MARK 7

WBT

‹ Chapter 6 MARK — All Chapters Chapter 8 ›

1 Phariseenao na�iki tiichaapauzonao Moses kakinaori dau�u, Jerusalem iki�o ĩwa�atin, kaawan Jesus ida�ati. 2 Ĩtukapa pabi�i kida Jesus tominapa-kidaniinao, aonaa ĩchikaan paka�u paaroopan ua�ii pakakinaorinaa kawana�ati. 3 (Phariseenao na�iki ipai ba�orainao Jewnao taapa zii pakawan kakinaorii kotua�oraz ĩdokozu-daunnao taapan, aonaa ĩaroopan machikaaka-daun paka�u kakinaorii kawana�ati. 4 Ĩtorian dono aimaakan, aona�o nii ĩnikan sariaapazu, mazan kiwiin ĩchikaan niizu. Na�apain iriba ĩtaapan ba�oran kakinaorii kida, wuru kawanu�u ĩchikaakapauzon kaduzuz pakoopon kida, ka�uz kin kida, boon kida, aroapa-kizai baara kida kapam.) 5 Uruu idi Phariseenao na�iki tiichaapauzonao Moses kakinaori dau�u pishaan Jesus, “Kanom ni�o aonaa putominapa-kidaniinao taapan kakinaorii wadokozu-daunnao di�iki�oraz, mazan ĩaroopan aonaa ĩchikaan paka�u wakakinaorinaa kawana�ati." 6 Jesus dako�atin ĩdyaun, “Mishi�o tawuru�u Isaiah paradan kiauzonuz unao dau�an kotua�a naa! Mishi�o wuru�u, unao taapinpainao kaimanainao nii kaikini�i, na�apa usaadinpan kawan: ‘Di�oraz pidannao, ĩtaapan õgaru umanawunu�o nii paparadan ida�an karikaonan, mazan munapo�o ĩtaapan panyukunuu õ�ai. 7 Aonaa mishi�o mani ĩmanawuntapan õgaru, mazan ĩtaapan pidan tomanii kakinaorii karikaonan, aonaa õkakinaori kida mani!’ 8 Unao, aonaa uaipan Tominkaru kakinaori, mazan umishidan pidan tomanii kakinaorii karikaonan." 9 Jesus kian ĩ�ati powa�a zii, “Uaitapa mishi udi�itinpan aonaa uaipan Tominkaru kakinaori, mazan uaipan utaapan umishidauzonii kaduz kakinaorii pa�an. 10 Moses kakinaori kian, ‘Pumarainapa pudaru na�iki pudaro,’ na�iki ‘kanom dakoopa�o padaru oo padaro zowii-karu nii.’ 11 Mazan unao kakinaopan, turuu pidan kian padaru oo padaro ati kaikapa�a: ‘Kanom õtaa�azooni�i naa pu�ati padamata, aona�o nii õtaan pu�atizu, usha�apanum kau�an õtaani�i naazu “Corban” nii (taa-kariwai Tominkaru ati, kia�o wuru�u).’ 12 Na�apa�o ida�an aonaa utaapadan ukaminka�utan padaru oo padaro. 13 Unao, aonaa uizo�atin Tominkaru kakinaori, soo utaapa�azon pakawan wuru�u pidan tomaniaz kida kakinaorii. Na�apain iriba kaina�a ba�oran kida na�apa�o usha�apaapan." 14 Udauna�an Jesus dapadan kasaba�ukinpainaouz pidannao pa�ida�ati, baukapa�a naa ukian ĩ�ati, “Uabatapa kaimanaiman, uaitapa kizi na�apam õkian. 15 Kanom pidan nikanii, aonaa u�oiidan pidan. Mazan, kanom kodita�o pidan nyukunuu iki, uruu pa�an oiida�oraz pidan. 16 [Pukakinaon an puabata�a naa kakinaorii!]" 17 Jesus mako�okan naa uwa�aka�akan naa pidannao kasaba�ukinpainaouz, umorotan kabaun nazo iti. Utominapa-kidaniinao pishaan naa uruu na�ii, ĩaipan ukowaadan wuru�u di�itinapa-kinai kidaz kuwai masha�apanna�o ida�an. 18 Jesus kian ĩ�ati, “Aonaa zii mooko uaitapan kapam? Kanom pidan nikanii, aonaa u�oiidan uruu. 19 Usha�apanum kau�an, aonaa umorotan unyukunuu iti, soo utoba nazo iti karikaonan. Udauna�an ukodita�akan ni�i naa u�idi�iki.” (Kaikapa�o kadakotin-karu ida�ana�o, Jesus kowaadan ipai sha�apa�oram wanyukunui turuu unika-kao.) 20 Powa�a zii ukian, “Kanom kodita�o pidan di�iki, wuru�u oiida�oraz pidan pa�an. 21 Usha�apanum kau�an kanom kodita�o pidan nyukunuu iki, uruu wuru�u oiida�oraz pidan di�itinpan, usha�apata-kinaa nii oii kida�oraz aimaakan kaikapa�oraz kida�a: pidan kaminshu�uinpan, pidan koidimikin, pidan zowian ba�oran pidan, 22 pidan ba�orantapan, pidan misha�orarun, na�iki pabi�inaaka kida�o oia�o sha�apata-kao; wuru kawanu�u umariidinauzon, aonaa ukiba�azoo-kidan pasha�apaapan oii kida�o aimaakan, ukishauzi-shorin, udakoomikin, unaudapa pa�atadinpan, na�iki ĩmashaapan maaitapinaka-daun karikaonan. 23 Ipai wuru�u oii kida�oraz sha�apata-kao, pidan nyukunuu iki�o ukoditan na�iki uruu kida oiida�o pidan." 24 Udauna�an Jesus makon munapo�o amazada di�iti, maonapa�oraz donoi Tyre Baara antanapu. Umorotan kabaun nazo iti, aonaa uaipan pidannao aitapan pana�an, mazan aonaa turuu udizinan. 25 Zuna, kaina�a�o oia�o doronai odani sodi zun ida�a, abata Jesus kaina�an na�apain okaawan Jesus ida�ati, odazabadinan oawun imi�i baara iti. 26 Wuru�u zunaz, Gentile oroo, oshakatan Phoenicia Baara ii Syria ia�oraz. Tuukia�o ida�an opishaan Jesus, oaipan ukodita-kidan oia�o doronai paudani sodi zun ai. 27 Mazan Jesus dako�atin oroo, “Wapaa zii kiwiin koraiziannao. Aonaa turuu koraiziannao wanyukunuu taa-kao arimarakanao ati." 28 Okian, “Mishi�o, Naobanai, upu�u arimarakanao nikan koraiziannao wanyukunuu unuba miisa waranu�u." 29 Ukau�an Jesus kian o�ati, “Pudako�atin idi õparadan na�apa, pukiwa�a naa pudapu iti puikodan nii pudani sodi kodita�aka�a naa oia�o doronai o�ai!" 30 Okiwan padapu iti, oikoda paudani washatinpan bed paawa�a, oia�o doronai kodita�aka�a naa o�ai. 31 Udauna�an Jesus makon Tyre Baara iki, umakon Sidon an atii Galilee Karishiiz iti. Na�iki�o udobatan maonapa Decapolis Baara an. 32 Pidannao kaawa-kidan Jesus ida�ati daonaiora makina�o na�iki aona�o maparadanu�o kapam. Ĩpishaan Jesus tuukia�o ida�an, ĩaipan upishatanuzu paka�u idi. 33 Uru�u naa Jesus na�akanuzu paba�orantin munapo pidannao ai; na�ii umuudan paka�u shuwu kida ukinao kida di�iti, udauna�an usopitan pazaadako, uruu idi upishatan uninoba. 34 Udauna�an Jesus awunuupan aokazi iti na�iki uto�ota�akan panizowan na�iki ukian, “Effatha.” “Puda�atin,” kia�o wuru�u. 35 Uru�u naa mishi ukinao da�atina�akan na�iki uninoba kiitina�akan; uruu idi kaimana�a naa uparada�akan. 36 Udauna�an Jesus kian ipai pidannao ati, “Mana�a pa�i ukowaada�a naa ba�orainao pidannao ati wuru�u.” Ukakinaowan pu�u ĩdyaun powa�an kida padamata, powa�a zii manawun ĩkowaadaabi�ian baokoinao ati udau�u. 37 Ipai abatainaouz udau�u, tuukii manawun ĩdi�itinpan. Na�iki sariapa ĩkian, “Ipai kanom usha�apatanii kida kaiman zii manawun usha�apatanuzu. Ukakinaoda zii makinao-ziiwa na�iki ukaparadanuta zii maparadanu�o."

‹ Chapter 6 MARK — All Chapters Chapter 8 ›

MARK 7

Cite / Share This Page