MATTHEW 27

WBT

‹ Chapter 26 MATTHEW — All Chapters Chapter 28 ›

1 Uruu chaapi�iki, chaapi�ikiiman ipai faadaanao zowaunaanao na�iki ipai kazowautapainao Jewnao miitiniipan naa Jesus dau�u, na�apam nii pazowii-kidanuzu. 2 Uruu dauna�an ĩdodowa�akan naa Jesus na�iki ĩna�akan naazu naobanai Pilate di�iti. 3 Judas kaakapaamikitina�oraz abatan naa Jesus zowia�azoo-kao, udi�itinpan na�iki tuukii ukasha�oran pakaakapaan dau�an Jesus. Uruu idi sariapa umakon faadaanao zowaunaanao na�iki kazowautapainao Jewnao di�iti ukiwa-kida�anan ĩpuraatan. 4 Ukian ĩ�ati, “��oian, õkaakapan idi kaimana�o pidan, umasha�apatakan pu�u oia�o.” “Aonaa usha�apan wa�ati, pugaru kii�an, pugaru wuru�u sha�apaapa�oraz na�apa�o,” ĩkian u�ati. 5 Judas kaboota�akan naa puraata na�ii Tominkaru Dapu nazo ii. Udauna�an umakon udyuukuruutina�anan naa. 6 Sariapa faadaanao zowaunaanao zawadan wuru�u puraataz, na�iki ĩkian, “Di�oraz puraata�a pidan zowii-kinao winipinaa wuru�u, ukau�an kakinaorii kawana�ati, aonaa ukaimanan umuuda-kao Tominkaru Dapu�u ia�o puraata wiizi ii." 7 Uruu idi ĩkadakotinan udau�an atii ĩna�apatan na�apa kida panyukunuu na�apam nii pakaiwaan wuru�u puraataz. Ĩkian, ĩkaiwaan niizu patorii-kinaa nii ka�uz tomiki amazadati, tawarainao baaranaa nii. 8 Una�apan idi udakota-kao Izai Baara kii. Atii kai pakawan udakotapa-kao na�apa. 9 Uruu prophet Jeremiah paradan mishiinan naa. Kaikapa�oraz ukian: “Ĩzaamata 30 wizi�i kida�o puraata, Israelitenao aitan kawana�ati�o uwinipinaa ni�o. 10 Na�iki ĩkaiwaanuz patorii-kinaa nii ka�uz tomiki amazadati, Tominkaru dyuudan kawana�ati õgaru." 11 Uruu dono�o naa Jesus kadishita-kida-kao Pilate, Romannao naobanaa kanaapu iti, na�iki upishaan Jesus, ukian, “Pugaru wuru�u naobanaiz, King ni�oraz Jewnao ati?” “Oo, na�apa�o kaiwuru�u pukianuz,” Jesus kian u�ati. 12 Mazan faadaanao zowaunaanao na�iki kazowautapainao Jewnao kaakapaan dono mazanuiman uruu, aonaa udako�atin ĩdyaun. 13 Uruu idi Pilate kian u�ati, “Puabata na�apam ĩkowaadanii ipai dikauda kida�o pudau�an? Upu�u zii aonaa pudako�atinuz?" 14 Mazan aonaa Jesus dako�atin na�apa�oram ĩkian padau�an, ukau�an tuukii Pilate di�itinpan. 15 Ipai wunu Passover Kamoon dono, naobanai kodita-kidauzon bauda�apa pidan taraa-kizai iki, pidannao aiapanii ukodita-kida-kao, uruu naobanai kaduz wuru�u. 16 Uruu dono ĩtaraapanii pidan, Barabbas kia�o u�uu, uruu kaimanaimana�o uaitapa-kao usha�apatan dikauda kida�o aimaakan. 17 Aizii pidannao kasaba�ukinan dono�o naa, Pilate pishaan ĩdyaun, ukian ĩ�ati, “Na�ia�oram pidan uaipan õkodita-kidan u�ati, Barabbas oo Jesus dakota-kariwaiz Christ kii?" 18 Una�apanuz paaitapan idi�o kazowautapainao Jewnao na�akanuz Jesus pa�ida�ati, ĩkishauzin idi�o karikaonan Jesus ati. 19 Pilate sakanatapan pu�u pakootoopauzo-kizi taba ida�a, udaiaro dyuudan paradan u�ida�ati, okian, “Aonaa pa�i pusha�apata�ana�a wuru�u pidanaz masha�apata-ka�oraz oia�o, kichana�iki-kii shaa õzanda�awun uruu dau�an, aonaa utaapan õnyukunuu kaiman." 20 Mazan faadaanao zowaunaanao na�iki kazowautapainao Jewnao kakinaowan ipai pidannao, marii kizi ĩpishaan Pilate kodita-kidan Barabbas, na�iki marii uzowii-kidan pa�an Jesus. 21 Udauna�an Pilate pishaan naa mishi pidannao. Ukian ĩ�ati, “Na�ia�oram pidan uaipan õkodita-kidan u�ati?” “Barabbas,” ĩkian u�ati. 22 “Na�apam nii õsha�apatan naa Jesus dakota-kariwaiz Christ nii?” Pilate kian koshan ĩ�ati. “Marii utauka-kao cross di�iti,” ĩkian. 23 “Kandii nii, kanom mooko usha�apata dikauda�o nii?” Pilate kian upishaan ĩdyaun. Mazan powa�a zii ĩkadokon diiwa�o ida�an, ĩkian, “Marii utauka-kao cross di�iti." 24 Aizii Pilate tukapan idi aonaa na�iti�i naa na�apam pakian powa�a udau�an, mazan mishi�oraiman tuukia�a naa manawun pidannao to�oradinan, uruu idi�i naa uchikaan paka�u wunu idi iriba�o pidannao awunuutapan pu�u, na�iki ukian ĩ�ati, “Wuru ida�ana�a õaidan u�ati, aonaa õaipan ati�o mani wuru di�oraz kaimana�oraz pidan zowia�azoo-kaoaz." 25 Una�apan idi, pidannao kadakon u�ati, “Marii mooko uzowii-kao winipinaa waotan wa�ati na�iki waudainao ati,” ĩkian. 26 Uru�u naa Pilate kodita-kidan Barabbas pidannao ati, mazan Jesus uba�izii-kidan naa pa�an, udauna�an utaa�akan naa Jesus tauka-karu nii cross di�iti. 27 Udauna�an Pilate soldyaannao zaamatan naa Jesus, ĩna�akanuzu soldyaanao mashaapa-kizi iti. Uru�u naa ĩbaokopatan ipai soldyaanao na�ii Jesus ida�ati. 28 Na�ii ĩnarakadan ukamichan, na�iki ĩkakamichantanuz wuza�o kamicha, naobanai kamichan kaduz idi. 29 Udauna�an ĩtoman kowamai kaiwada-karu idi, na�iki ĩkakowamtan naaz u�idi. Ĩtaan naa u�ati kapam uwadookori nii atamun idi uzaamatapan nii padiwa�ora antanapu, na�apa king zaamatapauzon kawan pawadookori. Uru�u naa ĩkodoru�ukan ukanaapu ati na�iki ĩbanikiitan naazu. Ĩkian, “Pugaru King, umanawunu�o Jewnao naobanaa!" 30 Udauna�an ĩsopiautapanuzu na�iki ĩzaamatan u�ai atamun pataaniaz uwadookori nii. Uruu idi�i naa ĩzowiautapan uzowau. 31 Ĩipaian dauna�an pa�antamikitan uruu, ĩnarakadan naa u�ai pakaiwaada-kidaniaz kamicha u�ati, na�iki ĩkaiwada-kidan naa ukamichan powaa iti. Udauna�an ĩna�akan naazu, ĩtauka�anan naazu cross di�iti. 32 Aizii ĩkoditan pu�u donoi iki, pamakopa-kizi an ĩikodapan pidan Cyrene san, Simon kia�o u�uu. Sariapa soldyaanao dyuudan una�akan Jesus crossannaa. 33 Ĩmakon atii ĩkaawan amazada iti dakota-kariwai Golgotha kii, na�apa�oraz amazada uu Pidan-Zowau-Niwa�uz-naawa, kia�o wuru�u. 34 Na�ia�a naa ĩtaan Jesus tuzan nii wine idi, kawiki�ita-kariwai aimaakan kibia�o idi, mazan patiwaan dauna�an masakauda�uzu, aonaa uaipanuzu. 35 Aizii soldyaanao taukan dauna�an Jesus cross di�iti, ĩbuutan naa ukamichan kida. Udauna�an ĩmakinaotan makinaonii, ĩtukapa�azon na�ia�oram nii zaamata ukamichan buutinpan kida. 36 Udauna�an ĩsakanatapan naa ĩawunuutapan Jesus na�ii. 37 Doko antanapu uzowau paawa�a saada-kariwai atamun muna�a ĩkainaabata-kinaa kanom dikini�ia�o uzowii-kao. Kaikapa�o ĩsaadaniaz: “Di�i wuru�u Jesus, uruu King Jewnao ati." 38 Na�apain uruu dono dya�utam koidimikinao tauka-kao cross di�iti kapam. Ĩmuudan bauda�apa�o Jesus diwa�ora antanapu, ba�oran uwashabaron antanapu. 39 Pidannao dobatapainao na�an maonapa Jesus ida�an, ĩwa�uan pazowau kida, uruu ĩbanikiitan naazu. 40 Ĩkian, “Pugaru mainaabata�azo�oraz Tominkaru Dapu na�iki udauna�an pukadishita-kida�azoonuz idikinauda�utan kamoo ida�a, ukau�an aizii pukazannaatina�a naa. Umishiin dono pugaru Tominkaru dani, putoka�a naa pucrossannaa di�iki!" 41 Aizii faadaanao zowaunaanao, na�iki tiichaapauzonao Moses kakinaori dau�u, na�iki kazowautapainao Jewnao, na�apa kapam ĩbankiitanuz. 42 Ĩkian, “Ukazannaata ba�orainao pidannao, mazan aonaa uka�iitan pakazannaatinan pa�ida�a. Uruu King ni�o kaikini�i Israel ati! Ukau�an marii utokan aizii cross di�iki, uruu wamishidan niizu! 43 Umishidanii Tominkaru, ukau�an marina�a naa Tominkaru aidan pakazannaatan uruu kai, usha�apanum kau�an ukiinii ‘�garu Tominkaru dani!’" 44 Na�apa kapam koidimikinao tauka-kariwainaouz cross di�iti Jesus dazaba�a, na�apa kapam ĩbankiitanuz. 45 Aizii sakitapa kamoo di�iki aka amazada maruta�akan atii daawadata kamoo 3 o�clock di�iti. 46 Aizii 3 o�clock mani, uru�u naa Jesus kadakon diiwa, “Eli, Eli, lama sabachthani?” ukian. “�tominkarun, õtominkarun, kanom nii aonaa punyukunuupan õgaru?” kia�o wuru�u ukianuz. 47 Pabi�i kida pidannao maonapa�o ĩkadishitapan na�ii, ĩabata na�apam Jesus kian. Uruu idi ĩkian, “Udapadan prophet Elijah." 48 Sariapa bauda�apa pidan dima�akan sponge dau�ati, na�iki udamotanuzu katama�o wine di�iti, na�iki usawadan naaz atamun ida�an Jesus di�iti, Jesus tuzan nii. 49 Mazan baokoinao pidannao kian, “Marii una�ian pa�ida�a, watukapa kizi Elijah wa�atin ukaminka�uta�ananuzu." 50 Upu�a�a naa Jesus kadako�okan diiwa koshan, uruu umanizowanta�akan, umawakan naa. 51 Na�apain aka kamicha mada Tominkaru Dapu nazoo buutapa-kinao kida kuzuuta�akan ipai pazikon an, doko iki atii apowa ati. 52 Baaranai kida ipai ĩda�atina�akan na�iki iriba Tominkaru pidanannao kadishitan ĩkakudan powaa iti. 53 Ĩkoditan baaranai iki kida. Aizii Jesus kadishitan dauna�an pamawaka-kizi iki, uru�u naa wuru�u kadishitainaouz pabaaranaa iki makon Jerusalem iti, na�iki iriba pidannao tukapan ĩdyaun na�ii. 54 Aizii soldyaanao zowaunaa, pasoldyaannao tuma awunuutapainaouz Jesus, ĩtukapa wuru�u amazada nakainanuz na�iki ipai amazada sha�apanuz. Tuukii ĩtarian! Uruu idi ĩkian Jesus dau�an, “Wuru�u pidanaz, mishi�o mishi Tominkaru Dani uruu." 55 Iriba zunnao awunuutapan Jesus na�ii, mazan munapo ĩkadishitapan. Wuru�u zunnaouz Galilee Baara iki�o ĩwa�atin Jesus dawu�ati kaminka�uupainao uruu, sha�apata�o kanom uaiapanii kida. 56 Na�iainao zunnao bii ii Mary Magdala sanaaba, na�iki Mary (oroo James na�iki Joseph daro), na�iki Zebedee daiaro. 57 Aizii kamoo tipita�anan di�iti�i naa, Arimathea san kaawan, uruu kapuraatanu�o pidan, Joseph kia�o u�uu na�iki tominpa�o kapam Jesus di�iki. 58 Sariapa umakon upishaa�anan Pilate Jesus nanaa dau�an, udida�azoonuzu. Pilate dyuuda Jesus nanaa taa-kao u�ati. 59 Uruu idi Joseph toka-kidan naa Jesus nanaa cross di�iki, upapidan naazu kaimana�o, pa�ina�o kamicha mada idi. 60 Udauna�an umuudanuz diiki�i�o pakichada�akanii kuba pabaaranaa ni�o nazo iti. Udauna�an ukida�ukan udaru�o kuba, udorodoraa-kidanuzu, utaratan naa baaranai paniinomizinaa u�idi, udauna�an umako�okan naa. 61 Mary Magdala sanaaba na�iki ba�oranuaba Mary, ĩsakanatapan na�ii maonapa ubaaranaa ii. 62 Ba�oran kamoo uruu Sookapa-karu Kamoon dono faadaanao zowaunaanao na�iki Phariseenao makon Pilate di�iti. 63 Ĩkian u�ati, “Naobanai, wanyukunuian na�apam tawuru kianu�o mariidinauzoz pakakupan dono zii. Ukian, ‘Idikinauda�u kamoo õmawakan dauna�an, õkadishitan nii kakupa koshan.’ 64 Ukau�an pudyuuda ubaaranaa awunuutapa-kao kaimanaiman atii idikinauda�u kamoo dauna�an. Panaadon utominapa-kidaniinao wa�atin nii ĩkoidapa�ananuz. Udauna�an ĩkowaada�anan nii pidannao ati, ĩkian nii kadishita�a naazu pamawaka-kizi iki. Uruu dawu�itiini�o mariidin-karu, powa�a�o nii zii udikaudan kiwiitapa�o mariidin-karu ai." 65 Pilate kian ĩ�ati, “Una�aka mooko soldyaanao, uawunuutapa-kida�a naa wuru�u baaranaiz kaimanaiman." 66 Uruu idi ĩmakon naa baaranai iti. Na�ii ĩmuudan naa pakainaariba kuba kida ukita-kao ai, na�iki ĩwa�akan naa soldyaanao awunuutapa�o nii wuru�u baaranaiz.

‹ Chapter 26 MATTHEW — All Chapters Chapter 28 ›

MATTHEW 27

Cite / Share This Page