LUKA 11

1 Kilumbu kimosi, Yesu kakala lombila homa ha mosi. Tangwa kaÌmanisa, mosi wa balonguki bandi waÌmuzimbwala: «Pfumu, tulonga kulombila, bwosu kaÌlongabwa Yowani kwena balonguki bandi.» 2 Yandi waÌbazimbwala: «Tangwa lubati lombila, zimbulakenu bwabu»: “Tata, khumbu yaku batomisaya; Kipfumu kyaku kyisa. 3 Tuheka, lelu, madya metu ma kosu kilumbu. 4 Tulolula mitsoki myetu, mukuma betu phi, tuloludi kwena batu boosu bana bisi tukota mitsoki. Amana tusadisa ndangu tubwaku mu phukumunu." 5 KaÌbazimbwala hika bwabu: «Nati muna kati dya benu, wakaÌla yi nduku wandi, amana kamuyendila muna kati dya kisuku, mu kumuzimbwala: “Nduku, ndefisa khwanga tatu; 6 mukuma mosi wa banduku bama wutuki mu kitambu, wuthudidi kuna nzu, amana yeku yi kima yimuÌheka." 7 Amana yuka ni, muna kati, mukwawu kamuvutwala: “Yambula kutsya malokosi! Mwelu wakubindika wenina, bana bama yi meni-meni ha thangi thwenina; pfwaniku yivumbuka kikuma kya kukuheka khwanga." 8 Yiluzimbwadibwa ni, yuka kavumbukiku mu kumuhekama, kikuma nduku wandi kenina, kavuÌmbuka kikuma kya nziki-nziki yina kasikhokwatila amana kamuÌheka kyosu kina kavi mupfunu. 9 Amana meni, yiluzimbwadi ni lombenu, amana baluÌheka, sandenu amana lwaseÌngumuna, khokwatilenu amana baluÌyafwadila. 10 Mukuma mutu wosu wuna wisi lomba, bisi muheka; wuna wisi sanda, kisi sengumuna; amana phi kwena wuna wisi khokwatila, bayaÌfulula. 11 Khi tata mu kati dya benu, yukani mwana wandi kamulomba tsema, amana kamuheka nyoka ha kifulu kya tsema? 12 Kondilo, yuka kalomba dyaki, kamuheka kikhala-khala? 13 Yukani benu bakholwa, lwazayaka kuheka bima bya bukheti kwena bana benu, Tata wenina kuna zilu, kahaÌna phi Kitembu Kyatoma kwena bana bisikya mulomba!» 14 Yesu kakala kukwasa kitembu kya mbi kyaÌhonda mutu kamama. Ha kyaÌlubuka kitembu kya mbi, mukwa kamama waÌzonza. Amana mulumba-lumba wa batu waÌyituka. 15 Kaasi batu bahika baÌzimbula bwabu: «Mu hamu dya Belezebula, pfumu wa biphidi-mutu, kabati kukwasila biphidi-mutu.» 16 Amana bahika, mu kumuleya, hanga bamulombi kiphadi kyatuka ku zilu. 17 Amana bwosu kaÌzaya mabanza ma bawu, waÌbazimbwala: «Kipfumu kyosu kina kyadiÌkabisa kyawu meni, kyaziÌluka, nzu zawuÌlumuka zimosi ha thandu ya zikwawu. 18 Honi Satana kakala wadikabisa yandi meni, abweti kipfumu kyandi kyazyamina? Kikuma lubati zonza ni mu hamu dya Belezebula mbati kukwasila biphidi-mutu. 19 Amana yukani meni, mu hamu dya Belezebula mbati kukwasila biphidi-mutu, bana benu, mu hamu dya nati bisi kukwasilabya? Ihana bakaÌdila bawu meni bazusi benu! 20 Kaasi yukani mu mulembu wa Nzambi yisi kukwasila biphidi-mutu, kisongidila ni Kipfumu kya Nzambi kyisa kedi yi kuna kwa benu. 21 «Yukani mutu wa ngolu, wenina yi binwaninu, muna kati dya nzu yandi, bima byandi byosu byenina bya kusweka mboti-mboti. 22 Kaasi yukani mosi wahika wumuluti yandi mu ngolu kisa tula, amana kamubeta, kamuÌbotula binwaninu byosu bina kakala sila mbundu, fwani phi kabisibya bima bina kamubongi.» 23 «Wuna weku yi meni, yandi mutendi wama; amana wuna kisiku khoka yi meni, kisi mwanga.» 24 «Tangwa kilubuki kitembu kya mbi mu kati dya mutu, kisi luta mu kati dya tseki, kyasanda homa ha kulembwila. Amana bwosu kimonihoku, kidizimbwadini: “Yikwenda vutuka, muna nzu yama, muna yiÌlubuka." 25 Amana ha kyatuÌla, kiwani nzu ya kukombula bukheti yi yakunenga. 26 Hanga, kyendi amana kitambudi bitembu bikwawu tsambwadi bya mbi kuluta kyawu. Bikoti mwamuna amana bisikidi. Tsuka-tsuka, khadidi ya mutu wuna yekina hika ya mbi lawu, kuluta yina yatheti.» 27 Buna kakala zonza bwana, mukhetu mosi waÌthuta ndinga hana kati dya mulumba-lumba wa batu amana waÌmuzimbwala: «Kyesi kwena kundu dina dyaÌkuyimita yi mayeni mana maÌkuyemika!» 28 Kaasi yandi waÌvutula: «Kyesi, kaasi kyesi kya lawu kwena bana bisi yuka ndinga ya Nzambi amana bisiya sadila.» 29 Bwosu wakala basa mulumba-lumba wa batu, yandi waÌyandika kuzimbula: «Mbandu yayi, ya mbi yenina! Yibati lomba kidimbu. BataÌmbulaku kidimbu kya hika, kaka kyakina kya Yonasi. 30 Mukuma, bwosu kaÌkala, Yonasi, kidimbu kikuma kya bisi Ninive, phila mosi Mwana wa mutu kakaÌla kidimbu kikuma kya mbandu yayi. 31 Pfumu wa mukhetu wa ku banda kateÌlama, mu kilumbu kya pfundusu, ha kimosi yi batu ba mbandu yayi, amana kabaÌfunda, kikuma yandi, mu binzunga bya kyana bya tsi kaÌtuka kikuma kya kuyuka mudimu wa Solumoni. Kinga yandi wenina haha, wuluti Solumoni. 32 Batu ba ku Ninive bateÌlama, kilumbu kya pfundusu, ha kimosi yi mbandu yayi, amana bafuÌndaya, kikuma bawu baÌsoba bikalulu, mu malongi ma Yonasi. Kinga yandu wenina haha, wuluti Yonasi.» 33 «Ka mutu ku walemisa mwinda kikuma kya kuswekawa holo kusyawa ku tsi ya nzungu ya tuma; kaasi bisiwa sya hana muzanga; ndangu bana bakoÌta bamona kyesesi. 34 Disu dyaku dyena mwinda wa lutu; yukani disu dyaku dyakala bukheti, lutu lwaku lwosu lwakuyinika lwenina; kaasi yukani dyakukala dyafwa, lutu lwaku phi mu phipha lwenina. 35 Ihana ni zaya kulunda kyesesi kina kyenina mwena ngeyi ndangu kikalaku phipha. 36 Honi lutu lwaku lwosu lwena lwa kuyinika, konda kukala keti kitini kimosi mu phipha, lwakaÌla lwosu mu mwini, hanga mwinda wukulemini mu mitsyenzya myandi.» 37 Buna kakala zonza, mufwadisi mosi mutedisi kenda dya ku nzu yandi. Yesu waÌkota, weÌnda hana mesa. 38 Mufwadisi waÌyituka mu kumona ni Yesu kadisukudiku, bwosu buna myakala lomba mitsiku mya bawu, ku thwala kudya. 39 Kaasi Pfumu kaÌmuzimbwala: «Benu, Bafwadisi, lwisi semisa phenza ya kopha yi ya longa, kaasi ku tsya mbundu, lwabasa yi nzala bwifi yi khu. 40 Batu bakonda ngangu! Wuna waÌhanga phenza, ka yandi ku phi waÌhanga kati? 41 Kaasi hanakenu hanga makabu ma khenda, bina byena mu kati, amana byosu byakaÌla bya kasemi kikuma kya benu. 42 «Kaasi khi kyadi kwena benu, Bafwadisi, kikuma lwisi futa kimosi kya kumi kya khaya za tsudi ya kitoku yi zina za mu musitu yi ndunda zoosu za khunda-khunda. Kaasi lwisi lenza masonga yi lungongu lwa Nzambi. Mamana mambu mafwani kusalaka, konda kuzimbakana mana masadini. 43 «Khi kyadi kwena benu, Bafwadisi, kikuma lwisi tonda kuzakala ha kiti kya theti, mu nzu ya kimvuka ya Bayuta yi kubongaka mboti mu mazandu. 44 Khi kyadi kwena benu! Kikuma lwena hanga mazyamu malamba amana batu bisi dyatama hana thandu konda kuzaya.» 45 Mosi wa balongi ba mitsiku waÌmuzimbwala: «Mulongi, mu kuzonza bwabuna, wututukwani betu phi!» 46 Amana yandi waÌvutula: «Khi kyadi kwena benu phi balongi ba mitsiku! Mukuma lwisi longidila, kwena batu, bizitu bya phasi mu kunata, amana lwisibyoku simba, benu-benu, keti ku mulembu wumosi. 47 Khi kyadi kwena benu! Lwisi tunga mazyamu ma bambikudi, kinga batata benu baÌbahonda! 48 Ihana lubati ta kimbangi, amana lubati sikununa mihangu mya batata benu, mukuma bawu baÌhonda bambikudi, amana ihana benu lwisima batungila! 49 Ihana ni mudimu wa Nzambi wuzimbudi: “Mbati hitika bambikudi yi bathumwa; amana bahika hana kati dya bawu, babaÌhonda, babaÌnyokuna phi." 50 Ndangu bafutisa, kwena mbandu yayi, menga ma bambikudi boosu, mana maÌtyakana tuka ku luyanduku lwa tsi, 51 tuka ku menga ma Abelu tii yikuna menga ma Zakadiya, wuna baÌhonda ha kati dya mesa ma kimenga yi nzu ya Nzambi. Kyedika, yiluzimbwadibwa, bafuÌtisama kwena mbandu yayi. 52 «Khi kyadi kwena benu balongi ba mitsiku! Kikuma lwaÌkatula tsabi ya mazaya; benu-benu lukotiku, amana bana bazola kukota, lwaÌbakandikisa.» 53 Tangwa kaÌlubuka kwakuna, balongi ba mitsiku yi Bafwadisi baÌyandika kumulundika yi kumuhyula mambu ma phila yi phila; 54 baÌmuleya ndangu bamukwata mu dyambu dimosi dyalubuka mu munwa wandi.