MATTHEW 8
WBT1 Jesus tokan anaźa naa naawazi daara iki, iriba pidannao daźanpan udawuźati. 2 Mashaźapakiaka daonaiora kaawan uźidaźati baiatinaźo kichanaźiki-kiaźo bishoi idi. Ukodoruźukan ukanaapu ati, naźiki ukian uźati, “Naobanai, punyukunuu naźapan dono, Ƶaitapa pukakudan nii Ƶgaru, kaiman kiziźi naa Ƶsaabainan." 3 Jesus pishatan uruu naźiki ukian, “Naźapa Ƶnyukunuu, pukakuda, kaiman pusaabain.” Mashaźapakiaka ubisho manakaźakan naa, naźiki kaiman usaabainaźakan. 4 Udaunaźan Jesus kian uźati, “Puabata, manaźa paźi pukowaadaźanaźa naźiaźoram pidan ati, mazan pumako sariapa puawunuuta-kidanaka pumada faadaa diźii, naźiki putaaźa naa taauzo-kariwaiz Tominkaru ati kakuda-kariwainao taauzoniaz Moses kakinaori kawanaźati. Naźapaźo idaźanaźo nii pidannao mishidan kaimanaźoraźa naa pusaabainan." 5 Jesus kaawan dono Capernaum iti, Roman soldyaannao zowaunaa kaawan uźidaźati padopian idi. 6 Ukian, “Naobanai, kainaźa Ƶpoitoru karinaan Ƶdapu ii, tuukiaźoraźa naa, aonaźa naa ukaźiitan pakiitinan." 7 Jesus kian uźati, “Ćmakon nii naźiti, Ƶkakudanaka kizi uruu." 8 Mazan ukian Jesus ati, “Aonaa Naobanai, aonaa umanawunuźo mani wuruźu Ƶgaruz pumakoźozon mani Ƶdapu iti. Turuu paźan puparadan karikaonan diźikiźi, kakudaźo nii Ƶpoitoru. 9 Ćgaru naźapa, Ƶkaudinan doko ainao pidannao Ƶźai waranu aźo, Ƶgaru naźapa kainaźa soldyaanao kaudinaźo Ƶwaranuźu kapam. Ćdyuudan dono baudaźapa soldyaa, ‘Pumako’ Ƶkian an uźati, umakon nii. Aizii Ƶdapadan dono baźoran soldyaa, ‘Puwaźati’ Ƶkian an uźati, uwaźatin nii. Naźiki Ƶdyuudan dono Ƶpoitoru, ‘Pushaźapata wuruźu,’ Ƶkian an uźati, ushaźapatan niizu." 10 Jesus abatan idi wuruźu kaikapaźoraz parada-karuźu, tuukii udiźitinpaźakan, naźiki ukian wunao atiźi kasabaźukinpainaouz paźidaźati, “Ćkian mishiźo manawun uźati, aonaa naźapainim zii Ƶikodauzon pidan Jewnao biiźi kaikapaźa manawun umishidanuźu. 11 Uruu idi Ƶkian nii uźati, iribaźo nii Gentilnao waźatin diźikinapa kidaźa waoko ikinapu naźiki wakadapu ikinapu, naźiki Ä©sakanataźanan nii Abraham, Isaac naźiki Jacob tuma konaukiaźo aroapa-karu idaźati, Tominkaru naobanai-tinapa-kizi ii. 12 Mazan unao, Tominkaru pidanannaouz naźiaźo niźoraz padamata Tominkaru naobanai-tinan donoźo naa, kaboota-karu nii unao marutaźo-karu iti. Naźiaźo niźi naa uzaadan tuukii naźiki ukuzowan nii uudako kida udopian idi." 13 Uruu daunaźan Jesus kian naa soldyaanao zowaunaa ati, “Pukiwaźa naa pudapu iti, naźapaźoram pumishidan manawun, shaźapata-kao nii naźapa puźati.” Naźapain aka manawun poitorui kakudaźakan. 14 Aizii Jesus kaawan dono Peter dapu iti, naźii utukapan Peter imauzo washatinpan bed paawaźa, tuukiaźo omada wiichan pakarinaan idi. 15 Uruu idi Jesus zaamatan okaźu, sariapa omada wiichan shabataźakan, naźiki okakudaźakan naa. Naźikiźo okadishitan otaan naa Jesus wanyukunuu nii. 16 Uruu wachuupunin kamoo tipitan daunaźan iriba pidannao naźakan Jesus idaźati pairibannao oiaźo doronainao zaamatapaniinao kida. Jesus waata oiaźo doronainao pidannao ai paparadan idaźan karikaonan. Naźiki ukakuda ipai karinainao. 17 Wuruźu ushaźapatan kaikapa kidaźorazuźu, uruu umishian naa tawuruźu kotuaźoraz prophet Isaiah kianuz, “Paźidaźa uzaamatan waźai wabaiatin-kinaa rinai kida, naźiki usoźota waźai wakarinauzo-kinaa kida." 18 Jesus tukapan idiźi naa iriba pidannao kasabaźukinan paźidaźati, sariapa ukian patominapa-kidaniinao ati, “Aushaa wataraukaźa naa karishii baza iti." 19 Baudaźapa pidan tiichaapauzo Moses kakinaori dauźu waźatin Jesus idaźati. Ukian uźati, “Tiichaa, Ƶdaźanan nii pugaru naźitiźoram pumako-kizi iti." 20 Jesus dakoźatin naźiki ukian uźati, “Waruzonao kainaźa Ä©źuun kida, kotuźuznao kainaźa Ä©shimaka kida kapam, mazan Daonaiora Aokazi Ikiźo, aonaa uwashatinauzo-kizi nii, naźiki aonaa usookapauzo-kizi nii." 21 Baźoran daonaiora tominpaźo Jesus diźiki kian uźati, “Naobanai, Ƶdidanaka kizi zii Ƶdaru mawakan kiwiin, uruu daunaźan Ƶdaźanan pugaru." 22 Mazan Jesus kian uźati, “Pudaźan Ƶgaru. Marii mawakainao didan pairiban mawakan." 23 Jesus paidinan kanawa zoźiti, utominapa-kidaniinao makon kapam utuma karishii an. 24 Mashaźapakiaka maźozakaźo awaru kaawan karishii an, naźiki kanawa kichanaźiti-kiaźa naa, udaawadainan wunu paran idi. Mazan Jesus, udaźawun. 25 Sariapa utominapa-kidaniinao pokowauanuzu. ÄØkian uźati, “Kadiman Naobanai! Kadiman! Pukazannaata waunao! Wanaraan niźi naa!" 26 Jesus kian Ä©źati, “Kanom nii dii utarian? Masakaudaźuźo shaźa karikaonan umishidan?” Udaunaźan ukadishitaźakan, uruźu naa udyuudan maźozakaźo awaru naźiki wunu paran mashaadinan. Sariapa mishi amazada mashaadinaźakan mashaa. 27 Tuukii udiźitinapa-kidaźakan patominapa-kidaniinao. “Kanom kaduzuźu naa pidan uruu?” Ä©kian. “Atii awaru naźiki wunu paran mishida zii uparadan." 28 Jesus kaawan donoźo naa karishii baza iti Gadara Baara itinapu, naźii pamakopa-kizi an, dyaźutam pidannao ikodapanuzu, koditaźakainao pamashaapa-kizi baaranai iaźo, kaźunaru kida diźiki. Wuruźu Ä©naouz oiaźo doronainao zaamatapaniinao, ukauźan toźorabaźo Ä©dyaun. Unaźapan idi, aonaa kanom makouzon naźiiźakaźo dunapo idaźan. 29 Sariapa Ä©kadakon uźati diiwaźo idaźan, “Pugaru Tominkaru Dani, kanom puaipan waźai? Pupatakaźutaźanan naa shaźa waunao wapatakaźuta-kao kamoon uaźii zii?" 30 Aonaa munapo manawun mani Ä©nao diźiki, kainaźa iribaźo kooshinao aroapatinan. 31 Uruu idi oiaźo doronainao pishaan Jesus tuukii. ÄØkian uźati, “Puaipan an wamakon diźikiźi, pudyuuda shoman waunao wamorotaźan kizi kooshinao diźiti." 32 “Umako,” Jesus kian Ä©źati. Uruu idi Ä©koditaźakan daonaioranao diźiki, naźiki Ä©makon Ä©morotaźanan naa kooshinao diźiti. Sariapa kooshinao dimaźakan karishii danoma katawudapuzun diźiti, Ä©waotan karishii baoko iti, naźiki ipai Ä©naraan. 33 Uruźu naa kooshinao taapikinao dimaźakan donoi iti. Naźiaźa naa Ä©kakuwaapan ipai naźapam aimaakan shaźapainpan dauźu. Naźiki Ä©kowaada naźapam oiaźo doronainao zaamatapaniinao shaźapata-kao. 34 Uruu idi ipai donoi sannao makon Ä©ikodapaźanan Jesus. ÄØikodapan donoźo naazu, kaziwaźo idaźan Ä©dyuudanuzu Ä©aipan umakon pawiizi iki.