MIHANGU 27

1 Bwosu dyaÌkala ni thwedila mu masuwa ku Kitadi, bamuhani Pholu yi batu bahika ba boloku ha moku ma satudiyoni mosi khumbu yandi Zudiwusi, waÌkala mu kibuka kya baphumbulu kina bakala tela «kibuka kya baphumbulu Okisiti.» 2 Buna twaÌkota muna masuwa mamosi maÌtuka ku Andalamiti, makala kwenda ku mbungu ya kinzunga kya Aziya, hanga thwendi. Hana kati dya betu haÌkala yi Adisitadiki mwisi Masetwani wa ku Tesalonika. 3 Kilumbu kyalanda, twaÌtula ku Sitoni. Zudiwusi, yandi wakala musadisa Pholu yi maweti moosu; waÌmusenda mu kwenda kinda banduku bandi ndangu kabonga bina kenina byawu mupfunu. 4 Ha twaÌkatuka hakana, twaÌhitila ku mukinda wa zawala dya Siphe, kikuma pfunzi yakala kwisa kuna twakala kwendila betu. 5 Kunima dya kusabuka yanga dya mbuta bela-bela yi Sidisi yi Phafidiya, twaÌtula ku Mila dya Disi. 6 Kuna, satudiyoni kaÌwana masuwa ma ku Alekizandi makala kwenda ku Kitadi, amana waÌtukotisa mwamuna. 7 Bilumbu byalawu twaÌnanga mu nzila kikuma masuwa makala tika malembi-malembi. Mu phasi twaÌtudila ku thwala ya mbanza ya Kinidi. Pfunzi yatuhekaku nzila, hanga thweka kwendisa ku zawala dya Kheleti, twaÌhitila ku Salumoni. 8 Mu phasi za lawu twakala kwendila amana twaÌtula homa hamosi bakala tela ni Mbungu Yabukheti, bela-bela yi mbanza ya Lazeya. 9 Bwosu twaÌlutisa tangwa dya lawu amana phila ya kukwendila yaÌkuma kihonza, tangwa dya kuzila kudya dyaÌhita. Pholu watekila bazimbwala: 10 «Banduku bama, mboni ni nzila yayi, yakalaku lwesi yambi kikuma kya masuwa yi bilekwa byenina mu kati; kaasi kikuma kya moya myetu phi.» 11 Kaasi satudiyoni kaÌkwikilaku mu mambu ma Pholu, hanga wuyukidi lwesi wuna wakala natisa masuwa yi mukwa mawu. 12 Kikuma mbungu yaÌkalaku mboti mu kuzakala mu tangwa dya kyosi, bahika baÌyandika mu kukatuka kuna, bazola ni batula ku Fenikisi, mbungu yikwawu ya Kheleti, yina yaÌtala kuna mazyokidi ma tangwa, ndangu balutisila kwakuna tangwa dya kyosi. 13 Koma ka muphephi kaÌtuka ku banda, kaÌhita; baÌbanza ni balungisa lukanu lwa bawu. BaÌthuta kima kya zitu kina kyakala zyamisa masuwa ku thwala pfunzi hanga masuwa mekakwendila ku kabeta ka sambwa dya Kheleti. 14 Kaasi ku manima ma tangwa dya khunda, pfunzi yimosiyaÌtuka ku zawala, yina bisi tela «kimbongila kya ku tunda yi ku tsosu» yaÌtukula. 15 Masuwa mahunguluka, hakalaku mutindu wa kuzyamina ku kimbongila; hanga tudiyambwadidi kwetu twatika. 16 Bwabuna twakala hitila kuna kabeta ka koma ka zawala kamosi bisi tela ni Khota, twahita, mu phasi twaÌkwatikisila mudimba wuna waÌkala wakuzitikila ku manima ma masuwa. 17 Kunima dya kukoka masuwa, basadi ba masuwa baÌkasama misinga ndangu mamwangalakanaku. Bweya baÌkalabwawu ni basangamina nana mu zelu dya Siditi, amana baÌsula muna mamba kima kya zitu kina kyambuta kyakala simba masuwa bayandika mu kutika. 18 Kilumbu kyalanda, bwosu yakala tuningisa ngolu pfunzi, baÌtimbula mu mamba ndambu ya bilekwa bina byaÌkala mu masuwa. 19 Kilumbu kyatatu, baÌlosa hika bisalulu bya bina byaÌkala mu masuwa. 20 Keti tangwa keti thetimbwa kaÌlubukaku, muna bilumbu byalawu, amana pfunzi yakala tukula ngolu. Hanga tukatudini kivuvu kya kuhuluka. 21 BaÌdyaku keti kima kimosi tuka thama. Hanga Pholu, waÌtelama hana kati dya bawu, waÌbazimbwala: «Banduku bama, wadi lwangyukilaka ni tukatukaku ku Kheleti, wadi lumonikiniku phasi za bwabu. 22 Kaasi buthwena yilulombi ni lwakala yi khwakasu; mukuma ka mosi ku wa benu watotisa luzingu; kaasi masuwa lwesi. 23 Kikuma muna phipha ya lelu, wanzyo mosi wa Nzambi wuna wumvini yi wuna yisi sadila kaÌndubwakidini 24 amana kaÌnzimbwadini: “Wuyukaku bweya, Pholu! Bufwani wenda samba ku thwala Khayisala, amana Nzambi wukuheki kabu dya boosu bana babati tika mu mamba kumosi yi ngeyi." 25 Kikuma kya buna, dikasikisenu, bakhunda bama, mukuma mbati kwikila mwena Nzambi ni dyakaÌla bwosu kaÌnzimbwala. 26 BatuÌtimbula ku sambwa dya zawala dimosi.» 27 YaÌkala phipha ya kumi yi ya wakala tunatisa muphephi muna yanga dya Adiyatiki. Muna kati kya phipha, basadi ba masuwa bakala mona ni tubwesuki mu tsekengi. 28 BaÌzitikila kisengu kya zitu kuna musinga ndangu batesila dingu, bamoni ni kuleya kwa dingu kwaÌkala kitesu kya metele makumaya. Kunima dya kuphusana koma, baÌtesa hika, baÌmona ni dingu dyekina kitesu kya metele makumatatu. 29 Bweya bwaÌbakwata ni masuwa madibunda nana ku matadi, yihana baÌtimbwala bima biya bya zitu byaÌkala kuna manima ma masuwa, mu kuhingila ni kuma kwakhya tswatsu. 30 Kaasi, bwosu baÌkala yi sunga dya kutina, basadi ba masuwa, bakala hunikisa mu kukulumuna mudimba wa luhulusu muna mamba hanga bana bendi zitikila bima bya zitu ku thwala ya masuwa, 31 Pholu waÌzimbula kwena satudiyoni yi kwena baphumbulu: «Yukani batu baba benamwoku mu kati kya masuwa, lufwaniku lwahuÌlukaku.» 32 Hanga baphumbulu batabudi misinga mina myakala zyamisa mudimba wa luhulusu amana baÌyambwadilawa ni wabwa. 33 Buna bakala hingila ni kuma kwakhya, Pholu waÌbaheka kikesa boosu ndangu badya, wuzimbudini: «Lelu kilumbu kya kumi yi ya tuka buna lubati hingila, amana konda kudya kima. 34 Yihana mbati lubokwadila ni lwatambula madya, mukuma mupfunu maluyenina kikuma kya luhulusu lwenu. Ka mosi ku hana kati dya benu watoÌtisa lusuki lumosi lwa mutwa wandi.» 35 Kunima dya kuzimbula bwabuna, waÌtambula dipha, waÌvutula matondu kwena Nzambi ku thwala boosu, kunima waÌbukunadya amana waÌyandika mu kudya. 36 Hanga, bwosu kyabavutwakisa kikesa, boosu baÌtambula madya. 37 Muna masuwa, batu boosu, twaÌkala khama zoodi yi makumi tsambwadi yi sambanu. 38 Tangwa baÌdya boosu bayukuti, baÌlosa bule mu yanga dya mbuta ndangu masuwa makuma hengi-hengi. 39 Buna kwakya kuma, baÌbakulayoku tsi, kaasi baÌmona lwesi homa hana kaÌkotila mamba mu mafu, amana baÌmeka kununguna masuwa yi kuna khungu ya mamba. 40 BaÌkutumuna misinga mya bima bya zitu ndangu basulabya mu mamba amana baÌkutumuna muna mbala mosi bima bya zitu bina byaÌkala ku yenda dya masuwa; kunima baÌtelamisa muledi wa yenda wahika kuna thwala ya masuwa ndangu muphephi wanatisa masuwa ku sambwa. 41 Kaasi baÌbwa ha tumba dimosi dya tsekengi ha kati kya phuphu zodi, amana masuwa maÌbatakana. Mutwa wa masuwa wakalaku nikana hika, hanga mayo misi bula manima ma masuwa yi ngolu zoosu. 42 Baphumbulu baÌzola mu kuhonda batu ba boloku boosu ndangu keti mosi wa bawu katinaku mu kusaya. 43 Kaasi satudiyoni, yandi kaÌzola kamuhulula Pholu, hanga wubakandisi mu kulungisa dibanza dya bawu. WaÌsenda kwena bana baÌzaya kusaya ni baditimbula batheti mu mamba ndangu balubuka ku tseki; 44 Bakwawu baÌfwana kubalanda mu kusadila mabaya yi bitini bya masuwa. Yibwabuna baÌlubwakila batu boosu ku tseki konda kima kya mbi.