MATTHEW 9
WBT1 Uruu daunaźan Jesus paidinan patominapa-kidaniinao tuma kanawa zoźiti Ä©taraukan karishii an powaa itiźi naa pamashaapa-kizi iti. 2 Naźiaźa naa pidannao naźakan daonaiora machiźikakaźo Jesus diźiti pawashatinapa-kizi baara idaźan. Aizii Jesus tukapan idi Ä©mishidan tuukii manawun paugaru, sariapa ukian machiźikakaźo pidan ati, “Pusaabaa punyukunuu Ƶdani, ipai Ƶsoźotan puźoian." 3 Pabiźi kida tiichaapauzonao Moses kakinaori dauźu kian panyukunuu ii, “Uwazootapaźazon Tominkaru paparadan idaźan." 4 Jesus, uaitapa naźapam Ä©diźitinpan, uruu idi ukian Ä©źati, “Kandii nii udiźitinpan Ƶdauźu oiaźo idaźan? 5 Naźiaźoram mashaźapannaa: ‘Ipai puźoian mainaabata-kao’ kii, oo ‘Pukadishita naźiki puchiźika’ kii? 6 Mazan Ƶaidan nii uźati Daonaiora Aokazi Ikiźo, kainaźa umaźozakan mainaabata-kinaa nii pidannao oian daźaźa imiźi baaraźa.” Uruźu naa ukiaźakan machiźikakaźo pidan ati, “Pukadishita, punaźaka puwashatinapa-kizi naźiki pumakoźo naa pudapu iti." 7 Machiźikakaźo pidan kadishitaźakan naźiki umakon naa padapu iti. 8 Aizii pidannao tukapan idi kaikapaźo shaźapanuźu, tuukii Ä©diźitinpan, naźiki Ä©konaukii-kidan Tominkaru utaan idi umanawunuźo maźozaka-karu pidan ati. 9 Aizii Jesus makon naa naźiki, pamakopa-kizi an utukapa zaamaapauzo tax puraatannaa, Matthew kiaźo uźuu, usakanatapan kabaun pakaudin-kizi nazo ii. “Puwaźati Ƶtuma,” Jesus kian uźati. Sariapa Matthew kadishitaźakan naźiki umakon naa utuma. 10 Jesus aroopan patominapa-kidaniinao tuma Matthew dapu ii. Naźii iriba zaamaapauzonao tax puraatannaa naźiki baźoran oiainao pidannao aroopan Ä©tuma. 11 Phariseenao tukapan idi uaroopan naźapainao pidannao tuma, sariapa Ä©kian Jesus tominapa-kidaniinao ati, “Kanom nii utiichaan aroopan oiainao tuma?" 12 Jesus abata Ä©naźapanuz kaikapaźa, uruu idi ukian Ä©źati, “Ziwuinao pidannao, aonaa Ä©aipan daakataa, soo karinainao paźan. 13 Umako utominapa kizi naźapaźoram Tominkaru Paradan saada-kariwaiz kian. Ukianuz, ‘Kamunan-karu Ƶaipan uźai, aonaa taain-karu kawaoda-kariwai uzai idaźan mani.’ Ukauźan aonaa kaimanainao mani wuruźu Ƶdapadaźananiinaouz, mazan oiainao." 14 Baudaźapa kamoo John Chikaawunuupauzo tominapa-kidaniinao kaawan Jesus idaźati. ÄØpishaan Jesus, Ä©kian uźati, “Kanom nii waunao naźiki Phariseenao sanadinpauzon Tominkaru ati, mazan putominapa-kidaniinao, aonaa paźan Ä©sanadinpauzon Tominkaru ati?" 15 Jesus dakoźatin Ä©dyaun, ukian, “Naźapa dii uaitapan mazidaźo daonaiora dapadaniinao mashaapan kashaźora mazidaźo aroapa-kizi ii, mazidaźo daonaiora naźan puźu Ä©tuma. Aonaa turuu unaźapan. Mazan daonaiora mazidaźo zaamata-kao dono Ä©źai, uruu donoźo niźi naa paźan Ä©kashaźoran naźiki Ä©sanadinpan." 16 Udaunaźan Jesus kian koshan, “Aonaa pidan zimindotauzon pakamichan zaam dadotan paźinaźo kamicha idin idi, ushaźapanum kauźan shokotaźo nii zii wuruźu paźinaźoraz kamicha idin uzaamaźo ai, naźiki powaźaźo nii zii umanawutan wuruźu udadotanuz. 17 “Naźiki aonaa pidan kawazootauzon kaiwauzo-kariwaiźi naa wine kinnaa paźinaźo zii wine toma-kao idi. Paźinaźoraz zii wine poodan nii utadaźokan nii wuruźu kaiwauzo-kariwaiz naa ukinnaa, uruu wine wakudinan niźi naa, naźiki ukinnaa patakaźuinan niźi naa kapam. Uruu idi karikaonan daźi pidan tomauzon paźinaźo wine kinnaa papaida-kizi nii paźinaźo wine. Utoma-kao dono naźapa, aonaźo nii ukinnaa shaźapan." 18 Jesus kadakotinan puźu zii, Jewnao zowaunaa kaawan uźidaźati. Ukodoruźukan ukanaapu ati, naźiki ukian, “Ćdani zunaaba sodi mawakan aizii aka, upuźu mazan puwaźati pupishata kizi pukaźu idi oroo, okakuda kizi." 19 Sariapa Jesus naźiki utominapa-kidaniinao makon naa utuma. 20 Aizii naźaźo zun baiatinaźo 12 wunu paizaipan idi. Okaawan Jesus barau ikinapu naźiki opishatan ukamichan danoma karikaonan. 21 Ushaźapanum kauźan panyukunuu ii okian, “Ćpishatan an uchaakitan karikaonan, Ƶkakudan nii." 22 Jesus padantinaźakan, sariapa utukapanuzo, naźiki ukian oźati, “Maźozaka putaapa punyukunuu Ƶdani, pumishidan idiźo, pukakudan.” Naźikiźi naa mishi sariapa okakudan. 23 Uruu daunaźan Jesus kaawan Jewnao zowaunaa dapu iti. Naźii utukapan iriba taupauzonao naźiki muraapainao mawakaźo ati. 24 Uruu idi sariapa Jesus kian Ä©źati, “Ukodita diźikiźi, aonaa omawakan mani wuruźu, odaźawun karikaonan.” Ipai pidannao shaazootinan unaźapan idi. 25 Pidannao koditan daunaźan, uruźu naa Jesus makon zunaaba sodi diźiti, naźiki uzaamatan naa pakaźu kaduźikizo. Sariapa okakudaźakan naźiki okadishitaźakan. 26 Pidannao kakuwaapan diźoraz dauźanaźa ipai naźan kidaźo wiizai kawanaźati. 27 Udaunaźan Jesus makopan puźaźa naa naźiki, dyaźutam daonaioranao ishaawunnao daźanpan uruu. ÄØkadakoinan diiwaźo idaźan uźati. “David Takaan-daun, pukamunan-kida waunao,” Ä©kian. 28 Jesus morotan donoźo naa kabaun nazo iti, uruźu naa ishaawunnao kaawan uźidaźati naźiki upishaan Ä©dyaun. Ukian Ä©źati, “Umishida turuu Ƶkakudan unao?” “Wamishida, Naobanai,” Ä©kian uźati. 29 Uruźu naa Jesus pishatan Ä©awun kida, naźiki ukian Ä©źati, “Umishidan idi, naźapaźo nii ushaźapan." 30 Sariapa Ä©tukapaźakan naa. Uruźu naa Jesus kakinaowan Ä©dyaun. Ukian, “Manaźa paźi ukowaadaźanaźa pidan ati kanom shaźapan uźati." 31 Mazan upuźu Ä©makon, Ä©kakuwaapaźanan udauźan, ipai naźan kidaźo wiizai kawanaźati. 32 Wuruźu dyaźutamainaouz daonaioranao makoźokan puźu zii, pidannao naźakan Jesus idaźati maparadanuźo daonaiora, wuruźu umaparadanunuz oiaźo doronai kainaźan idiźo uźidaźa. 33 Aizii Jesus waataźakan daunaźan oiaźo doronai uźai, sariapa ukaparadanuźukan. Tuukii pidannao, kasabaźukinpainao naźii, diźitinpan, naźiki Ä©kian, “Aonaa watukapauzon zii kaikapaźoraźa aimaakan shaźapata-kao Israel an." 34 Mazan Phariseenao kian, “Oiaźo doronainao naobanaa taan idiźo uźati maźozaka-karu wuruźu uwaatanuz oiaźo doronainao." 35 Jesus makon umorowautapan ipai donoi naźiki wiizai sodi kida kawanaźati. Utominapatin-kidan pidannao synagogue ii kida, naźiki ukowaadapan Kaimanaźo Kuwai Tominkaru naobanai-tinan dauźan, naźiki ukakuda pidannao karinainao pabiźinaaka kidaźo rinai idi. 36 Tuukii ukashaźora-kidan ipai wuruźu pidannaouz utukapan idi Ä©dopian, naźiki aonaa Ä©aitapan naźapam naa pashaźapatinan paźidaźa, naźapa kaznizonao kawan, aonaźoraz Ä©taapiki nii. 37 Ukauźan ukian patominapa-kidaniinao ati, “Udaru paoribai baawu, dyuuaźa naa uźaka, mazan aonaa kaudinainao iriban kasabaźuaźo niizu. 38 Utoriinapa kapaoribaźo ati, uzaamata kizi kaudinainao nii kasabaźuupainao nii wuruźu papaoriba aka kidaz."