MIHANGU 8

1 Sawulu waÌtambwasa ni bamuhonda Kitsyeni. Sawulu wunyokuni Dibundu Yandika kilumbu meni kina, baÌyandika kunyokuna batu mu Dibundu dina dyaÌkala ku Yelusalemi. Bakwikidi boosu baÌmwangana muna binzunga bya Yuteya yi Samadiya, katula lwesi bathumwa. 2 Kaasi batu bakwikama baÌmuzika Kitsyeni, bawu phi baÌmudila lawu. 3 Sawulu, yandi, kakala sanda kuzanga Dibundu; kakala kota muna nzu, mu kukwata bakhetu yi bayakala yi kubakotisaka mu boloku. 4 Batu bana baÌmwangana, bakala kwenda muma mwa phila yi phila yi kusamunaka Musamu wa Bukheti wa Ndinga ya Nzambi. 5 Fidiphu, yandi waÌkulunga ku mbanza ya Samadiya, waÌsamuna kwakuna Kidisitu. 6 Milumba-lumba mya batu, baÌzitama mu kuhinikinaka mana kakala zonza Fidiphu, mu kulonguka yi mu kumona bidimbu bya khumbwa bina kakala sala. 7 Mukuma bitembu bya mbi byaÌkala lubuka mwena batu ba lawu yi kukalungaka, amana bakwa khonzu yi babana bawokumuka baÌkola. 8 Kyesi kya lawu kyaÌkala muna mbanza meni yina. 9 Tuka thama, mutu mosi waÌkala muna mbanza meni yina, khumbu yandi Simoni. Kakala nika mikisi; kakala yitwakisa batu ku Samadiya amana yi kuditombulaka, 10 tukidila kwena bambuta yi kuna baleki, boosu bakala khundakana kwena yandi, yi kuzimbulaka: «Mutu yandu kenina ngolu za Nzambi, zina bisi tela: “Za mukwandi”.» 11 Bakala bandakana kwena yandi kikuma kya buna kakala bayitwakisa, tuka thama, ku mikisi myandi. 12 Kaasi tangwa baÌkwikila mwena Fidiphu, wuna wakala basamwana Musamu wa Bukheti wa Kipfumu kya Nzambi yi mu khumbu ya Yesu Kidisitu, yi bakhetu yi bayakala baÌtambula mbotika. 13 Simoni, yandi-meni waÌkwikila amana waÌtambula mbotika; kaÌkala tangwa dyosu bela-bela yi Fidiphu amana kakala yituka lawu kikuma kya bidimbu bya khumbwa yi biphadi bya mbuta bina byaÌkala hangama. 14 Bathumwa bana bakala ku Yelusalemi, tangwa baÌyuka ni bisi Samadiya batambwasiya ndinga ya Nzambi, hanga babahitiki Phetelu yi Yowani. 15 Phetelu yi Yowani buna baÌtula kwena bawu, baÌlombila kikuma kya bawu ndangu batambula Kitembu Kyatoma. 16 Mukuma yandu-yandu kabwilaku kedi keti mosi hana kati dya bawu; baÌtambula lwesi mbotika mu khumbu ya Pfumu Yesu. 17 Hanga Phetelu yi Yowani wubasi moku, amana baÌtambula Kitembu Kyatoma. 18 Tangwa kaÌmona Simoni ni Kitembu kihanami kwena bakhidisitu, mu kusya kwa moku kwena bathumwa, kahanga wubanatini sunga dya mbongu 19 amana wuzimbudi: «Phekenu bawu hamu meni dyadi, ndangu kwena bana yisya moku, batambula Kitembu Kyatoma.» 20 Kaasi Phetelu wumuzimbwadi: «Mbongu zaku zazangana kumosi yi ngeyi meni, kikuma wubanzi ni wufwani kusumba kabu dya Nzambi yi mbongu! 21 Weku keti homa, keti muswa mu dyambu dyadi dyenina haha, mukuma mbundu yaku yeku yasungama ku thwala ya Nzambi. 22 Talulula hika dibanza dyaku dya mbi amana lombila Pfumu ndangu, yukani kazola, kalolula sunga dyaku dina dya mbi dyenina ku mbundu yaku. 23 Mukuma meni mboni ni ngeyi wenina wabasa yi mbundu ya kiphala amana wenina muhika wa masumu.» 24 Hanga Simoni wuzimbudi kwena Phetelu yi Yowani: «Bokwadilenu Pfumu kikuma kya meni, ndangu, muna mana luzimbudini, dimbwilaku keti dyambu dimosi.» 25 Ku manima ma kuta kimbangi yi kulonga ndinga ya Pfumu, baÌvutuka ku Yelusalemi, mu kusamuna Musamu wa Bukheti muna mahata ma lawu ma Samadiya. 26 Wanzyo mosi wa Pfumu waÌzimbula kwena Fidiphu: «Telama amana wenda ku banda, muna nzila yina yakulumuka tuka ku Yelusalemi yi kuna Ngaza.» Nzila meni yina bisiyoku lutila lawu. 27 Buna kaÌyuka bwabuna, Phidiphu waÌtelama amana wenda. Muna nzila, waÌtundakana mutu mosi, mwisi Etsyophi, mutu meni wuna, yandi waÌkala pfumu wa mbuta, wisi sweka phi mbongu yi bima byosu bya Kandasi pfumu wa mukhetu wa Etsyophi; hana khaku kedi batundakana yi Fidiphu, kaÌtekila kwisa ku Yelusalemi kikuma kya kufukamina Nzambi, 28 amana kakala vutuka ku nzu yandi, wazakala hana thandu ya mutukumbila wa phunda, yikutangaka mukanda wa mbikudi Yesaya. 29 Kitembu Kyatoma waÌzimbudi kwena Fidiphu: «Bwesuka amana waÌtundakana yi mutukumbila wa phunda wuna.» 30 Fidiphu wenda thinu amana waÌmuyuka mwisi Etsyophi buna kakala tanga mukanda wa mbikudi Yesaya. Yandi wumuzimbwadi: «Wubati bakisa mana wubati tanga?» 31 Yandi wuvutudi: «Abweti yilenda bakisa, yuka ni heku mutu wathendwadilawa?» Kahanga wumubokwadidi Fidiphu ni kazanza ndangu kazakala kumosi yi yandi. 32 Nzila ya Masonuku kakala tanga, yaÌkala yayi: «Bakala munata hanga mukoku banati homa hana bisi bakila mbisi, hanga mwana wa mukoku kisiku meka ku thwala ya wuna wisi mukulula mwika. Kayakudiku keti ndinga. 33 Muna kulewuka kwandi, baÌbwisa kumunungisa. Nati waÌlenda mu zonzila kilumbu butuka dyandi? Kikuma luzingu lwandi baÌkatulalwa ha tsi.» 34 Mwisi Etsyophi waÌhyula kwena Fidiphu: «Yikubokwadidi, nzimbwala bawu: kikuma kya nati kabati zonzila mbikudi bwabuna? Kikuma kya yandi meni ho kikuma kya mutu wahika?» 35 Fidiphu waÌtambula ndinga amana, muna nzila meni yayina ya Masonuku, waÌyandika mu kumusamwana Musamu wa Bukheti wa Yesu. 36 Kinzila-kinzila, baÌtula homa hamosi hakala yi mamba, mutu wuna waÌzimbula kwena Fidiphu: «Tala mama mamba; biki bikhwati mu kubotama?» [ 37 Fidiphu wumuzimbwadini: «Yukani wakwikila yi mbundu yaku yosu, wufwani mu kubotama.» Yandi wuvutudini: «Khwikidini ni Yesu Kidisitu, Mwana wa Nzambi.»] 38 WaÌsenda mu kutelamisa mutukumbila wa phunda, baÌkulumuka bawu bodi muna mamba, Fidiphu yi mwisi Etsyophi, amana waÌmubotika. 39 Ha baÌlubuka mu mamba, Kitembu kya Pfumu kyaÌmutombula Fidiphu. Mwisi Etsyophi wuna kamumonaku hika, kahanga wusimbi nzila wenda yi kyesi kyosu. 40 Fidiphu, yandi, wisa monikina mu mbanza ya Azoti, kakala samuna Musamu wa Bukheti muna mbanza zoosu muna kakala luta, yi kuna katudila ku Sezale.