LUKA 10

1 Kunima dya bwabuna, Pfumu waÌsola balonguki makumi tsambwadi yi boodi bahika, amana kaÌbatuma bodi-bodi, ku thwala yandi, muna kosu mbanza yi kosu homa hana kafwana kenda yandi meni. 2 Kakala bazimbwala: «Mbutu ya lawu yenina, kaasi basadi, bakhunda. Mulombenu pfumu wa mbutu kahitika basadi mu mbutu yandi. 3 Ndalwenda! Yilutumi hanga bana ba mikoku hana kati dya bambwa-ngongu. 4 Lunataku keti dikuta, keti waba, keti tsabatu; luhekaku mutu mboti mu nzila. 5 Muna nzu yosu yina lwakoÌta, samunenu theti: “Ngemba yakala mu nzu yayi." 6 Amana yukani mwakala mutu mosi wa ngemba, ngemba ya benu yakaÌla yi yandi; kondilo, yaluÌvutwakila. 7 Nangenu muna nzu meni yayina, dyenu, nwenu phi bina baluÌheka; kikuma bulungi musadi katambula lufutu lwandi. Lwendaku nzu muna nzu. 8 Muna mbanza yosu yina lwakoÌta yi muna baluÌyamba, dyakenu bina baluÌheka; 9 bukenu bambefu bana bakala muna, amana bazimbwalenu: “Kipfumu kya Nzambi kibwesukini kwena benu." 10 Kaasi muna kosu mbanza yina lwakoÌta, yuka baluyambiku, ndalwenda muna mabala-bala, zimbulenu: 11 “Keti fusyangeni dya mbanza yenu dina dinamiki ku bitambi byetu, tukhukumunidya ndangu twaluvutwaladya. Zayenu phi ni Kipfumu kya Nzambi kibwesuki." 12 Yiluzimbwadi ni mu kilumbu kina, phasi za Sotomu, za khunda zakaÌla kuluta mbanza meni yina.» 13 «Khi kyadi kwena ngeyi, Kolazini! Khi kyadi kwena ngeyi, Betisayita! Mukuma wadi biphadi bina byaÌsalama theti kwena benu wadi ni byaÌsalama ku Tidi yi ku Sitoni, tuka thama, wadi batu ba bawu, baÌkala baÌbalula bifu bya bawu, bavwata tsaki amana badifuba mu mbombi! 14 Ihana ni mu kilumbu kya pfundusu, phasi za Tidi yi Sitoni za khunda zaÌkala kuluta benu. 15 Amana ngeyi Kaphedinawuma, wadiÌthumba yi kuna zilu? Loni! WakuÌlumuka yi kuna kalunga.» 16 Yesu wuzimbudi hika kwena balonguki: «Wuna wuluyukidi benu, wungyukidi meni, wuna wulubusi benu, wumbusi phi meni; amana wuna wumbusi meni, wumubusi phi wuna waÌthuma.» 17 Balonguki bana makumi tsambwadi yi boodi baÌvutuka yi kyesi, amana baÌzimbula: «Pfumu, keti bitembu bya mbi bitulemvwakidiki mu khumbu ya ngeyi!» 18 Yesu waÌbavutwala: «Yikala mumona Satana kubwa ku zilu hanga mutsyenzya. 19 Talenu: yiÌluheka hamu dya kudyatikisa banyoka yi bikhala-khala yi ha thandu ya ngolu zoosu za mbeni, amana ka kima ku kyaÌfwana kuluhanga mbi. 20 Ihana ni lusangwalaku kikuma kya bitembu bya mbi bilulemvwakidi; kaasi sangwalenu kikuma khumbu zenu zisonami mu mazilu.» 21 Muna tangwa meni dina, Yesu waÌzakama yi kyesi, mu lusadisu lwa Kitembu kyatoma, amana waÌzimbula: «Yikukumisi, Tata, Pfumu wa zilu yi tsi, kikuma waÌsweka mambu mama kwena batu badimuka yi batu ba ngangu, amana waÌsongilama kwena bana bakhunda. Yibwabuna Tata, kikuma bwabuna waÌtya mu tonda dyaku.» 22 «Byosu Tata wama waÌphekabya. Amana ka mutu ku wuzayi nani kenina Mwana ho ka Tata ku, ka mutu ku phi wuzayi nati kenina Tata ho ka Mwana ku yi kwena mutu wuna kazodi, Mwana, kumusengwamina.» 23 Wubaluki kwena balonguki, waÌbazimbwala mu kingenga: «Kyesi kwena mesu mana misi mona mambu mana lubati mona! 24 Mukuma yiluzimbwadi ni bambikudi lawu yi bakyamvu baÌzola kumona mana lubati tala benu, kaasi baÌmonamoku, baÌzola kuyuka phi mana lubati yuka, kaasi baÌyukamoku.» 25 Mulongi mosi wa mitsiku waÌtelama amana waÌmuhyula, ndangu kamumeka: «Mulongi, biki pfwani yihanga mu kutambula luzingu lwa mvula yi mvula?» 26 Yesu kaÌmuzimbwala: «Biki baÌsonika mu mitsiku? Abweti wisi tanga?» 27 Yandi wuvutudi: «“WatoÌnda Pfumu Nzambi waku, yi mbundu yaku yosu, yi moya waku wosu, yi ngolu zaku zoosu, yi ngangu zaku zoosu”. Amana khunda waku hanga ngeyi meni.» 28 Amana Yesu waÌmuzimbwala: «Bwabuna wuvutudi. Hanga bwabuna, amana waziÌnga.» 29 Kaasi yandi kaÌzola kadinungisa, hanga wuhyudi kwena Yesu: «Amana nani wenina khunda wama?» 30 Yesu waÌvutwakila: «Mutu mosi waÌtuka ku Yelusalemi, waÌkulumuka ku Yediko; waÌbwa ha moku ma bandwandwa, baÌmutambula bima byosu, baÌmubeta amana beÌnda, baÌmusisa mu kulakana. 31 Nganga Nzambi mosi wakala kulumuka, bwana lwesi, muna nzila meni yina; waÌmumona, amana wutembi ku kyana. 32 Amana mutindu mosi, mulefi mosi waÌtula hakana, waÌmumona amana waÌtemba ku kyana. 33 Kaasi Musamadiya mosi waÌkala mu kitambu, waÌtula bela-bela yi yandi amana waÌmuyukila kiwayi kya lawu, buna kaÌmumona. 34 WaÌbwesuka, waÌmuzunzila masi yi vinu muna phuta amana waÌmukasaza. Kunima, waÌmuzanzisa hana thandu ya Phunda wa yandi meni, waÌmunata ku nzu ya banzenza amana waÌmusadisa. 35 Amana kilumbu kyaÌlanda, waÌlubula mafwalanga modi, waÌhanabya kwena mukwa nzu ya banzenza, amana waÌmuzimbwala: “Musadisa mutu yandu; amana byosu bina waluÌtikisa, yiÌkuvutwalabya ha yikwisa vutwakisa."» 36 «Khi mutu, mu kati dya bawu batatu, fwani kakala khunda wa mutu wuna babeta kwena bandwandwa?» 37 Mulongi wa mitsiku wuvutudi: «Wuna waÌmuyukila kyadi.» Yesu waÌmuzimbwala: «Ndawenda, amana ngeyi phi, sala bwabuna.» 38 Amana tangwa baÌkala muna nzila, Yesu yi balonguki bandi, waÌkota mu hata dimosi, amana mukhetu mosi, khumbu yandi Malata, waÌmuyamba kuna nzu yandi. 39 Myaki wandi wa mukhetu, bakala tela Madiya, kaÌkala wasikuka ha kabeta muna malu ma Pfumu, yi kuhinikinaka phi ndinga yandi. 40 Malata yandi wudisakikiki mu bisalu bya lawu. Wisa kota amana waÌzimbula: «Pfumu, wubatiku mona kyadi bwana katsudikidiki, myaki wama wa mukhetu, kisalu meni hika? Muzimbwala ni katsadisa.» 41 Pfumu waÌmuvutwala: «Malata, Malata, wubati nyengalakana yi kudiyangisa kikuma kya bima bya lawu, 42 kaasi dyambu dimosi lwesi diluti mupfunu. Madiya wusodi dyambu dya bukheti dina bafwaniku bamubwotula.»