Mukanda kwena bisi Efesu Efesu 2

1 Amana benu lwaÌkala theti bafwa kikuma kya mbi zenu yi kikuma kya masumu menu. 2 Mwamuna lwakala dihana theti muna ndyatidi yenu ku luzingu lwa tsi yayi. Amana lwakala lemvwakila pfumu wa bitembu bya mbi byisi yala hakati kya tsi yi zilu. Kitembu meni wuna wubati hanga muhangu mwena batu babana bisiku lemvuka kwena Nzambi. 3 Betu boosu phi, twaÌkala theti muna mukanzu wa batu babana, amana twakala zingila muna tsambu za mbi za kimutu kyetu yi kitembu kyetu. Amana, kikuma kya bifu byetu twaÌtangamina mu pfundusu ya Nzambi hanga batu bahika. 4 Kaasi kheni ya Nzambi yilutini kitesu, kikuma kya lungongu lwa mbuta luna kaÌtutyela, 5 amana betu bana twaÌkala bafwa mu moya kikuma kya mitsoki myetu, yandi waÌtuvutula hika mu luzingu ha kimosi yi Kidisitu. Mu khenda luhulukidini benu. 6 Nzambi kaÌtufutumuna ku lufwa ha kimosi yi Kidisitu Yesu amana waÌtuzakadisa ha kimosi yi yandi muna bizika bya mazilu; 7 ndangu kasongila, muna matangwa makwiÌsa, buweti bwandi buna buhitini kitesu kwena betu mwena Kidisitu Yesu. 8 Kikuma mu khenda za Nzambi lwaÌhulwakila benu, mu nzila ya lukwikilu. Luhulusu luna lutukiku kwena benu-benu, dyenina kabu dya Nzambi; 9 ditukiku ku mihangu myenu, yi hana ni ka mutu ku wufwani kaditsikisa. 10 Mukuma betu thwenina bihangwa byandi; mwena Kidisitu Yesu twaÌhangamina, kikuma kya mihangu mya bukheti mina kaÌtekila yidika Nzambi, ndangu twasadilamya. 11 Yi hana ni yindulenuti buna lwaÌkala theti! Benu lwaÌkala batu bakondi kala Bayuta; Bayuta bakala lubongila hanga batu bakonda kota mukhanda amana bawu-meni, bisi ditela ni batu baÌkota mukhanda kikuma kya mukhanda wuna baÌbayotisa muna lutu yi ku moku ma batu. 12 Muna tangwa dyadina, benu lwaÌkalaku kedi yi Kidisitu; lwaÌkalaku keti muswa wumosi hana kati dya Kiseledi; banzenza lwaÌkala ku bulunda bwa bilangi; benu lwakala zinga konda kivuvu yi konda Nzambi. 13 Kaasi buthwena, mu kimvuka yi Kidisitu Yesu, benu lwaÌkala kyana, lwaÌbwesuka mu nzila ya kimenga kyandi. 14 Mukuma yandi-meni Kidisitu waÌtunatina ngemba, muna nzila ya kimenga kyandi, mu kubundikisa Bayuta yi batu bana bakondi kala Bayuta, ndangu bakituka mutu mosi. Yandi waÌmwanga kibaka kya ngyengu kina kyakala bahambula yi kukasa bimbeni. 15 WaÌmanisa ngolu za mitsiku mya Bayuta, miswa mya myawu yi nzengulu za myawu, ndangu kabakitula mutu mosi wa pha, batu boosu, mwena yandi: bwabuna kaÌyidikila ngemba. 16 Muna nzila ya lufwa lwandi ha kitakani, Kidisitu waÌbakhundikisa batu boosu mu lutu lumosi yi kuvutula ngemba ha kati dya bawu yi Nzambi; muna nzila ya kitakani, waÌzangakya kiphala. 17 Musamu wa Bukheti kisa longa Kidisitu, wutadidi ngemba kwena benu lwaÌkala kyana amana wutadidi ngemba kwena babana baÌkala bela-bela . 18 Kikuma, muna nzila ya yandi, mwamuna twaÌbongila muswa wa kutelama, kwakala betu Bayuta kondilo bana bakondi kala Bayuta, ku thwala ya Nzambi Tata, muna Kitembu mosi. 19 Ihana ni, benu batu lwakonda kala Bayuta, lweku hika banzenza keti batu baÌtuka kuma kwahika; kaasi buthwena lwekina batu ba kikanda kya Nzambi, lwekina butuka dya Nzambi. 20 Benu, baÌlutungila ha thandu ya mipfundila mina baÌyidikila yi bathumwa yi bambikudi; Kidisitu Yesu yandi-meni kenina tadi dya ha sina. 21 Mwena yandi, mwisi zyamina thungidi zoosu ndangu zakituka nzu ya Nzambi yatoma. 22 Mwena yandi, benu phi lwekina thungidi yimosi mu kimvuka yi bakwenu, ndangu lwakituka nzu ya Nzambi mu Kitembu.