Mukanda kwena bisi Hebelu Hebelu 7

1 Medikiseteki meni yandina kyamvu wa tsi ya Salemi kaÌkala yi nganga-Nzambi wa Nzambi Kahungu. Kenda mu kuhukulula Bulahami, muna tangwa dina kaÌkala mu kuvutwakisa, yandi Bulahami, ku muzingu wuna kaÌbedisila bakyamvu amana Medikiseteki waÌmusakumuna. 2 Bulahami kwena yandi kaÌhana mulambu wa kimosi kya kumi kya muluta wuna kaÌbonga ku mvita. Kinga ho twabindula zina dya Medikiseteki, theti-theti, disongidila «kyamvu wa masonga»; amana phi, kenina kyamvu wa tsi ya Salemi, disongidila «kyamvu wa ngemba.» 3 Bamuzayidiku keti tata, keti ngudi, keti kisina kya butuka; luzingu lwandi lweku keti luyandiku keti tsuka. Kisi fwanakana yi Mwana wa Nzambi, kenina nganga-Nzambi wa mvula yi mvula. 4 Mutalenu buna kenina wa mbuta mutu yandu, kwena yandi wuna kaÌhana keti khaka Bulahami kimosi kya kumi kya muluta wuna kaÌbonga ku mvita! 5 Bwosu wenina muna mitsiku, bana ba Lefi bawu benina mu tsadidi ya banganga-Nzambi, benina yi muswa wa kulambwasa kimosi kya kumi kya bima byosu kwena kikanda kya Kiseledi, disongila kwena baphangi ba bawu kibeni, kinga bawu phi mu vumu dya Bulahami benina. 6 Medikiseteki yandi keku mu butuka dya Lefi, kaasi waÌlambwasa kimosi kya kumi kwena Bulahami, amana hika, waÌmusakumuna wuna baÌsila bilangi kwena Nzambi. 7 Kinga, kweku keti tendu, mbuta wisi sakumuna muleki. 8 Batekulu ba Lefi, babana bisi lambwasa kimosi kya kumi, benina batu bisi fwa, kaasi mu dyambu ditadidini Medikiseteki, Masonuku masongidi ni kenina mutu wuna wisi zinga. 9 Ndangu mu kuzimbula moosu, muna nzila ya Bulahami, keti Lefi wuna wisi lambwasa kimosi kya kumi, yandi phi waÌlambula kimosi kya kumi kwena Medikiseteki. 10 Mukuma keti bweti Lefi kaÌkalaku kedi wabutuka, hana kaÌkala muna menga ma khaka wandi Bulahami muna tangwa dina kisa mutundakana Medikiseteki. 11 Kinganga-Nzambi kya kilefi kyaÌkala ha sina dya mitsiku mina kaÌhana Nzambi kwena kanda dya Kiseledi. Kinga, wadi kinganga-Nzambi kya balefi kyanatisaka batu mu kutoma, wadi kukhaniku kala hika mupfunu wa kulubula ndonga yahika ya kinganga-Nzambi mu kanga dya Medikiseteki; kaasi ka mu kanga dya Loni ku. 12 Mukuma ho kinganga-Nzambi kisobukini, mitsiku phi mifweti sobuka. 13 Amana Pfumu wetu, wuna zitadidi ndinga zazi, kenina mu butuka dya hika, dyadina dyeku keti mutu mosi waÌhanga kedi kisalu kya mesa ma kimenga. 14 Mukuma waÌzayakana kedi, tukidila lubutuku, ni Pfumu wetu mu vumu dya Yuta kenina, hahana Moyize kakonda zonzila kima kitadidini kinganga-Nzambi. 15 Bwabuna bwekina wengele: nganga-Nzambi wuna wulubukini muna kanga dyadina wufwanini yi Medikiseteki. 16 Kakitukiku nganga-Nzambi mu nzila ya mutsiku wa butuka dya kimutu; kaasi mu nzila ya hamu dya luzingu lumosi luna lwakonda tsuka. 17 Mukuma, Masonuku mamutidini kimbangi: «Wenina nganga-Nzambi kyamakulu muna ndonga ya Medikiseteki.» 18 Bwabuna waÌkumwakina mukuku wa khulu, kikuma waÌkalaku walunga amana waÌkalaku mupfunu; 19 mukuma mutsiku wa Moyize, waÌnatisaku mu kutoma. Ndambu yi kwawu, kivuvu kimosi kya bukheti kyaÌtuhanamina, amana kibinga kwena kivuvu kyakina, tufwanini mu kubandakana kwena Nzambi. 20 Amana, bwabuna bwaÌhangamina muna nzila ya kudya kwa ndefi kwa Nzambi. Bahika baÌkituka banganga-Nzambi konda ndefi ya mutindu wuna. 21 Kaasi Yesu, yandi, kaÌkituka Nganga-Nzambi mu nzila ya ndefi, kwena Nzambi wuna waÌmuzimbwala: «Pfumu waÌdya ndefi, kazoÌsululaku hika: ‘‘Wenina Nganga-Nzambi kyamakulu."» 22 Muna bwabuna, Yesu waÌkituka Nganga-Nzambi wuna wisi hana tsikiningi ya bulunda bwa bukheti kuluta. 23 Kuhita, banganga-Nzambi baÌdilandikisa mu thalu ya lawu, kikuma lufwa lwaÌbakakidila mu kulanda kisalu kya bawu. 24 Kaasi Yesu bwosu kisi zinga mvula muna mvula amana kiyeka kyandi kya kinganga-Nzambi kyaÌsikila kyamakulu. 25 Yi hakana phi kyenina kyafwana mu kuhulula kyamakulu babana bisi kokuluka kwena Nzambi mu nzila ya yandi, mukuma bilumbu byosu wa moya kenina muna kulombilaka Nzambi kikuma kya bawu. 26 Yesu kenina Nganga-Nzambi wa mbuta yandi wuna waÌfwana kikuma kya betu. Kenina watoma, konda kifu, konda disumu; wa kuhambula yi basumuki amana Nzambi waÌmulumisa lawu kuhita mazilu. 27 Keku yi mupfunu wa kuyokaka kimenga theti kikuma kya masumu mandi yi kikuma kya mamana ma kanda hanga bambuta banganga bahika. Bwabuna kaÌhangabwa mbala yimosi lwesi kikuma kya moosu, mu kuditambika yandi-meni hanga kimenga. 28 Mutsiku wa Moyize wisi sikununa bambuta banganga batu bana benina yi lebakani. Kaasi ndefi ya Nzambi, yina yaÌzonzama ku manima ma mitsiku, yaÌmusikununa, hanga mbuta nganga kyamakulu, Mwana wuna wenina watoma.