Mukanda kwena bisi Hebelu Hebelu 3

1 Amana phi baphangi batu ba Nzambi, bakwetu khunda ba mbila ya Nzambi, talenu kwena Yesu, yandi thumwa wa Nzambi amana Mbuta-Nganga wa lukwikilu lwalu tubati samuna. 2 Kikuma, Yesu waÌhwila mwani kwena wuna waÌmusikununa bwosu kaÌkalabwa Moyize muna nzu yosu ya Nzambi . 3 Kaasi Yesu kenina yi khembu ya lawu kuhita yayi ya Moyize hanga mutu wuna wutungini nzu kenina yi lukumu lwa lawu kuhita yawu-meni nzu. 4 Kosu nzu, mu kyedika, mu nzila ya mutu yisi tungamina; amana, wuna waÌtunga bima byosu, kenina Nzambi. 5 Amana Moyize waÌhwila mwani muna nzu ya Nzambi yosu hanga musadi, kikuma kya kuta kimbangi kya mana kakala zonza Nzambi. 6 Kaasi Kidisitu keninabwa hanga Mwana wa kusikununa, mutwa wa nzu ya Nzambi. Kinga nzu ya yandi yi betu, ho twalema kikumbwala yi lulendu luna thwisi sila kivuvu. 7 Yi hakana ni, bwosu kazimbudibwa Kitembu Kyatoma: «Lelu, ho luyukini ndinga ya yandi, 8 luzitikaku mbundu, bwosu mu kilumbu kina batu baÌmubalwakila Nzambi, mu tangwa dya kimeka muna tseki ya khatu; 9 Kwakuna bakhaka benu baÌtsokila muna kimeka kimosi mbata nana baÌmona mihangu myama. 10 Muna mvula makumaya. Yi hakana yiÌyukila khabu kikuma kya batu ba tangwa meni dyadina, amana nzimbudini: “Bisi ditotisa kosu tangwa muna mbundu ya bawu, baÌmonazoku nzila zama." 11 Yidya ndefi muna khabu zama: BakoÌtamwoku muna tsi yina yiÌbayidikila kikuma kya kulembwila !» 12 Kebenu baphangi, ka mutu ku hana kati dya benu kakala yi mbundu yimosi ya mbi, mbundu ya ngolu amana yamuyekulaka kwena Nzambi wa moya. 13 Kaasi disyamisakenu benu yi benu kosu kilumbu buna fwanini mu kuzonzila «lelu», ndangu keti mosi wa benu kahunanaku ku disumu amana kakituka yi mbundu ya tadi. 14 Kikuma, tukituki basindikidi ba Kidisitu, tufweti tomalunda kikumbwala yi kuna tsuka bwosu kyaÌkala ku luyandiku. 15 Bwosu mazimbudi Masonuku: «Ho luyukini ndinga ya yandi lelu, luzitikaku mbundu zenu bwosu mu kilumbu kina batu baÌmubalwakila Nzambi .» 16 Banati babana baÌyuka ndinga ya Nzambi amana baÌhakuka kikuma kya yandi? Ka bawu ku boosu babana kaÌlubula Moyize mu Ngiphiti? 17 Amana kwena banati kaÌsidikila Nzambi muna mvula makumaya? Ka kikuma kya babana ku baÌhola masumu amana bakala fwa muna tseki? 18 Amana kwena ba nati kaÌdila Nzambi ndefi yayi: «bakoÌtamwoku muna tsi yina yiÌbayidikila kikuma kya kulembwila», ka babana ku bamana hakuka? 19 Amana tumonini buna bwa bukheti ni, baÌlendamwoku kukota kikuma kya kukonda kwa bawu kwa lukwikilu.