MIHANGU 28

1 Buna twalubuka konda kihonza, baÌtuzimbwala ni zawala dina khumbu ya dyawu Madita. 2 Bisi zawala meni dina baÌtuyamba yi mbundu yimosi. Bwosu kakala noka mvula yi kikuma kya kyosi, hanga bawiki kalunga ziku dya mbawu, batutedini betu boosu twayetila. 3 Pholu kaÌtonguna mukuta wa mitsosu ndangu kasya hana mbawu, kaasi, muna kyungila kya mbawu, sawa mosi waÌlubukamwa amana waÌnama kuna koku dyandi. 4 Tangwa baÌmona nyoka wanama kuna koku dyandi, bisi zawala dina baÌdizimbwala bawu yi bawu: «Mu kyedika mutu yandu muhondisi kenina, mbatanana kahuluki ku yanga dya mbuta konda kihonza, nzambi wuna wisi futa batu ku mbi ya bawu, katondiku ni kazinga hika.» 5 Kaasi Pholu waÌkhukumuna koku, nyoka waÌbwa hana ziku dya mbawu amana kaÌyukaku keti ndunza. 6 Batu baÌhingila ni bamumona kuvimba holo kabwa amana kafwa muna mbala mosi; kaasi bwosu bahingila lawu, mu kumona ni keti kima kimosi kyambi kyamubwilaku, hanga babaludi mabanza ma bawu amana baÌyandika mu kuzimbula ni nzambi mosi kaÌkala. 7 MwaÌkala, muna bela-bela, yi mukombu wumosi wa pfumu wa zawala, khumbu yandi Phubidiyusi. Yandi waÌtutambula yi mbundu yimosi amana twaÌnanga kuna nzu yandi bilumbu bitatu. 8 Tata wa Phubidiyusi walambalala kaÌkala hana thangi; mbawu ya mulutu kaÌkala yawu yi phulu-phulu ya menga. Hanga Pholu wukoti muna nzu yandi, waÌmulombila Nzambi, waÌmusya moku amana waÌbeluka. 9 Hanga bwabuna, bambefu bahika baÌkala muna zawala biÌsa bawu phi amana baÌbeluka. 10 Luzitu lwalawu baÌtuheka, amana mu kukatuka kwetu, baÌtukana byosu bina twaÌkalabyawu mupfunu. 11 Kunima munangu wa ngonda tatu, tukoti mu masuwa mana ma bisi Alekizandi mana malutisa tangwa dya kyosi muna zawala, baÌsonika: «Dyosikidi .» 12 Buna twaÌtula ku Silakusi, twaÌnanga kwakuna bilumbu bitatu. 13 Ha twaÌkatuka kuna, tulandi mukinda wa zawala yikuna twatudila ku Lekyo. Pfunzi ya kubanda buna yaÌtukula amana mu kilumbu kyalanda, twaÌtula ku Phuzolesi kunima bilumbu byodi. 14 TwaÌwana, muna mbanza meni yayina, baphangi bahika bana baÌtulomba ndangu twananga phosa mosi kwena bawu. Bwabuna thwendila ku Loma. 15 Baphangi bana baÌkala mu mbanza, bana baÌyuka khululuka ni tubati kwisa, bisa tutundakana yikuna Zandu dya Haphiyusi yi kuna nzu mosi ya banzenza bisi tela: “Ku nzu tatu.” Buna kaÌbamona, Pholu waÌvutula matondu kwena Nzambi amana waÌbonga kikesa. 16 Kunima kutula kwetu ku Loma, baÌmusenda Pholu ni kadikadila homa hahika kumosi yi phumbulu mosi wuna wakala mutadikila. 17 Kunima bilumbu bitatu, Pholu waÌtedisa bambuta ba Bayuta. Tangwa baÌkhokama, waÌbazimbwala: «Baphangi bama, konda kuhanga kima kitadidi betu-betu, holo kitadidi mikuku mya batata betu, meni, yenina mukwa boloku, tukidila ku Yelusalemi baÌndambula kwena bisi Loma. 18 Kunima dya kuphyula byufu, bawu baÌzola ni bangyambwadila, kikuma mwaÌkalaku kima, mwena meni, kyaÌlunga kundatina lufwa. 19 Kaasi Bayuta baÌtambwasabwoku amana baÌndundika ni yiÌlombabwa kwena Khayisala, konda kukala kwama yi dibanza dya kufunda kanda dyama. 20 Kikuma kya bwabuna ndombidikini ni yilumona amana yiluzonzisa, mukuma miyololu myami, bakhasimya kikuma kya kivuvu kya bisi Kiseledi.» 21 Bamuvutwadini: «TwaÌtambudiku keti kisyati kimosi kyaÌtuka ku Yuteya, kikuma kya ngeyi amana phi keti phangi mosi kiÌsakwoku mu kuzonzila holo kuzimbula kifu kya ngeyi. 22 Kaasi twazoÌla ni twakuhinikina mu kuzonza ngeyi meni buna wubati banza, mukuma tuzayibwa ni muma mwosu babatidya telamina dingumba dina wadinama dyawu ngeyi.» 23 BaÌyukana kilumbu kimosi amana bisa muwana kwakuna kaÌkala nimba yi batu balawu kuluta. Muna kinzonzi kyandi, kakala ta kimbangi kya Kipfumu kya Nzambi yi kudiyangisa muna mitsiku mya Moyize yi Bambikudi, mu kubakwikisa mu mambu mana matadidini Yesu; tukidila suka yi kuna masikidika. 24 Bamosi baÌmuyukila mu mana kakala zonza, kaasi bahika baÌbwisa mu kukwikila. 25 Bwosu baÌmwangana, konda kuyukana bawu yi bawu, Pholu waÌyika ndinga yimosi: «Kitembu Kyatoma, waÌnunga kwandi, tangwa kaÌzonza kwena batata benu, mwena mbikudi Yesaya!" 26 Tangwa kaÌzimbula: “Ndawenda kwena kanda dina amana zimbula: Lwayukiki kwenu mboti, lwabakudikiku keti kima; lwasimbuludiki, kaasi lwamonikiku keti koma. 27 Mukuma mbundu ya batu baba yizitamini; bazindini matu, amana bazibikini mesu, hanga bamona nana yi mesu ma bawu, bayuka nana yi matu ma bawu, babakula nana yi mbundu ya bawu, amana bavuÌtwakisaku kwena meni ndangu yibaÌbelula." 28 zayenubwoku phi ni luhulusu luna lwa Nzambi, kwena baphani baÌhitikalwa: bawu, bayuÌkalwa.» [ 29 Buna kaÌzimbula bwabuna, Pholu, Bayuta beÌnda mu kutendana ngolu bawu yi bawu.] 30 Mvula zodi za muthu kaÌnanga muna nzu yina kaÌluwa. Kakala yamba boosu bana bakala kwisa mutala. 31 Kakala samuna mambu ma Kipfumu kya Nzambi, yi kulonga mana matadidi Pfumu Yesu Kidisitu, yi kikesa kyosu, konda kumukandikisa.