kyabuÌtuka mwena ngeyi, mu kimakulu!» Amana muna tangwa meni dina, mufiki waÌyumuka. 20 Buna baÌmona bwabuna, balonguki baÌyituka lawu: Abweti miti wa fiki wawu wuyumukini mu mbala mosi? 21 Amana mu kuvutula, Yesu wubazimbwadi: «Mu kyedika, yiluzimbwadi, honi lwakala yi lukwikilu, lwisiku banga phi, lwasalaku lwesi mana masalami ku miti wa fiki, kaasi lufwani phi kuzimbula kwena mongu wawu: “Kinduka hana, amana dilosa mu yanga dya mbuta”, bwana bwahaÌngama." 22 Kyosu kina lwaloÌmba mu lombilu yi lukwikilu, lwataÌmbulakya.» 23 Buna kaÌkota mu nzu ya Nzambi, tangwa kakala longa, bapfumu ba banganga Nzambi yi bambuta ba Bayuta bisa muhyula: «Mu hamu dya nati wubati hangila mambu mana? Amana nati waÌkuheka hamu meni dina?» 24 Amana mu kuvutula, Yesu wuzimbudi kwena bawu: «Meni phi yiluhyula kyufu kimosi lwesi; yukani lwamvuÌtwala, yiluÌzimbwala keti mu hamu dya nati yisi sadila mambu mana. 25 Mbotika yina ya Yowani, ku zilu yaÌtuka ho kwena batu?» Kaasi bawu bakala diwinina bawu yi bawu, yi kudizimbwalaka: «Yuka twazimbula: “Ya ku zilu”, katuÌzimbwala: “Amana kikuma kya biki lwakonda sila lukwikilu mwena yandi?" 26 Amana yuka twazimbula: “Kwena batu”, tufwani kubanga mulumba-lumba wa batu, mukuma boosu bisi kwikila ni Yowani mbikudi kaÌkala.» 27 Amana mu kuvutula kwena Yesu, bazimbudi: «Tuzayiku.» Yandi phi wubavutwadi: «Meni phi yiluzimbwalaku keti mu hamu dya nati yisi sadila mambu mana.» 28 «Abweti lubanzi? Mutu mosi waÌkala yi bana ba bayakala bodi; hanga wubwesuki kwena wuna wa tsomi wuzimbudi: “Mwana awenda, lelu, wasala mu kilanga kya vinu." 29 Amana yandi, mu kuvutula, wuzimbudi: “Nzodiku;” kaasi kunima waÌzosulula, wenda ku kilanga. 30 Amana buna kaÌbwesuka kwena mukwawu, wuzimbudi phila mosi. Amana yandi mu kuvutula wuzimbudi: “Eeh, yikwenda, tata” kaasi kendaku ku kilanga. 31 Nati mu kati dya bawu boodi waÌsala luzolu lwa tata?» Bavutudi: «Watheti», Yesu wubazimbwadi: «Mu kyedika, yiluzimbwadi, bakalaki ka phaku yi bandumba balutekididi mu Kipfumu kya Nzambi. 32 Mukuma Yowani kisa kwena benu mu kulusongila nzila ya masonga, amana benu lwaÌmukwikilaku. Kaasi bakalaki ka phaku yi bandumba baÌmukwikila, amana keti buna nana lwaÌmona mambu mana, lwaÌzosululaku kwenu ndangu lwamukwikila.» 33 «Yukenu kingana kya hika: Mutu mosi waÌkala pfumu wa nzu waÌkuna kilanga kya vinu. Wukakikya mu luphangu, waÌyidika kinyongi kya vinu muna kati, waÌtunga kinongi kikuma kya kutadikina vinu, kunima waÌluwisakya kwena basadi ba vinu, amana wenda mu kitambu. 34 Amana ha dyaÌlungila tangwa dya bibundu, waÌtuma basadi bandi kwena basadi bana baÌkala mu kilanga kya vinu ndangu bamubongila ndambu yandi ya bibundu. 35 Kaasi buna baÌbakwata basadi bandi kwena basadi bana bakala sala mu kilanga kya vinu; mosi baÌmubeta, mosi hika baÌmuhonda, amana mukwawu hika baÌmuzukwamina matadi. 36 WaÌhitika hika basadi bakwawu kuluta thalu ya bana batheti, amana baÌbahanga hika phila mosi. 37 Amana ku tsuka, waÌbahitika mwana wandi wa yakala, yi kubanzaka: “Bamuzitisa mwana wama." 38 Kaasi tangwa baÌmumona basadi bana baÌkala mu kilanga kya vinu, badizimbwadi bawu yi bawu: “Yandi kenina swana! Alwisenu, twamuhonda ndangu twabonga kuvwa kwandi!" 39 Hanga bamukwati, baÌmutimbula ku phenza ya kilanga kya vinu amana baÌmuhonda. 40 «Amana tangwa kakwiÌsa mukwa kilanga kya vinu, abweti kabaÌhanga basadi bana?» 41 Bamuvutwadini: «Batu bana bambi, kabaÌhonda konda kubayukila kyadi, amana kilanga kya vinu kaluÌwisakya kwena batu bahika, bana bamuÌheka bibundu muna tangwa dyandi.» 42 Yesu wubazimbwadi: «Khaku kedi lutanga muna Masonuku:» “Tadi baÌlosa bana bakala tunga dyadyadi dikituki kisina kya mupfundila; Dyambu dina dyaÌtuka kwena Pfumu, dyena dyambu dya kuyituka ku mesu ma betu!" 43 «Ihana ni, yiluzimbwadi: Kipfumu kya Nzambi baÌlukatulakya amana baÌhanakya kwena kanda dya hika dina dyaÌbutilakya bibundu. [ 44 Amana wosu wuna wabwa ha tadi dina katoÌluka; ha thandu ya wuna dyabwiÌla, dyamuÌnikumuna.]» 45 Amana buna baÌyuka bwabuna mbuta wa banganga Nzambi yi bafwadisi bingana byandi, baÌbakisa ni kikuma kya bawu kakala zonzila. 46 Bakala sanda phila ya kumukwatisila, baÌyuka bweya bwa milumba-lumba mya batu, kikuma bakala mubongila hanga mbikudi.