Mukanda wa zodi kwena Thimoti 2THIMOTI 3

1 Wazayabwa mboti: muna matangwa ma tsuka, bilumbu bya phasi byakaÌla. 2 Mukuma, batu bakaÌla yi bwimi, nzoluka ya mbongu, bakwa mitsiki yi bakwa lulendu; bamuÌsafula Nzambi, baleÌmvukilaku bibuti bya bawu, bakaÌlaku kabanzi amana bakaÌlaku yi luzitu ku mambu matoma; 3 bakaÌla yi mbundu ya zititi, konda kyadi, kukumbaka batu, bakonda kwatakani, bakwa kingolu-ngolu amana bambeni ba mamboti; 4 balaÌmbula bakwawu, batu ba mbundu ya khufi amana lulendu lwabaÌkitula baphofu; bazaÌkama yi tsambu za lutu kuluta Nzambi; 5 bahuÌnikisa ni benina yi kinzambi, kaasi batuÌnaza ngolu za kinzambi meni kina. Bafila kunda batu ba mutindu wuna! 6 Mukuma, ha kati dya batu babana, bahika bisi kota mu nzu yi kuhunaka bakhetu, benina yi bizitu bya masumu, muna mitambu mya bawu; bakhetu babana benina yi tsambu za mambu ma mbi ma mutindu yi mutindu; 7 bisi sanda balongukaka kosu tangwa, kaasi bisiku lenda kuzaya kyedika. 8 Bwosu buna phi Yanesi yi Yambelesi baÌtendana yi Moyize, mutindu mosi phi batu baba babati tendana ku kyedika. Benina batu ba mayedi mazangana yi lukwikilu lwa phamba. 9 Kaasi bakweÌndaku kyana kya lawu, mukuma batu boosu babaÌtungulula buzoba bwa bawu, bwosu bwaÌkala bwa Yanesi yi Yambelesi . 10 Kaasi ngeyi wulandiki mboti malongi mama, khadidi, mabanza ma kisalu, lukwikilu, sipha dya mbundu, zola, kikwamina, 11 minyanga yi phasi zazi yiÌmona ku Atyosi, ku Kikonyumi, ku Disiti. Khi minyanga ndatiku! Kaasi muna moosu, Pfumu waÌkhutumuna. 12 Amana batu boosu bisi sanda kuzingilaka mu kinzambi mwena Kidisitu Yesu banyoÌkuka. 13 Kaasi batu ba mbi yi bakwa bikwaki balaÌnda hika mu kusala mbi, bahuÌna batu bahika amana babaÌhuna bawu meni. 14 Kaasi kwena ngeyi, kwamina muna mambu mana waÌlonguka yi mana waÌkwikila yi mbundu yosu. Wuzayi kwena nani waÌlongukama . 15 Amana tuka kimwana kyaku, wuzayima Masonuku Matoma; malenda kuheka mudimu wuna wakuÌnata ku phulusu muna lukwikilu mwena Kidisitu Yesu. 16 Masonuku moosu maÌsonama mu ngolu za Nzambi, amana menina mupfunu mu kulonga, kubwisa bifu, mu kusungika mbi, mu kulonga mu masonga, 17 ndangu mutu wa Nzambi kalenga kala wayilama buna bulungini amana kakala walunga mu kusala kosu kisalu kya bukheti.