Luka 21

1 Insa paakiwa nNyumba Takatifu, akiwatunza matajiri wakasa nzuruku nkashoti ya swadaka. 2 Ikisa akimmona nankweli mmoja masikini pakulu, akitaya jarajara mbiri za nzuruku aba. 3 Basi, Insa akamba: “Nukwambirani kweli kuwa eyu nankweli masikiniâyu kataya nzuruku mwingi koliko piya wanu wengineâwo. 4 Konta ewo na utajiri wawo mwingi wataya cawaremire nawo, fala iye na usikini wake kataya piya caawere nawo kati ya mainsha ake." 5 Wanu wengine, pawakisifu Nyumba Takatifu kuhusu namuna vyaisitawiziwe na mawe meema-meema pamoja na mapambo a kutuziriwa, Insa akamba javi: 6 “Evi vinuâvi vyamuwonaâvi, ikuja kufika suku yakudanguriwa nfululu. Arija kubaki anta riwe rimoja julu ya riwe renziwe." 7 Ewo wakindairi Insa javi: “Mwanlimu, vinu-vyo vikuja kukuna rini? Alamani isaka kuwoneka kábula ya kukuna novyo vinu-vyo?" 8 Iye akijibu: “More-more, asukuteseni munu! Kamana wakuja kulawirira wengi wawenye, waja kwa zina rangu, wakamba: ‘Omi ndi Almasihi’ na ‘Wakati ufíka!’ Musiwafulate! 9 Na pamusikira kuhusu vita na mapinduzi, musope! Evyo siti vyanze kukuna, fala Kiyama acifika kwa mpunde nowo." 10 Ikisa akiwambira: “Taifa itenda vita na taifa nyenziwe na ufalume utenderana vita na ufalume mwenziwe. 11 Vikuja kulawirira vitikansi vikulu muardhi, na balayi na njala mahala mumojiwapo. Mukuja kuwona vinu vyakofya, na juluâko alama uluâulu za matajabisa. 12 Fala kábula ya piyaâvi, mukuja kufungiwa na kulumbatiwa. Mukuja kuperekiwa mmasinagoga kulamuriwa, na kwefyeriwa nkalaboshu. Mukuja kuvutiwa mbere ya mafalume na maguvirinadoru, kwa sababu ya zina rangu. 13 Eyo ndi isaka kuwa nafasi yenu yakulavya ushahidi kuhusu omi. 14 Basi, musifazaike na namuna vyamusaka kurikotola, 15 kamana omi mwanyewe nukuja kukupani usemi wa wijiwifu, wakuwa anta aduwi wenu mmoja aaja kukidiri kukukayidini. 16 Umwe mukuja kupoteziwa anta julu ya wawa zenu, wanduzenu, jamaa wengineâpo, na marafiki zenu. Na wanu wamojawapo kati yenu, ewo wakuja kuwolaya. 17 Wanu piya wakuja kukwinani kwa sababu ya zina rangu. 18 Fala anta nywiri mmoja nviswa vyenu aipoteya. 19 Basi, kwa sababu ya kuvumirira kwenu, roho zenu zívushiwa." 20 “Fala pamusaka kuwona Yerusalemu izunguriziwe na masurudadu, mwijiwe kuwa ufika wakati wakudanguriwa kayaâyo. 21 Wakatiâwo, wanu waja kuwa Yudeya watuwirire mmyango. waja kuwa Yerusalemu walawe, waja kuwa mmamasamba wasingire nkaya. 22 Kamana nozo sukuâzo zikuja kuwa suku za hukumu, pavisaka kutimiziwa piya vibushuriwe mMandiko Matakatifu. 23 Dambi wanawaka sukuâzo wája kuwa na mimba, na wakujíjisa wana wawo! Kamana zikuja kwingira balayi nyingi zawenye muintiâmo. Wanu wa Iziraeli wakuja kuhukumiwa pakulu. 24 Wengi wakuja kuulaiwa na upanga, na wengine wakuja kutwariwa kukisiwa kamba wafungwa inti piya. Na Yerusalemu ikuja kutawariwa na wanu Sawari-Mayahudi , mpaka wakati wa Sawari-Mayahudi pausaka kutimiziwa." 25 Insa kaamba novyo: “Zikuja kuwapo alama ya juwa, ya mwezi, pamoja na za nondwa. Mulumwenguâmu, piya mataifa akuja kuuzunika, kukafilika na shauti ya kitukulu na maluwimbi akofya. 26 Wanu ukuja kuwengira wofi pakulu kwa kinu cisaka kuja mulumwenguâmu, mpaka nguvu zawo ziwesa. Kamana wenye nguvu mbingu watikinyika. 27 Ikisa, ewo wakuja kummona Binadamu wa Binguni akija na wingu, na uwezo na utukufu pakulu. 28 Basi, wakati wazisaka kukuna ezo alamaâzo, inukani, lamusani viswa vyenu, konta kuvuka kwenu kukuwa karibu!" 29 Ikisa, Insa akiwambira usowezi mmoja nkinyume akamba: “Tunzani mimongo na miti myengine. 30 Payanza kusipuka miti mukwijiwa sana-sana kuwa mirongo ya kinja iwa karibu-karibu. 31 Kwa namuna mmoja noyo, pamuja kuwona ezi alamaâzi, mwijiwe kuwa ufalume wa Mwenyezimungu uwa karibu. 32 Nukwambirani kweli kuwa eci kizaziâci acipita evi vinuâvi savikunire piya. 33 Bingu na ardhi vilainika, fala usemi wangu aushubutu kulainika." 34 Insa akizidi kusowera: “More-moreni ipate myoyo yenu isifazaike na cakurya wala cakunywa pakulu anta kushugulika na mambo a mainsha a reroâya. Ritengezeni sana-sana ipate noyo sukuâyo isukulawirireni gáfula kamba nambo. 35 Kamana noyo sukuâyo iwajira wanu piya duniyaâyi. 36 Ikalani mukirinang’anizira daima. Lebelani ipate muwe nawo uwezo wa kunusurika piya vinu vija kukuna-vyo, mwimire mbere ya Binadamu wa Binguni." 37 Suku daimaâzi, Insa ákukanga kuNyumba Takatifu ákiwafunda wanu, fala rikiswa juwa, ákilawanga akuka kulala kuMwango ya Mizaituni. 38 Na kila subuu namapema, wanu piya wákijumulana nNyumba Takatifu wansikirize.