Mukanda kwena bisi Hebelu Hebelu 6

1 Yi hakana ni, tuzakukenu muna bikuma bya theti bya malongi matadidini Kidisitu. Tuvutukilaku hika malongi mana ma kisina hanga tsobuka ya mbundu ku mambu matadidini mihangu myafwa yi lukwikilu mwena Nzambi, 2 malongi matadidini mbotika yi kuthetika kwa moku, pfutumuka ya bafwa yi pfundusu ya kimakulu. 3 Amana bwabuna twahaÌnga, ho Nzambi kazolabwa. 4 Kikuma batu babana baÌbayinika ku mwini wa Nzambi mbala yikwawu, baÌlekita ku kabu dya ku zilu, baÌtambula Kitembu Kyatoma hakimosi yi bakwawu, 5 BaÌlekita ndinga ya bukheti ya Nzambi yi ngolu zilutini za tsi yina yakwiÌsa. 6 Babwini muna luzingu lwa bawu lwa khulu! Bwalendakanaku mu kubanata ku tsobuka ya pha ya mbundu. Mukuma, Mwana wa Nzambi babati vutula hika ha kitakani amana babati mulewula ha mesu ma batu. 7 Kikuma, yuka ni mvula kakotaka mu mafu kosu tangwa, amana kamenisaka miti mya mupfunu kwena babana bakunimya, disongidila ni mafu mamana, Nzambi waÌsakumunama. 8 Kaasi ho mamenisa bivunza bya tsaku yi kisoma, maÌkalaku mupfunu; amana ka thama ku babundilama kwena Nzambi amana tsuka tsuka kuyokama. 9 Yi hakana, keti bweti, tuzonzi bwabuna kaasi baphangi bama batondama, tusini mbundu ni kima kimosi kya tsambu kibati luhingila, luhulusu. 10 Kikuma Nzambi keku kayengu. Amana kaziÌmbakanaku muhangu wenu, keti lungongu luna lusongidini kikuma kya zina dyandi, ha lwaÌdikotisa mu kusadila bakwikidi tuka thama yi buthwena bwabu. 11 Kaasi tuzodi ni kosu mutu wa benu kasongila tsambu meni zazina tii yi kuna tsuka, ndangu kivuvu kyenu kyamonika kyabasa. 12 Ndangu lukitukaku bamolu, kaasi sokululenu babana bisi bonga kuvwa kuna kaÌsila Nzambi muna lukwikilu yi kikwamina. 13 Tangwa kaÌsila Nzambi kilangi kwena Bulahami, bwosu kwaÌkalaku zina dya mutu wa mbuta mwena dina kaÌfwana mu kudila ndefi, yi hana kaÌdila ndefi muna zina dya yandi meni. 14 WaÌzimbula: «Kyedika, yikuÌsakumuna buna bufwani amana yivuÌdisa butuka dyaku.» 15 Yi hakana ni Bulahami mu kikwamina, waÌnona kina kaÌsila Nzambi. 16 Kinga, batu ha bisi dya ndefi muna zina dya mutu wuna wubahitini bawu mu lukumu, amana ndefi yayina yisi tabula tendu dyosu. 17 Muna phila yayina, Nzambi kaÌzola ni kasongila wengele kwena babana bafwana mu kubonga mamboti ma kilangi ni ndefi yandi yisiku katuka; yi hakana kaÌdila ndefi ku kilangi kyandi. 18 Yi hakana, muna mambu modi mafwaniku mu kusoba, bwalendakanaku kwena Nzambi mu kuhuna. Yi hakana ni, thwenina yi kikesa kya lawu, betu baba thwenina yi kiswaminu kimosi: kubonga kivuvu kina baÌtusila. 19 Kivuvu kyakina kikuma kya betu kyenina hanga kikokolu kya ngolu yi kya mukwandi kya moya wetu. Kyisi lobuka amana kihiti kibwiku kya kizika kyatoma hedila. 20 Yi hakana meni kaÌkotila Yesu ku thwala ya betu yi kikuma kya betu, mu kuyata kanga ku mesu ma betu, waÌkituka mbuta-nganga mu kimakulu muna kanga dya Medikiseteki.