Mark 9

1 Ma tauna, tauhi i riwehi, “Taumi a ririwana kauwemi, rava ghehaumi weka o mahimahiri apo egha ona hiraghe ma God ana vibadana ona inanai ana rewapanana ina nei." 2 Maratom 6 au murina Yesu Peter, James ma John tauhi ava i taravainihi ma hi ghae au oya damo. Ma kampa tauhi au matahi Yesu i tupuwa vira. 3 Ana gara i arapoira ma ivi mataêam, egha me aiwaêi ghehauna au dobu nanaêarena. 4 Ma kampa au matahi Elijah ma Moses hi hegha ma tauhi Yesu maiteni hi dedede. 5 Peter Yesu i riwei, “Tauviharaharamana, i ahi da tauta weka mavi anineêai da ghoêughoêu tonugha ana vowai, tagogi tam aubaim, gehauna Moses ma ghehauna Elijah." 6 Tauhi hi rovo kauwa aubaina da Peter i dede yabayababa. 7 Anina ma hapau i hura ma tauhi i puruhi ma pona hapauwei i hopui ma i riwa ipa, “Weêi Taêu Natuêu, aêu nuwavainana ona rau-tanighanei!" 8 Maratagogi tauhi hi inana viravira ma egha aiyaêi ghehauna hita inanai, maitehi, eêegha da Yesu tau avana. 9 Ma tauhi maranai oya damonei hi ghaêighaêirai ma Yesu tauhi ivi ghaehi da aiwaêi hi inainanaiya egha hinavi heghai da au naona Rava natuna hiragheyei inavo mahirime 10 Ma tauhi, tauna riwana hivo teêeteêei ma hivi tarapiri vivira hipa, “hiragheyei vomahirime,” anona aiwaêi. 11 Ma tauhi tauna hi rau-bayadei ipa, “Aiwaêi aubaina raugagayo tauvi haraharamanahi he ririwa da Elijah au naona ina neêi?" 12 Yesu i pari-beyei, “Anina Elijah, ina ai nememei da aiwaêi anatapuna inavo kaukauwehi. Aiwaêi aubaina warihagha i girumi da Rava Natuna inavi nuwaêapoapoei kauwa ma hina hini dodorei. 13 Ma a ririwemi da Elijah anina i neêi, rava ahi ghohana tauna awarina hi kauwana pahiyei me i girugirumia nanaêarena." 14 Yesu ana tauvotaghotagho tonugha maiteni oyei hi ghaêighaêiramemei ahi rava auwarihi, hi inanai da patara ghaeghaena tauhi hi mae kwavivirohi ma mai Jew ahi raugagayo tauvi haraharamanahi maitehi hivivi pariparighahi. 15 Maranai, tauhi Yesu hi inanai hi ghohorihi ma hi veraubeyebeyei. 16 Yesu tauhi i rau-bayadehi, “Aiwaêi ovivi pariparighahiyei?" 17 Oroto tagogi patara au horahi i pari-beyana, “Tauviharaharamana aruwa-apoapoena natuêu orotona au horana e maêamaêae ma i kauwei da egha ita dedede, Yamna aubaina a neiyai awarim. 18 Maranai ana doria e huruhuru meyei, Yamna aruwa-apoapoena tauna au dowa e tawatawanei, gamona evivi puropuro, ivo na e utaêuta didini ma e hirahiraghe madigha. Am Tauvotaghotagho avi baghahi da aruwa-apoapoena hitavi hopuni, wate egha tagotagogina da hita kauwei." 19 Ma Yesu i pari-beyehi, “O ma meyanai onavi tumaghana! Ta maeghagha ma aubaimi yohora da ami vita ana avaêavarai? Tevera ona neiyai awariêu!" 20 Ma tauhi tevera hi neiyaêi Yesu awarina. Ma maranai aruwa-apoapoena Yesu i inanai, tevera i ghohai da i rau-moyaghahu, i tawanei au dowa ma ivo vai tatatavi ma gamona ivi puropuro. 21 Yesu tevera amana i rau-bayadei, “Ana doria mara aiwaêi ivi kareni?” I paribeyei ma i riwa, “Au meyameyanei ivi kareni. 22 Aruwa-apoapoena mara maghamaghauna tauna au eyagi araêaratana ma au waira e tawatawanei ma i ghohei da itavi hiragheni. Mepa da tam tagotagogina yamna ma raunuwaêapoapoeyeai ma mavo hagui." 23 Yesu tauna i riwei, “Menanaêarena ma u riwa, ‘Mepa da tam anina?’ Aiyaêi ravana evivi tumaghana, God aiwaêi anataputapuna ina kauwanapahiyei tauna aubaina!" 24 Maratagogi teverana amana i garara, “A vitumaghana. Wate aêu tumaghana i tapia aubaina ma mavohagui da ma vovai raêatai!" 25 Yesu i inana da patara yohora da i riyeriyehi auwarihi, aubaina aruwa-apoapoena i hegari ipa, “Tam aruwa tanighapota ma dede egha, Taêu a hegahegarim da tevera ma hopu tawanei ma egha meyanai ma ruina meyei." 26 Ma aruwa-apoapoena i garara ma teverana ivo vaitatatavi ma i hopu tawanei. Ma tevera inanana me taubeu ma rava kampa hi ririwa, “Tauna i hiraghe!" 27 Ma Yesu au urana ivo wa ma i sinahepai da i mahiri. 28 Muriyai Yesu ana Tauvotaghotagho maiteni hi rui au numa ma maranaina tauhi ava ma hi pari-dadanei hipa, “Aiwaêi aubaina tauêai egha tagotagogina da aruwa-apoapoena atavi hopuni?" 29 Tauna tauhi i riwehi, “Aruwa apoêapoeihi me we nanaêarehi yamna pariyei ava inavi hopuni” 30 Yesu ana Tauvotaghotagho maitehi dobuna hi netawanei ma Galiliyei hi nae. Yesu egha ita ghohei da rava hita haramanei da tauhi kampa, 31 aubaina tauna ana Tauvotaghotagho ivivi haraharamanihi ipa, “Tauhi Rava Natuna hina amverenei rava ghehauhi au urahi ma tauhi hinavi hiragheni, wate maratom tonugha au murina inavo mahirime." 32 Ma tauhi egha hita haramanei tauna aiwaêi i dededei ma tauhi raubayadana hi rovowei. 33 Yesu ma ana Tauvotaghotagho au Capernaum i gheêeta ma au numa hi rui ma tauna tauhi i rau-bayadehi, “Au etanaêi aiwaêi ovi awahe gahigahiyanei?" 34 Wate tauhi hi genuwana, aubaina au etanaêi, tauhi hivi awahe gahigahiyana da aiyaêi itavi bada. 35 Tauna i tughura ma Apostle 12 i ghorehi awarina ma i riwehi ipa, “Aiyaêi e ghoheghohei da inavi bada tauna ina tereghaêirana meyei ma anatapuna inavi taunoyei." 36 Tauna tevera i vaini ma au pouhi ivi mahirini ma i tarahaghavui. Ma tauhi i riwehi ipa, 37 “Ma aiyaêi ravana taêu wavaêuwei teverana e rau-warowarorowei yamna taêu maiteu evivi anineu ma tauparitawaneu maiteni evivi aninei." 38 John Yesu i riwei, “Tauviharaharamana, tauêai oroto tagogi a inanai tam wavamei aruwa-apoapoehi ivi hopunihi ma tauna egha turata yamna aubaina avi ghaei da egha ina kauwana meyei." 39 Yesu i riwa, “Egha onavi ghaei, egha tagotagogina da matakiraha ina kauwei au wavaêu ma naêi au marana inaparivai apoêapoeniu 40 Aiyaêi ravana egha ata ghavia yamna tauna turata. 41 Taêu a ririwana kauwemi mepa da aiyaêi ravana waira i veremi aubaina tam aêu tauvotaghotagho, tauna ana maiha apo egha ina vineboai ma apo ina tuhaghai." 42 Mepa da ayaêi ravana, we rowarowahi ina kauwei da ahi tumaghana awariêu ina peêu ma ghoha apoapoe i kauwei, God tauna ina kovogha guratei. Egha me ghaêima ghaeghaena rava au uwana e raghiraghihi ma au boga e tawatawanei. 43 Mepa da uêram i kauwem da ghoha apoapoe u ghohai, ma bori da ma tawanei. I ahi da uêram tagogiava ma yawahana ahiêahina ma tuhaghai ma egha ita ahi da uêram ruwagha ahi ahihi ma manae au Gehena*, mepa eyagi araêaratana egha meyanai ita bohobohoyana. 45 Mepa da aem i kauwem da ghoha apoapoena u ghohai, ma bori da ma tawanei. I ahi da ana ae kukukum ma yawahana ahiêahina ma tuhaghai, egha me aem ruwagha ahi ahihi ma ma nae au Gehena*. 47 Ma mepa da matam ina kauwem da ghoha apoapoena u kauwei ma vaina tawanei, i ahi da matam tagogiava ma God ana au vibadana ma rui, egha me matam ruwagha ma ma nae au Gehena*. 48 Naêi dobuna kwairoro maêemaêe nonowahi rava e anianihi ma egha hita hirahiraghe ma eyagi araêarata nonowana e araêarata. 49 Maêe boêaboêa au horana ona rau-hiraghe da God inavi aninemi, me purapura e araêara ghadari. Ma nanaêarena niha au puyo tereterenana God evivi aninei. 50 “Niha yamna purapura ahiêahina. Mepa da anavi nihaniha ina kwaha, apo me ma kauwananei da ina dagihame. Mepa da vibadana onavi ghaighaiyanei, yamna taumi me niha vivimayavaina eghana. Anatapumi ona viniha ma ona maêae."