HEBREWS 9

WBT

‹ Chapter 8 HEBREWS — All Chapters Chapter 10 ›

1 Aizii kiwiini�oraz Tominkaru toman covenant Israelitenao tuma, kaina�a�o choochiapa-karu kakinaorinaa kida na�iki kaina�a imi�i baara�a�o Tabernacle. 2 Wuru�u Tabernacle kamicha mada idi�o utoma-kao; na�iki dya�utama�o unazoo. Kiwiitapa�o unazoo ida�a kaina�a lamp, miisa baara na�iki bread upaawa�a; wuru�u kiwiitapa�oraz unazoo, uruu dakota-kao Kabaun Nazoo Kaimana�o. 3 Tabernacle nazoo buutapa-kao kamicha mada kazadinpa�o idi, aizii uruu barau itinapu kaina�a ba�oran unazoo, uruu dakota-kao Kabaun Nazoo Kaimana�oraz Manawun. 4 Uruu nazoo ida�a kaina�a altar, gold idi�o utoma-kao, incense kawaodapa-kizinao. 5 Aizii pakara paawa�a kaina�a Cherubnao kainaabatapa�o Tominkaru kaina�an, ĩkutuba kida kadamaradinapa wuru paawa ana�a oii-karu so�ota-kizinaoaz. Mazan kai aonaa zii turuu wakadakotinan kaimanaiman di�oraz aimaakan kida dau�a�a. 6 Aizii aimaakan kida minziiwa-kida-kao dono�o naa ipai na�apa, faadaanao morotan nii ipai kamoo kiwiini�oraz unazoo di�iti, ĩsha�apata kizi pakaudin-kizi. 7 Mazan Faadaa Umanawunu�oraz pa�an, soo uru�o nii morota wuru di�iti�i ba�oran unazooz, kamicha mada kazadinpa�oraz barau itinpu�oraz, na�iki umorotan na�iti baukapa karikaonan ipai wunu. Na�iki umorotan nii na�iti, soo una�akan an izai patuma utaan ni�oraz Tominkaru ati, pa�oian dikin ii na�iki wuru dikin ia�a oii-karu kida pidannao sha�apataniaz maaitapinaka-daun. 8 Kaimana�o Doronaa kaimanaiman ukainaabatan wa�ati wuru ida�ana�a, aonaa zii na�itim morota-karu wuru di�iti�i Kabaun Nazoo Kaimana�oraz Manawun, wuru kaina�an kawana�ati zii�i, kiwiitapa�oraz Tabernacle. 9 Di�oraz aimaakan, kainaabata wa�ati kai kida�o aimaakan dau�an. Utukapa-kida wa�ati kaiman kida�oraz aimaakan taa-kao, na�iki uzai kawaoda-kaoaz Tominkaru ati, aonaa turuu usaabaan pidan choochiipa�o nyukunuu pa�oian ai. 10 Wuru�u kakinaorii kidaz wuru dau�an kida�o karikaonanu�u: aimaakan kida turua�oraz unika-kao na�iki utuza-kao dau�ana�o, na�iki chikain-karu kida dau�ana�o. Na�apa�oraz kakinaorii kida, nanai ati�o karikaonan, aonaa nyukunui ia�o mani, ukaiwaapa-kao nii aita-kao atii wuru ida�ati�i Tominkaru tomanuz ipai aimaakan pa�inaa na�iki pana�a. 11 Mazan uru�u naa Christ Umanawunu�o Faadaa taa�oraz wa�ati kaiman kida�oraz aimaakan, kaina�a�oraz naa kai. Na�iki umorota Tabernacle iti, powa�a�oraz zii pa�an umanawunun na�iki ukaimanan, aonaa pidan tomanii mani, oo aonaa di�ora�a amazada ida�a�o aimaakan kida idi�o mani utoma-kao. 12 Aonaa umorotan na�iti pana�akan ida�an boogi izain, na�iki tapi�iza dani izain, mazan umorotan paizain ida�an pa�an Kabaun Nazoo Kaimana�oraz Manawun di�iti, umorotan baukapa na�iki aona�o nii na�apainim koshan. Uruu idi aonaa utokon nii ukazannaatan waunao oia�o ai. 13 Aizii wuru�u boogi izain na�iki tapi�iza kazoti izain, na�iki pariti�i kida tapi�iza dani kawaoda-kariwai di�iki�oraz chibii-kao ida�an, turuu usaabaan pidan nanaa karikaonan, wuru kawana�ati�i ĩkakinaorinaaz, mazan aonaa ĩnyukunuu ii mani. 14 Pidan saabaa-kao kaiman kaikapa�o kaduz ida�ana�a, mazan Christ izain powa�a zii manawun usha�apatan aimaakan umanawunu�o, utaainan idi Tominkaru ati makasharutinaaka-daun, wuru ida�ana�a Doronai karikaonanu�oraz ukakupan. Uizain saabaan nii wanyukunuu wuru aia�a madiwautapa-ka�o sha�apatin-karu kida ai, turuu kizi washa�apatan wuru�u aimaakan, Tominkaru kakupa�oraz aiapanii washa�apatan. 15 Ukau�an Christ ida�ana�o wuru�u Tominkaru tomanuz Pa�ina�o Covenant, turuu kizi Tominkaru dapadaniinaouz papidanannao nii zaamatan ukowaadauzoniaz pataan nii, karikaonanu�oraz kaiman kida�o aimaakan. Turuu usha�apan na�apa, usha�apanum kau�an mawaka�a naa Christ, muuda-kida�o nii pidannao wuru aia�a ĩpataka�uta-kaoaz pa�oian dikin ii, wuru�u ĩsha�apatauzonii kidaz ĩmashaapan dono�oraz zii Kiwiitapa�o Covenant waranu�u. 16 Aizii pidan mawakan an mani, na�iki kaina�a uwa�akan pasaadanii mawaka-karu kaaritannaa, kowaada�o nii kanomnao ati�o nii wuru�u usha�apauz kida taa-kao umawakan dono. Aonaa kanom zaamatan wuru�u aimaakan kidaz pa�idiwau nii wuru�u kaarita kawana�ati, soo uaitapa-kao dono mishi, mawaka�a naa wuru�u saada�oraz mawaka-karu kaaritannaa. 17 Usha�apanum kau�an wuru�u mawaka-karu kaaritannaaz madiwautapa-ka�o, pidan saada�oraz kakupan an zii; ukaiwainan nii soo umawakan dauna�an. 18 Uruu idi�o kapam Kiwiitapa�oraz Covenant Tominkaru tomaniaz Israelitenao tuma, kaiwainan soo zowii-kariwai uzai izain kaiwaa-kao ida�an. 19 Kiwiitapa�o aimaakan Moses sha�apatan, ukowaadan pidannao ati ipai Tominkaru dyuudaniaz uizo�ati-kao, usaadinpan kawana�ati kakinaorii kida ida�a. Udauna�an uzaamatan tapi�iza dainao izain, wunu tuma na�iki wuza�o kaznizo idi, na�iki hyssop waoda ida�an uchibian kakinaorii kaaritannaa, na�iki ipai pidannao. 20 Aizii uchibian pu�u, ukian, “Di�oraz izai, uruu kainaabata�o Tominkaru toman covenant unao Israelitenao tuma, unao izo�atin ni�o." 21 Na�iki na�apa kapam uchibian wuru�u Tabernacle, na�iki ipai aimaakan kida kaiwaapa-kariwaiz choochiapa-karu dono na�ii. 22 Mishi, kakinaorii kian kawana�ati, marii ipai aimaakan kida saabaa-kao kaiman izai ida�an, na�iki Tominkaru so�otan oii-karu kida soo izai shoota-kao ida�an. 23 Wuru�u toma-kariwaiz aimaakan kida, aokazi ia�oraz kaduz kawan, saabaa-kao kaiman uzai zowiapa-kao ida�an. Mazan aokazi ii, uzai zowiapa-kao aonaa uturuan. Uaiapa powa�a�o zii aimaakan umanawunu�o pa�an. 24 Christ aonaa umorotan Kabaun Nazoo Kaimana�o di�iti, wuru�u pidan tomaniaz aokazi ia�o choochiapa-kizai dikiniz karikaonan, mazan umorotan aokazi iti manawun. Kai ukadishitapan Tominkaru kanaapu�u wadikin ii. 25 Jewnao Faadaan Umanawunu�o, umorotan baukapa ipai wunu Kabaun Nazoo Kaimana�oraz Manawun di�iti, una�akan uzai izain patuma. Mazan Christ aonaa umorotan aokazi iti utaain kizi mani powa�a an kida. 26 Una�apauzon an mani, powa�a an kida mani umawakan amazada tominan di�iki. Mazan ukaawankan baukapa karikaonan, amazada ikoda�anan di�iti�i naa patokon, utaain kizi pamainaabata-kinaa nii oia�o, pazowii-kao ida�an. 27 Ipai pidan mawakan nii baukapa, na�iki uruu dauna�an ĩkootowapa-kida-kao nii Tominkaru kanaapu iti. 28 Na�apa ukau�an, Christ taainan baukapa pamawakan ida�an uso�ota kizi iriba pidannao oian kida. Uwa�atin nii koshan, aonaa oii-karu dau�ana�ora�a naa mani, mazan ukazannaata�anan pidannao zaudapainaouznaa uruu.

‹ Chapter 8 HEBREWS — All Chapters Chapter 10 ›

HEBREWS 9

Cite / Share This Page