YOWANI 15

1 Yesu waÌzimbula kwena balonguki bandi: «Yenina miti wa vinu wakyedika, amana Tata wama kenina wuna wisi hela bibundu bya vinu. 2 Muhandi wosu wuna wakhundakana kwena meni amana wakonda ha kibundu, kisiwa vusa; muhandi wosu wuna wisi ha kibundu, kisiwa sakwadila ndangu waha hika bibundu byalawu. 3 Benu ba kasemi kedi lwenina, kikuma kya malongi mana yiÌluheka. 4 Zingilenu mwena meni, bwosu yenina meni mwena benu. Phila mosi yi muhandi wa vinu, wufwaniku waha kibundu yuka ni weku wadinama ku miti wa vinu; phila mosi phi yi benu, yuka ni luzingidiku mwena meni. 5 Meni yenina miti wa vinu, benu lwenina mihandi. Wuna wisi zingila mwena meni bwosu yenina meni mwena yandi, yandina kaha bibundu byalawu; kinga, konda meni, lwalendaku hanga kima. 6 Wuna wisiku zingila mwena meni, wakutimbula ku phenza kenina hanga muhandi amana wuyumukini; mihandi myaloka bisimya tonguna, batimbudimya ku mbawu amana milemini. 7 Yuka ni lwazingilaka mwena meni, yi ndaka zama mwena benu, lwaloÌmba kyosu kina lwazoÌla amana lwataÌmbulakya. 8 Tala buna yisi monikina khembu ya Tata wama: lwabutaka bibundu byalawu amana lwakituka balonguki kikuma kya meni. 9 Bwosu kaÌnzola Tata, meni phi yiÌluzola. Zingilakenu mu zola dyama. 10 Yuka ni lwalundaka mitsiku myama, lwaziÌngila muna zola dyama, bwosu yiÌlunda meni mitsiku mya Tata wama amana yisi zingila muna zola dyandi.» 11 «Yiluzonzidini bwabuna ndangu kyesi kyama kyakala mwena benu amana kyesi kya benu kyakala kyalungila. 12 Mutsiku wama wenina wawu: Zolanenu benu yi benu bwosu buna yiÌluzola meni. 13 Heku mutu wenina yi zola dina dihitini yuka ni ka wuna ku wuzodi kufwa kikuma kya banduku bandi. 14 Yuka ni lwalemvukaka mu mana yisi lutuma meni, benu lwenina banduku bama. 15 Yisiku lutela hika bahika, kikuma muhika kisiku zaya dibanza dya pfumu wandi. Yisi lutela banduku bama, kikuma moosu mana yiÌyuka kwena Tata wama, yiÌluzimbwalama benu phi. 16 Ka benu ku lwaÌtsola meni, kaasi meni yiÌlusola, yiÌluheka kisalu ndangu lwenda amana lwabuta bibundu byalawu, amana bibundu byenu byananga. Ndangu Tata kaluheka byosu bina lwamuÌlomba mu khumbu ya meni. 17 Mutsiku yilusidini, wenina wawu: zolanenu benu yi benu.» 18 «Yuka ni batu ba tsi babati lumenga, zayenu ni meni baÌtekila menga. 19 Wadi ni lwakalaka batu ba tsi, wadi batu ba tsi bakhani luzola kikuma banduku lwenina. Kikuma kya buna lweku batu ba tsi, kinga yiÌlusola amana yiÌlubula ha kati dya bawu, yihakana batu ba tsi bisi lumengina. 20 Yubukenu ndinga yina yiluzimbwadikini: “Muhika kahitiku pfumu wandi.” Yuka ni baÌndyokuna meni, benu phi baluÌnyokuna; yuka ni baÌlundama malongi mama, baluÌndama phi mana ma benu. 21 Mambu mana moosu baluÌhangama kikuma kya khumbu ya meni, kikuma bawu bamuzayiku wuna waÌthuma. 22 Wadi ni yiÌsaku, yikonda bazonzisa phi, wadi bakhaniku kala yi disumu. Kaasi buthwena, baleÌndaku mu kusuwangana disumu dya bawu. 23 Wuna wisi mbenga, kisi mumenga phi Tata wama. 24 Wadi ni yiÌhangaku mihangu mina myakonda kedi hangama kwena mutu, hana kati dya bawu, wadi bakhaniku kala yi disumu. Kinga, buthwena bamonimya mihangu myama kaasi batumengi yi meni yi Tata wama. 25 Kaasi bwabuna buhangamini ndangu ndinga meni yina baÌsonika muna mitsiku mya bawu yalungila: “BaÌmbenga konda kikuma." 26 «Tangwa kakwiÌsa Muhombi wuna yiluÌhitika meni, wuna watuÌka kwena Tata, Kitembu wuna wenina kyedika wuna waÌtuka kwena Tata, yandi wuna wathiÌla kimbangi. 27 Benu phi lwata kimbangi, kikuma hakimosi lwenina yi meni tukidila ku luyandiku.