LUKE 23

WBT

‹ Chapter 22 LUKE — All Chapters Chapter 24 ›

1 Uruu idi ipai pidannao, wuru�u abatapainao kidaz na�ii kadishia�akan. Udauna�an ĩna�akan naa Jesus Pilate di�iti. Atii ĩkaawa-kidan na�itizu. 2 Na�ia�a naa ĩkaakapaan Jesus Pilate ati. “Aushaa puabata wakuwaa di�oraz pidan dau�ana�a, waabatan ukakinaopan pidannao pana�iti karikaonan. Na�iki aonaa uaipan ĩkawinipinaatan tax Rome ia�o naobanai ati. Na�iki tuukii udakotinpan Christ nii. Na�iki udakotinpan king nii Jewnao ati,” ĩkian Pilate ati. 3 Udauna�an Pilate pishaan naa Jesus, “Mishi pugaru wuru�u king ni�oraz Jewnao ati?” “Una�apan sha�atii kaiwuru�u puna�apanuz,” Jesus kian u�ati. 4 Udauna�an Pilate kian naa faadaanao zowaunaanao ati, na�iki ipai kasaba�ukinpainao pidannao ati, “Aonaa kanom õikodan dikauda�o nii aimaakan usha�apatan. Uruu idi aonaa kanom dikin ii usha�apata-kao." 5 Mazan ma�ozaka pidannao dako�atin uparadan, na�iki ĩkian u�ati, “Aizii ipai�i naa ukakinaowan pidannao, wuru�u kawiizi-tinpainao kidaz wawiizi Judea Baara an. Uruu idi tuukia�a naa pidannao kashadaakapan, na�iki aona�a naa powa�a ĩmishidan oo ĩsha�apatina�azon wuru kawana�ati�o Rome iki�o naobanai kakinaori kidaz. Galilee Baara iki�o wuru�u usakadanuz pakakinaopan pidannao, atii di�i, aizii kaawa�a naa uruu da�ati�i,” ĩkian Pilate ati. 6 Pilate abatan idi ĩna�apan, sariapa ukian ĩ�ati, “Kanom san uruu, Galilee Baara san?" 7 Aizii uaitapan idi Jesus wa�atin Herod kazowautapanii wiizai di�iki, sariapa udyuudan una�aka-kao Herod di�iti. Usha�apanum kau�an uruu dono, na�ia�o Herod Jerusalem ii. Uruu dauna�an ĩna�akan naa Jesus Herod di�iti. 8 Tuukii Herod konaukii-kidan patukapan Jesus, usha�apanum kau�an kotua�iki�ora�a naa uabatautan Jesus dau�an. Na�iki tuukia�o utukapa�azon aimaakan wuru�u pabi�inaaka kida�oraz Jesus sha�apaapauzon. 9 Uruu idi, iriba sodi kida upishaan Jesus, mazan aonaa bauda�apa udako�atin uparadan. 10 Mazan upu�a�a naa faadaanao zowaunaanao, na�iki tiichaapauzonao Moses kakinaori dau�u maonapadinan Herod dazaba ati, na�iki ĩkowaada iriba dikauda kida�o aimaakan u�ati, Jesus dau�an. 11 Udauna�an Herod na�iki baokopa pasoldyaannao tuma, ĩmakinaotan na�iki ĩbanikiitan naa Jesus kakiba�azonnaa kida�o ida�an. Udauna�an ĩkaiwada-kidan naa u�ati naobanainao kamichan kaduz. Uruu dauna�an Herod dyuudan naa koshan uruu powaa iti Pilate di�iti. 12 Uruu kamoo dono Herod na�iki Pilate kaimanaakan. Uruu ua�ii aonaa ĩkaimanaakauzon. 13 Udauna�an Pilate dapadan naa faadaanao zowaunaanao, na�iki naobanai-tinpainao kida pidannao, na�iki ba�oran pidannao kida. 14 Aizii ĩbaokopatinan dauna�an, uru�u naa ukian ĩ�ati, “Unao zaamatanii, na�iki ukaawa-kidanii wuru�u di�oraz daonaiora�a. Na�iki ipai unao ukowaadan õ�ati, ukakinaopan pidannao pana�iti. Na�iki ipai�i naa amazada kawana�ati pidannao to�oran naobanai Rome iki�o ati. Aizii di�i utukapa na�apam õkootowapa-kidanuz, unao abatapan pu�u. Mazan aonaa õikodan dikauda�o nii aimaakan usha�apatan, unao kowaadan kawan õ�ati. 15 Aizii Herod na�apa kapam, aonaa kanom uikodan dikauda�o nii usha�apatan. Uruu idi�o wuru�u udyuudanuz uruu powaa ati da�ati�i. Aonaa kanom dikauda�o nii wuru daonaiora sha�apatanu�u. Ukau�an aonaa kanom dikin ii uzowii-kao. 16 Uruu idi õba�izii-kidan nii karikaonan uruu, udauna�an marina�a naa umuuda-kao." 17 [Passover Kamoon dono, karikaonan da�i Pilate kodita-kidauzon ĩ�ati bauda�apa pidan, taraa-kizai iki.] 18 Mazan pidannao kadakoinan u�ati aonaa masakauda�u mani. “Marii uzowii-kao, pukodita-kida pa�an Barabbas wa�ati,” ĩkiainan u�ati. 19 Aizii Barabbas, wuru�u utaratapa-kaoaz, uzauda-kao idi�o utoman to�orataaka-karu pidannao ati, ĩto�ora-kinaa nii Rome iki�o naobanainao ati, wuru�u Jerusalem iainao kidaz. Uruu dono bauda�apa pidan zowii-kao. Uruu idi Barabbas zauda-kao udikin ii. 20 Tuukii padamata Pilate tiwaan pakodita-kidan Jesus, uruu idi na�apa koshan ukian ĩ�ati kiwiini�o kawan. 21 Mazan ma�ozaka ĩkadakoinan u�ati. “Marii utauka-kao cross di�iti! Marii utauka-kao cross di�iti!” ĩkiainan u�ati. 22 Upu�u Pilate tiwaan paparadan ĩ�ati. Uruu idikinautan naa uparadan na�apa ĩ�ati. “Kanom mooko dikauda�o nii usha�apata? Aonaa kanom õikodan dikauda�o nii usha�apatan. Ukau�an aonaa kanom dikin ii uzowii-kao. Uruu idi õba�izii-kidan nii karikaonan uruu na�iki udauna�an marina�a naa umuuda-kao,” ukian pidannao ati. 23 Mazan powa�a zii ĩkadakoinan u�ati diiwa�o ida�an. “Marii utauka-kao cross di�iti,” ĩkiainan u�ati. Ĩkadakoinan u�ati, atii ĩdikintan uruu. 24 Uruu idi na�apa�a naa Pilate dyuudan Jesus sha�apata-kao, pidannao aipan kawana�ati. 25 Na�iki ukodita-kidan naa ĩ�ati pidan wuru�u zauda-kariwaiz umizaataakapa-kidan pidannao, na�iki uzowian pidan. Udauna�an utaa�akan naa Jesus pidannao ka�u iti, marii kizi�i naa ĩsha�apatan uruu Jewnao aipan kawana�ati. 26 Udauna�an soldyaanao na�aka�akan naa Jesus. Aizii ĩmakopa-kizi an ĩikodan pidan kaawa�aka�o zii Jerusalem ati. Simon kia�o u�uu, Cyrene san wuru�u pidanaz. Sariapa soldyaanao zaamatan Simon na�iki ĩdyuudan naa uwaodatan Jesus dawu�ati wuru�u cross ni�oraz atamun tu�uz. 27 Na�iki iriba, iriba pidannao makon tazatappan Jesus dawu�ati. Aizii zunnao na�ii kapam ĩbii ii, tuukii ĩmuraan Jesus. 28 Mazan Jesus kian ĩ�ati, “Zunnao, Jerusalem sanaabanao, aonaa uzaada�ana�a õdau�an. Mishi�oraiman uzaada pa�an unao dau�an, na�iki udainao dau�an. 29 Usha�apanum kau�an kaina�a�o nii kamoo kaawan, uruu dono pidannao kian nii. ‘Konaukia�o nii pa�an zunnao aona�oraz na�apainim ĩkaudaniizon, aona�oraz ĩbiida-kidauzon koraidaonaa.’ 30 Uruu dono tuukia�o nii pidannao aipan midukuonao dikitan paugaru, na�iki tuukia�o nii ĩaipan naawazi dizan paugaru. 31 Aizii di�i wuru�u utukapaniaz dikauda�o aimaakan sha�apata-kao õ�ati kaikapa�a, aonaa kanom dikin ia�o mani, aitaniimana�o nii manawun dikauda�o aimaakan baiaapa-kida-kao Jerusalem sannao ati, ĩsha�apaapan dikin ii oii kida�o aimaakan." 32 Kaina�a kapam soldyaanao na�akan dya�utam daonaioranao zowii-karu nii, ĩnao zaamata-kao ĩsha�apatan idi dikauda kida�o aimaakan. 33 Udauna�an ĩkaawan naa wuru di�iti�i amazada dakotapa-kariwaiz Pidan-Zowau-Niwa�uz-naawa kii. Na�ia�a naa ĩtaukan Jesus cross di�iti. Na�iki dya�utam daonaioranao tauka-kao udazaba�a. Bauda�apa udiwa�ora antanapu, ba�oran uwashabaron antanapu. 34 Pataukinapa kizi iki Jesus kian padaru ati, “�daru, pumainaabata wuru�u dikauda�o aimaakan ĩsha�apataniaz õ�ati kaikapa�a, usha�apanum kau�an aonaa ĩaitapan kanom ni�o wuru�u pasha�apaapanuz aimaakan kaikapa�a.” Udauna�an soldyaanao makinaotinan naa, patukapa-kinaa nii na�ia�oram nii pidan zaamata Jesus kamichan pa�idiwau nii. 35 Uruu dono iriba pidannao awunuutapan Jesus tauka-kao. Aizii Jewnao naobanaanao, tuukii pa�an ĩbanikiitan uruu. Kaikapa�a wuru�u ĩkianuz. “Uruu kazannaapa�o ba�oran pidannao. Aizii watukapa kizi�i naa mooko, umishiin an uruu Christ, Tominkaru zaamataniaz, na�iki udyuudaniaz kazannaata�o nii papidanannao, marii aizii ukazannaatinan paaipan ati,” ĩkian udau�an. 36 Aizii soldyaanao na�apa kapam ĩbanikiitan uruu. Udauna�an ĩtaan naa uriwun nii mawinipina�o wine idi. 37 Na�iki ĩkian u�ati, “Umishiin an mishi pugaru wuru�u king ni�oraz Jewnao ati, pukazannaatinan nii puaipan ati." 38 Aizii atamun ida�a, uzowau paawa�a ĩtaukan pasaadanii. Kaikapa�a wuru�u ĩsaadaniaz: “Dii wuru�u King, Jewnao ati." 39 Aizii bauda�apa wuru�u tauka-kariwainaouz Jesus dazaba�a, uparadan dikauda�o ida�an Jesus ati. “Umishiin an pugaru Christ, pukazannaatina�a naa aizii puaipan ati, na�iki pukazannaata waunao kapam,” ukian. 40 Mazan sariapa uiriban to�orauanuzu. Na�iki ukian u�ati, “Aonaa mooko pukichana�ikin puparadan Tominkaru dau�an kaikapa�a? Aonaa mooko pudi�itapan na�apam pupataka�uta-kao na�iki pumawakan nii na�apa uruu kawan. 41 Mazan aonaa kanom dikin ia�o mani upataka�uta-kao, aonaa kanom oia�o nii usha�apatan. Mazan waunao, wapataka�uta-kaoaz kaikapa�a, washa�apatan idi�o oia�o." 42 Udauna�an ukian Jesus ati, “Jesus, punyukunuuapa pa�i õgaru punaobanaita-kao ana�a naa." 43 Jesus kian u�ati, “�kowaadan nii pu�ati mishi�o: aizii na�ia�o nii kapam pugaru õtuma konaukii-kizai aokazi ii." 44 Aizii sakitapa kamoo, ipai amazada maruta�akan uruu wiizai di�ii, atii daawadata kamoo. Uruu dauna�an zii koshan amazada kanadan. 45 Aizii Tominkaru Dapu nazo ii masha�apakiaka kamicha mada wuru�u awautapa�oraz unazoo kida, kuzuuta�akan pazikon an, doko iki atii uwaranu iti. 46 Upu�a�a naa Jesus kadako�okan naa diiwa�o ida�an. “�daru, puka�u iti õtaan õdoronaa,” ukian. Mazan umawaka�akan naa. 47 Na�ia�o soldyaanao zowaunaa awunuutapan, uruu idi ipai uabatan, na�iki utukapan na�apam aimaakan sha�apan. Uruu idi tuukii ukonaukii-kidan Tominkaru na�iki ukian, “Mishi�o mishi kaimana�o pidan arawu�u,” ukian. 48 Na�iki ipai pidannao wuru�u awunuutapainao kidaz na�ii, ipai kapam ĩtukapan wuru�u aimaakan kida sha�apanuz. Tuukii ĩdi�itinpan na�iki ĩkasha�oran aimaakan sha�apata-kao idi na�apa. Udauna�an ĩkiwan naa. 49 Aizii pidannao wuru�u aitapainao kidaz Jesus, na�iki wuru�u tominpauzonao kidaz u�idi�iki, na�ii kapam ĩawunuutapan. Na�iki zunnao wuru�u wa�atiinaouz utuma Galilee Baara iki, na�ii kapam baokopa ĩtuma, munapo ĩkadishitapan na�iki ĩawunuutapan. 50 Uruu dono na�ia�o pidan, Joseph kia�o u�uu. Arimathea iki�o, Judea Baara ia�oraz wiizai. Kaimana�o pidan uruu, na�iki sha�apata�o ipai aimaakan Tominkaru aipan kawana�ati. Na�iki tuukia�o uzaudapan Tominkaru naobanai-tinan kamoon kaawan. Padamata Jewnao, kazowautapaniinao pidannao tuma�o uzaamatinpan, mazan upu�u aonaa unyukunuu na�apan ĩparadan kawana�ati, na�iki aonaa unyukunuu na�apan wuru dau�ana�a ĩsha�apatanuz Jesus kaikapa�a. 52 Sariapa umakon upishaa�anan Pilate Jesus nanaa dau�an. Na�apa Pilate nyukunuu. 53 Uruu idi umakon naa Jesus tauka-kizinao iti, na�iki na�a�a naa utoka-kidan unanaa. Na�iki upapidan naazu baraka�o kamicha mada idi. Kaina�a ukichadanii kuba, mawakainao uun nii, na�iki aona�o zii kapam ukaiwauzo-kao. Na�iti�i naa una�akan Jesus nanaa na�iki na�ia�a naa umuudanuz. 54 Friday wachuupunin wuru�u udida-kaoaz, Jewnao sookapauzon kamoon maonapatan pu�a�a naa. 55 Aizii zunnao wa�atiinaouz Jesus tuma Galilee Baara iki, na�iti ĩmakon baaranai iti. Uruu idi ĩtukapa na�iam naa unanaa muuda-kao. 56 Uruu dauna�an ĩkiwan naa pamashaadinapa kizi iti, ĩtoma�anan naa kaduunuribai pakaduunuu-kinaa nii Jesus nanaa. Ba�oran kamoo uruu Sookapa-karu Kamoon wuru�u, uruu idi aonaa kanom ĩsha�apatan uruu kamoo dono, Moses kakinaori kian kawana�ati.

‹ Chapter 22 LUKE — All Chapters Chapter 24 ›

LUKE 23

Cite / Share This Page