MATHAYI 17

1 Kunima bilumbu bisambanu, Yesu waÌbonga hakimosi yi yandi Phetelu, Zyaki yi Yowani phangi wandi hanga wutombuki yi bawu ku mongu mosi wa kaleyi; mu kingenga. 2 Yandi waÌsoba kuna thwala ya bawu; mbunzu yandi yakala kedyamina hanga tangwa, miledi myandi phi mikituki phembi hanga mwini. 3 Amana kutala Moyize yi Diya baÌdimonikisa kwena bawu, yi kuyambilaka yi yandi. 4 Amana mu kuvutula, Phetelu waÌzimbula kwena Yesu: «Pfumu, bwena mboti twakalenu kwetu kwakuku. Yuka wuzodi, yitunga hahaha masombolu matatu, dimosi kikuma kya ngeyi, dimosi kikuma kya Moyize amana dimosi kikuma kya Diya.» 5 Bwana kakala zonza hika, kutala tuti dimosi dya mitsyenzya dyisi bafidinga kuna kininga kyandi, amana ndinga mosi yaÌtuka muna tuti mu kuzonza: «Yandu kenina Mwana wa meni watondama; mwena yandi tsini tsambu yama. Muyukilenu!» 6 Amana buna baÌyuka bwabuna, balonguki, baÌbukama, baÌyuka bweya bwa lawu. 7 Kaasi Yesu waÌbwesuka yi kubasimbaka wuzimbudi: «Telamenu, luyukaku bweya.» 8 Amana buna baÌsekula mesu, baÌmonaku mutu, Yesu lwesi yandi hika. 9 Mu kukulumuka kwa bawu ku mongu, Yesu waÌbalongikila mu kuzonza: «Luzonzilaku kwena mutu mbona mesu yayi, yikuna kafuÌtumukina, Mwana wa mutu, ku bafwa.» 10 Amana balonguki baÌmuyufula: «Kikuma kya biki balongi ba mitsiku bisi zimbwala ni Diya kafweti kwisa theti?» 11 Amana yandi mu kuvutula, waÌzimbula: «Mu kyedika ni Diya wisi amana kayiÌlulula bima byosu. 12 Kaasi yiluzimbwadi: Diya wisa kedi, kaasi baÌmubakulaku, baÌmuhanga bwosu buna baÌzola. Bwabuna phi bamuÌnyokuna Mwana wa mutu.» 13 Hanga balonguki babakudi ni kikuma kya Yowani Mubotiki kakala bazonzila. 14 Amana buna bisa kwena mulumba-lumba wa batu, mutu mosi wisa fukama kuna thwala ya yandi 15 yi kuzimbulaka: «Pfumu, muyukila kyadi mwana wa meni. Kikuma mukwa kikhoni kenina amana kisi bela lawu, mukuma matangwa mahika kisi bwa ku mbawu, matangwa mahika phi mu mamba. 16 Yimunatiki kwena balonguki baku, amana balendikiku mu kumubuka.» 17 Amana mu kuvutula, Yesu wuzimbudi: «Mbandu yakonda lukwikilu yi yavwalangana! Yi kuna khi tangwa yikaÌdiki yi benu? Yi kuna khi tangwa yiluÌtambwasiki? Mundatinenu kwaku.» 18 Yesu wakayakya kitembu kya mbi; amana mwana wa yakala waÌbeluka muna tangwa meni dina. 19 Hanga balonguki babwesuki kwena Yesu mu kingenga bazimbudi: «Kikuma kya biki tufwanikiku kumulubulakya?» 20 Amana yandi wuzimbudi kwena bawu: «Kikuma kya lukwikilu lwenu lwa khunda. Kikuma, mu kyedika yiluzimbwadi: Yuka ni lwakala yi lukwikilu hanga ngenza ya tidi, wadi lukhani zimbula kwena mongu wawu: “Katuka haha, wenda hana”, amana wendi. Amana heku kima kyakonda lendakana. [ 21 Kaasi mbandu yina yisi lubuka lwesi mu bisambu yi kuzila madya.]» 22 Kilumbu kimosi baÌkala bawu ku Ngadidi, Yesu waÌbazimbwala: «Mwana wa mutu baÌmulambula ku moku ma batu; 23 amana baÌmuhonda; kilumbu kya tatu, kaÌfutumuka. BaÌyuka kiwayi kya lawu.» 24 Amana buna bisa ku Kaphedinawuma, bana bakala bonga mbongu za nzu ya Nzambi baÌbwesuka kwena Phetelu, amana bazimbudi: «Mulongi wenu kisiku futa phaku za nzu ya Nzambi?» 25 Wuzimbudi «eeh!» Amana buna kisa kota mu nzu, Yesu waÌmukesidila mu kuzimbula: «Simoni, abweti wubati banza? Bakyamvu ba tsi, kwena nati bisi futisa phaku? Kwena bana ba bawu ho kwena banzenza?» 26 Amana yandi waÌvutula: «Kwena banzenza», Yesu waÌmuzimbwala: «Disongidila bana ba kuyekula benina . 27 Mukusya ni tukalaku kisinza kwena bawu, ndawenda ku yanga, timbula ndobu amana wakwata tsema watheti wuna wakwiÌsa, amana buna wamuÌhadikisa munwa wandi: wawaÌna fwalanga dimosi; buna waboÌngadya hana kwena bawu kikuma kya ngeyi yi meni.»