Mukanda kwena bisi Efesu Efesu 1

1 Meni Pholu, thumwa wa Kidisitu Yesu, muna luzolu lwa Nzambi. Kwena bakwikidi ba Nzambi benina [ku Efesu] ; babana baÌsila mbundu, benina mwena Kidisitu Yesu: 2 Yambula Nzambi Tata wetu yi Pfumu Yesu Kidisitu baluheka khenda yi ngemba ! 3 Lukumu kwena Nzambi, Tata wa Pfumu wetu Yesu Kidisitu! Yandi kaÌtusakumuna muna lusakumunu lwosu lwa kitembu muna bizika bya mazilu, mwena Kidisitu. 4 Mwena yandi, Nzambi waÌtusola ku thwala ya kuhangama kwa tsi, ndangu twakala batu ba Nzambi amana bakonda kifu ku mesu ma yandi. Muna lungongu lwandi, 5 Nzambi waÌzenga tuka thama mu kutusola ni twakala hanga bana bandi ba kutsasa, muna nzila ya Yesu Kidisitu. KaÌzola bwabuna muna buweti bwandi; 6 ndangu betu twalumisa khembu ya khenda zina kaÌtuheka mwena Mwana wandi wuna watondama. 7 Mwena Kidisitu, muna nzila ya menga mandi, twaÌbongila luhulusu yi ndoluka ya masumu bwosu kwenina kuvula kwa khenda zandi. 8 Bwabuna kaÌtufwebwalaza mu kutuheka mudimu walungila yi ngangu zalungila. 9 WaÌtusengwamina diswekamu dya dibanza dyandi dina kaÌzenga tuka thama, muna buweti bwandi, mwena Kidisitu. 10 Dibanza meni dina, kalungisa Nzambi mu tsuka ya matangwa, ditadidi kukhundikisa kwa bima byosu bina byenina mu zilu yi ha tsi amana wusibya mu kiyeka kya Kidisitu. 11 Mwena yandi, twaÌtambula ndambu ya kimvwama kyetu kina kaÌtuzengila tuka thama; betu babana kaÌtekila sola Nzambi tuka ku luyandiku, bwosu buna dyaÌkala dibanza dya wuna wisi lungisa mambu moosu, bwosu buna lwenina lukanu lwa luzolu lwandi. 12 Tuzatulenu khembu ya Nzambi, betu babana twaÌtekila sya kivuvu kyetu mwena Kidisitu! 13 Mwena yandi, benu phi, tangwa lwaÌyuka musamu wa kyedika, Musamu wa Bukheti wuna waÌlunatina luhulusu, lwaÌkwikila mwena Kidisitu; amana baÌlunamika kidimbu kya Kitembu Kyatoma wuna kaÌlusila kilangi. 14 Kitembu meni wuna kenina thuka ya kuvwa kwetu; kithama kina dyakuÌtumukina mu kimakulu kanda dya Nzambi. Hahana ni tuyimbilenu khembu ya Nzambi! 15 Yi hakana ni meni phi, buna yiÌyuka mu kuzonzila mambu matadidi lukwikilu lwenu mwena Pfumu Yesu yi lungongu lwenu kwena bakwikidi , 16 yisiku lembwa muna lombilu lwama mu kuvutula matondu kwena Nzambi kikuma kya benu . 17 Amana ndombini kwena Nzambi wa Pfumu wetu Yesu Kidisitu, yandi wenina Tata wa khembu, kaluheka kitembu kya mudimu yi kina kya tsengumuka, ndangu lwalenga muzayila. 18 Ndombini phi kalutemuna mesu ma mbundu yenu ndangu lwabakisa mutindu wa kivuvu kina kyaÌkangama ku mbila yandi, kuvwa kwa lawu kwa khembu yina kaÌlusila hakati dya bakwikidi, 19 yi kutoka kwa ngolu zandi zina zilutini kenina zawu kikuma kya betu babana thwisi kwikila. Ngolu meni zina kaÌsongilaza muna ngolu zandi zoosu; 20 tangwa kaÌmufutumuna Kidisitu ha kati dya bafwa amana wumuzakadisi kuna koku dyandi dya kitata, muna mazilu. 21 Kidisitu waÌbonga kifulu hana thandu ya kipfumu kyosu, ngolu zoosu, hamu dyosu, luyalu lwosu yi khumbu yosu yina yisi tangama lwesi ha tsi haha yi muna tsi yina yakwiÌsa. 22 Nzambi waÌtulula byosu muna malu ma Kidisitu, waÌmuhana hanga Pfumu wa mbuta hana thandu ya Dibundu. 23 Dibundu dyenina Lutu lwa Kidisitu; mwena yandi, mwamuna kisi zingila Nzambi wa muthu, yandi waÌbasisa byosu mwena boosu .