MATTHEW 12

WBT

‹ Chapter 11 MATTHEW — All Chapters Chapter 13 ›

1 Aizii Sookapa-karu Kamoon dono, Jesus dobatapan patominapa-kidaniinao tuma zakapu an paoribai wheat baawu an. Na�apain utominapa-kidaniinao zamazin naa, uruu idi ĩkaraowaanan wheat aka, na�iki ĩnikapaanan naazu. 2 Aizii Phariseenao tukapan idi ĩsha�apatinanuz na�apa, sariapa ĩkian Jesus ati, “Putukapa, putominapa-kidaniinao aonaa ĩizo�atin mani wakakinaorinaa wuru�u ĩsha�apatanuz kaikapa�ora�a Sookapa-karu Kamoon dono." 3 Jesus dako�atin ĩdyaun, ukian, “Aonaa mooko utukapauzon kaarita ida�a�oraz usaadinpan kanom King David sha�apatauzonii, tawuru dono�o uruu na�iki upidanannao zamazin dono�oraz? 4 Umorotan Tominkaru Dapu nazo iti, na�iki unikan papidanannao tuma bread taa-kariwaiz Tominkaru ati. Na�apa�oraz wazootapa-karu kakinaorii wuru�u pidan nikanuz wuru�u bread taa-kariwaiz Tominkaru ati. Soo faadaanao karikaonan taapada-kariwaiz ĩnikan wuru�u breadiz. 5 Na�iki aonaa mooko uaitapan Moses kakinaori ida�a�oraz usaadinpan, ukowaadanuz faadaanao sha�apata pakaudin-kiz, Tominkaru Dapu ii sookapauzo-karu kamoon dono, mazan upu�u aonaa ĩtaapa-kao ĩsha�apatan oia�o, ĩmaizo�atikan pu�u kakinaorii? 6 �kowaadan nii u�ati, di�i utuma�oraz, powa�a�o zii umanawunun Tominkaru Dapu ai. 7 Tominkaru Paradan saada-kariwaiz kian, ‘Kamunanuaba-karu wuru�u õaipaniaz, aonaa uzai taa-kariwaiz mani.’ Uaitapan an mani kaimanaiman na�apa�oram wuru�u parada-karuz, aonaa mani udakotan pidannao oiainao nii, masha�apata-kainaouz oia�o. 8 Usha�apanum kau�an Daonaiora Aokazi Iki�o Sookapa-karu Kamoon naobanaa uruu." 9 Na�iki�o Jesus makon synagogue iti. 10 Na�ii na�a�o daonaiora, aonaa uka�u kiitinan, mawaka�o uka�u. Pabi�i kida pidannao na�ii aipainao pazaamatan Jesus usha�apatinan ida�an pana�iti kakinaorii ai. Uruu idi ĩpishaanuzu, ĩkian, “Aonaa mani u�oian wakakinaorinaa ati pidan kakudan pidan Sookapa-karu Kamoon dono?" 11 Jesus dako�atin, ukian ĩ�ati, “Na�apa dii mani unao sha�apatinan bauda�apa�o u�uza kaznizo waotan an munapo�o ka�unaru di�iti Sookapa-karu Kamoon dono? Aona�o nii mani uso�otankanuz na�apain? 12 Aizii pidan mani, powa�a�o zii umanawunun kaznizo ai. Ukau�an aonaa u�oian wakakinaorinaa ati, washa�apatan kaimana�o Sookapa-karu Kamoon dono." 13 Uru�u naa ukian daonaiora makiitaka�o paka�u ati, “Pusawada puka�u.” Sariapa usawada�akanuz, na�iki sariapa uka�u kaimana�akan na�apa ba�oran uka�u kawan. 14 Uruu idi na�iki�o Phariseenao makon ĩkadakotina�anan pa�idiwaru sodi, ĩaitapa�azon na�apam kizi pazowian Jesus. 15 Jesus abatan naa na�apam pasha�apata�azoo-kao, sariapa umakon na�iki. Na�iki iriba pidannao da�ananuzu. Uruu dono ipai ukakudan karinainao na�ii. 16 Ukakinaowa�akan ĩdyaun, aonaa kizi ĩkakuwaapan udau�u ba�orainao ati. 17 Uruu umishian naa na�apa�oram Tominkaru kiauzonuz prophet Isaiah ida�an. 18 “Di�i uruu�u õzaamataniaz õpoitoru nii, uruu wuru�u õmarainapanii na�iki õnyukunuu-ati�oraz. �taan nii õdoronaa u�ida�a, na�iki ukakuwaapan nii sakitapa�o mashaapa-karu Tominkaru tuma�o dau�u, ipai pabi�inaaka�o pidannao ati. 19 Uruu wuru�u õzaamataniaz õpoitoru nii, aona�o nii ukadakowaakapauzon, na�iki aona�o nii ukadokouzon diiwa. Aona�o nii uparadan diiwa�o ida�an dunapo an kida. 20 Aona�o nii umanawutan ramitapa�o, na�iki aona�o nii umakadan suduupa�o upu�ukapan. Ukau�an karikaonanu�o nii ukamunanban, atii udikintan nii oii kida�o aimaakan mishi�o kaiman-karu ida�an. 21 Na�iki uruu ati�o nii ipai pidannao donozinaa kida nyukunuu, ĩzaudapan pakazannaata-kao." 22 Uruu dauna�an pidannao na�akan Jesus ida�ati ishaawun na�iki maparadanu�o pidan, wuru�u una�apaitanuz oia�o doronai kaina�an idi�o ida�a. Ukau�an Jesus kakuda uruu. Uruu idi kaimana�a naa uparadan, na�iki kaimana�a naa utukapan. 23 Tuukii pidannao di�itinpan Jesus sha�apatanii kida dau�an. Uruu idi ĩkian, “David Takaan-daun mani arawu�u?" 24 Aizii Phariseenao abatan idi ĩna�apan, sariapa ĩkian pa�atiaaka, “Oia�o doronainao naobanaa Beelzebul taan idi�o uma�ozaka-kinaa nii wuru�u uwaatanuz oia�o doronainao." 25 Jesus aitapa na�apa�oram ĩdi�itinpan. Uruu idi ukian ĩ�ati, “Bauda�apa�o wiizai ida�a�a pidannao mashaapan, ĩmizaataakapan an pa�atiaaka, aona�o nii wiizai na�an kotua�iki. Na�ia�oram pidannao donoi ainao, ĩmashaapan an buutaaka pairibannao ai, na�iki ĩmizaataakapan an pa�atiaaka, aona�o nii donoi na�an kotua�iki. Na�ia�oram pidannao mashaapainao bauda�apa�o kabaun ida�a buutaakapan an pairibannao ai, na�iki ĩmizaataakapan an pa�atiaaka, aona�o nii ĩmashaapan baokopa kotua�iki. 26 Aizii Satan waatan an papoitorunao oia�o doronainao, ĩbuutaakapan na�iki ĩmizaataakapan pa�atiaaka wuru�u. Ukau�an aona�o nii Satan naobanai-tinpan kotua�iki. 27 Unao, ukian õwaatan oia�o doronainao, oia�o doronainao naobanaa Beelzebul taan ida�ana�o õma�ozaka-kinaa nii. Mazan kanom taa�oraz mooko unao pidanannao ati ĩma�ozakannaa nii, ĩkaboota-kinaa nii oia�o doronainao? Beelzebul? Aonaa. Ukau�an uruu na�apa kida�oraz kainaabata u�ati, na�apa�oram wuru�u upozawatapanuz. 28 Mazan wuru�u õwaatanuz oia�o doronainao pa�an Tominkaru taanii ida�ana�o õ�ati padoronaa õma�ozakannaa nii, na�apa�o kainaabata kaina�a�a naa Tominkaru naobanai-tinan ubii�i. 29 “Kaikapa�o kawanu�o wuru�u: Aonaa na�ia�oram pidan ka�iita�o nii pamorotinan ma�ozaka�o daonaiora dapu, una�aka�azon an usha�apauz kida u�ai udapu iki, soo udodowan nii zii wuru�u ma�ozaka�oraz pidan kiwiin. Uruu udauna�an turua�o ni�i naa una�akan usha�apauz kida udapu iki. 30 “Na�ia�oram pidan aonaa õ�ida�atanpu�u mani, õtaruba uruu. Na�ia�oram pidan aona�o ukasaba�uupan õtuma, pararaa-bi�ita�o õkasaba�uunii wuru�u. 31 “Ukau�an õkowaadan u�ati, sha�apa�oram pidan sha�apatan an oia�o pairiban ati, na�iki udakoopan Tominkaru, marina�ata-karu nii wuru�u u�oianuz u�ai. Mazan udakoopan an Kaimana�o Doronaa, aona�o nii u�oian marina�ata-kao u�ai. 32 Na�ia�oram pidan dikauda�o uparadan Daonaiora Aokazi Iki�o dau�an, marina�ata-karu nii u�oian u�ai, mazan na�ia�oram pidan dakoopa�o Kaimana�o Doronaa, aona�o nii na�apainim u�oian marina�ata-kao u�ai, kai oo diina�iti�i. 33 “Puaipan an kaimana�o paoribai aka, ziwu�o uaipan pupaoriba. Paoribai maziwukan dono, dikauda�o nii u�aka. Aitapa-kariwai ziwu�o paoribai pa�aka ida�an. 34 Unao kichana�iki-kia�o kowazaz, aonaa na�itim uparadan kaimanan. Kanom nyukunui ia�oraz utaapa-kao kida, uru�o nii kodita-kida-kariwaiz. 35 Kaimana�o pidan, ukodita-kidan nii kaiman kida�o aimaakan, pataapanii panyukunuu kaimanan di�iki. Dikauda�o pidan, ukodita-kidan nii dikauda kida�o aimaakan, pataapanii panyukunuu dikaudan di�iki. 36 Aizii õkowaadan u�ati, Tominkaru kootowapa-kidan dono�o naa pidannao, ĩkootowapa-kida-kao nii ipai dikauda kida�o paparadauzonii dikin ii. 37 Usha�apanum kau�an uparadauzonii kida ida�ana�o nii ukainaabatinan, kaimana�o unao oo oia�o." 38 Udauna�an pabi�i kida Phariseenao na�iki tiichaapauzonao Moses kakinaori dau�u kian Jesus ati, “Tiichaa, watukapa�azon pusha�apatan umanawunu�o aimaakan kainaabata�o nii Tominkaru di�iki�o pugaru." 39 Jesus dako�atin ĩdyaun, ukian ĩ�ati, “Soo oia�o na�iki maizo�ati-kainao pidannao wuru�u tukapa�azo�oraz aimaakan kainaabata-kao pa�ati. Aona�o nii kanom ida�an ukainaabata-kao u�ati, soo prophet Jonah ida�ana�o nii. 40 Jonah na�ian kawan udaru�o kopau toba nazo ii idikinauda�u kamoo na�iki idikinauda�u maruta�o. Na�apa�o nii Daonaiora Aokazi Iki�o na�ian kapam idikinauda�u kamoo na�iki idikinauda�u maruta�o imi�i ka�azo ii. 41 Pidannao Nineveh sannao kadishitan nii wuru kamoo dono�o, Tominkaru kootowapa-kidanuz ipai pidannao, na�iki ĩdakoopan nii kainao pidannao, usha�apanum kau�an ĩnao ĩtanawatinanii pa�oian ai Jonah kowaadan dono ĩ�ati Tominkaru paradan. Mazan di�ora�a pidan utuma�oraz, powa�a�o zii umanawunun Jonah ai. 42 Sheba iki�o Queen naobanaiaba kadishitan nii wuru kamoo dono�o, Tominkaru kootowapa-kidanuz ipai pidannao, na�iki odakoopan nii kainao pidannao, usha�apanum kau�an owa�atinii munapo�o amazada tokon ikinapu, oabata�azon idi Soloman aitapaaban dau�u. Mazan di�ora�a pidan utuma�oraz powa�a�o zii umanawunun Soloman ai. 43 “Na�apainim oia�o doronai koditan pidan di�iki, umakon nii amazada arada�o di�ii�aka, udorotapan naa pamashaapa-kizi nii. Aizii aonaan dono uikodan pamashaapa-kizi nii, 44 uru�u naa ukian paaipan ati, ‘�kiwan nii powaa iti õdapu iti.’ Uruu idi ukiwan naa powaa iti, na�iki uikoda wuru�u padapuz aonaa kanom mashaapa�o nii na�ii, kaiman uparaudapa-kao. 45 Uruu idi umakon una�anan 7 ba�oran oia�o doronainao powa�a�o zii manawun ĩdikaudan kida pa�ai. Uruu idi ĩmorotan na�iki na�ia�a naa ĩmashaapan. Uruu dauna�an powa�a�o nii zii pidan dikauda�akan kiwiini�o ai. Ukau�an na�apa�o wuru�u oiainaouz pidannao kai�oraz naa ĩmashaapan." 46 Jesus kadakotinan pu�u zii pidannao ati, udaro na�iki u�inawuzunao kaawa�akan na�iti, ĩkadishitapan paniba ii ĩparada�azon u�ati. 47 Uruu idi bauda�apa pidan na�ia�o kian Jesus ati, “Putukapa, pudaro na�iki pu�inawuzunao paniba ii, ĩparada�azon pu�ati." 48 Jesus kian u�ati, “Kanom õdaro nii, kanom õ�inawuzunao nii." 49 Usawadan paka�u patominapa-kidaniinao di�iti na�iki ukian, “Di�i õdaro na�iki õ�inawuzunao. 50 Kanom sha�apatina�o õdaru aokazi ia�o aipan kawana�ati, ĩnao wuru�u õdadakoo, õ�inawuzu na�iki õdaro."

‹ Chapter 11 MATTHEW — All Chapters Chapter 13 ›

MATTHEW 12

Cite / Share This Page