HEBREWS 10

WBT

‹ Chapter 9 HEBREWS — All Chapters Chapter 11 ›

1 Wuru�u Jewnao kakinaorinaa, soo dikinii karikaonan wuru�u, kainaabata�o ishazaba wuru�u kaiman kida�oraz aimaakan wa�atipa�oraz zii. Ukau�an uzai kawaodapa-kaoaz Jewnao kakinaori kawana�ati�oraz, aonaa uturuan usaabaan pidannao kaiman, wuru�u taainainaouz Tominkaru ati, uzai taa-kao pu�u padamata powa�a an kida ipai kamoo, na�iki ipai wunu. 2 Aizii wuru�u pidannao taainainaouz Tominkaru ati, umishiin dono mani ĩsaabaa-kao kaiman manawun pa�oian ai, aonaa kanom nii mani ĩnyukunuu kowaadan kaina�a zii ĩ�oian, na�iki ipai mani uzai zowiapa-kaoaz mashaadan. 3 Mazan wuru�u uzai zowiapa-kaoaz nyukunuu-kida�o nii pidannao oian kida ipai wunu. 4 Usha�apanum kau�an aonaa tapi�iza kazoti izain na�iki boogi izain ka�iitan paso�otan oii-karu kida. 5 Uruu idi�o ukau�an, Christ kaawan dono�oraz imi�i baara ati, ukian Tominkaru ati, “Aonaa puaipan uzai zowiapa-kao na�iki kaiman kida�o aimaakan taa-kao pu�ati, mazan putaa õnanaa zowii-karu nii pu�ati. 6 Uzainao kawaoda-kao, oo uzai zowii-kao kida oii-karu kida so�ota-kinao ni�oraz, aonaa punyukunuu konaukian ĩdau�an." 7 Udauna�an Christ kian, “Di�i õgaru�u, Tominkaru, sha�apata�o nii puaiapanii õsha�apatan, na�apa usaadinpan kawana�ati õdau�an kakinaorii kaaritannaa ida�a." 8 Christ kian, “Aonaa puaipan uzai zowiapa-kao kida na�iki kaiman kida�o aimaakan taa-kao, oo uzainao kawaoda-kao na�iki uzainao zowii-kao oii-karu kida so�ota-kinao ni�oraz, aonaa punyukunuu konaukian udau�an.” Ukian kaikapa�a, uzainao zowiapa-kao taa-kao pu�u padamata kakinaorii kian kawana�ati. 9 Udauna�an ukian, “Di�i õgaru�u, Tominkaru, sha�apata�o nii puaiapanii õsha�apatan.” Ukau�an Tominkaru katokonota wuru�u uzainao zowiapa-kaoaz, na�iki ukawadauntanuz Christ mawakan ida�an. 10 Usha�apanum kau�an Jesus Christ sha�apatan idi Tominkaru aiapanii usha�apatan, ipai usaabaan waunao kaiman Tominkaru ati, wuru ida�ana�a Jesus taanuz pananaa baukapa, na�iki aona�o nii na�apainim koshan utaanuz. 11 Ipai faadaa kadishitan na�iki usha�apatan pakaudin-kizi ipai kamoo, na�iki utaan powa�a an kida bauda�apa�o kaduz aimaakan, wuru�u uzai zowiapa-kaoaz. Aona�oraz na�apainim turuu uso�otan oii-karu kida. 12 Mazan Christ taa paizain baukapa uzowii-kao dono�oraz, na�iki aona�o nii utaan powa�a paizain oii-karu kida dikin ii, udauna�an usakanatan Tominkaru diwa�ora antanapu. 13 Na�ii kai uzaudapan atii Tominkaru muudan utarubanao uwaranu�u. 14 Pataainan ida�an baukapa, karikaonanu�o nii Christ kaimandan pidannao saabaa-kariwainaouz Tominkaru ati. 15 Na�iki Kaimana�o Doronaa aida-kida wa�ati mishi�o wuru�u, ukianuz kaikapa�a. Kiwiin ukian, 16 “Aizii kaikapa�o nii wuru�u Pa�ina�oraz Covenant õtoman ni�oraz ĩtuma, diina�iki�oraz zii kamoo kida wa�atipan di�ii, Naobanai kian. �muudan nii õkakinaori kida ĩnyukunuu ii ĩdi�itinapa-kinaa nii, na�iki õsaadan niizu ĩnyukunuu ida�a ĩnyukunuitapa-kinaa niizu." 17 Udauna�an ukian, “Aona�o nii powa�a õnyukunuuan ĩ�oian kida na�iki dikauda kida�o aimaakan ĩsha�apataniaz." 18 Ukau�an wuru�u oii-karu kida so�ota-kao dono�o naa, aona�a naa powa�a wuru aiapa-kaoa�a uzai zowiapa-kaoaz, oii-karu dikin ia�oraz. 19 Ukau�an õiribannao, aonaa watarian, turua�a naa wamakon aizii Kabaun Nazoo Kaimana�oraz Manawun di�iti, Jesus izain ida�an. 20 Usha�apanum kau�an uda�atan wa�ati dunapo pa�ina�o na�iki kakupa-kinaiz, mako�oraz Tominkaru di�iti manawun. Tawuru�u kamicha mada awautapa�oraz pidan Kabaun Nazoo Kaimana�oraz Manawun ai, aona�a naa powa�a aizii ubuutapan waunao Tominkaru ai. 21 Ukau�an, ukaina�an idi umanawunu�o waFaadaan kazowautapa�oraz Tominkaru Dapu ainao, wuru�u upidanannaouz, 22 marii wamaonapadinan Tominkaru ida�ati mishi�o wanyukunuu na�iki ma�ozaka�o wamishidapan ida�an, wanyukunuu kida ida�an saabaa-kariwaiz naa wuru aia�a wanyukunuu baiainapanuz oia�o idi, na�iki wananaa kida ida�an chikaa-kariwaiz naa kaimana�o wunu idi. 23 Marii wazaamatinpan kaimanaiman wuru di�iti�i wazaudapaniaz naa Tominkaru sha�apatan wa�ati, waaitapan idi umishian nii ipai aimaakan ukowaadaniaz pasha�apatan nii. 24 Marii wadi�itinpan na�apam kizi wama�ozakadan wairibannao, ĩmarainpaaka kizi na�iki ĩkaminka�uaaka kizi. 25 Mana�a wamarina�ata�ana�a wuru�u wabaokopainpauzonuz baokopa wamin-mishidannao tuma, baokoinao marina�atan kawan wuru�u pabaokopainpauzonuz, mazan wama�ozakadaaka mishi�oraiman. Na�iki uaitapan idi�i naa Naobanai kaawan kamoon maonapatan, uma�ozakadaaka powa�a zii. 26 Aizii wa�oipan an zii waaipan ati�i naa karikaonan, waaitapan dauna�ana�a naa mishi�o kuwai Christ dau�ana�o, aonaa ba�oran mawaka-karu nii kaina�a so�ota�o nii wa�oian kida. 27 Mazan kanom wa�akin kaina�a wazaudapan nii, soo tarii-karu wuru aia�a: Tominkaru pataka�utanuz pidannao na�iki Tuubaru�o Tikazi ai, wuru�u mainaabata�o ni�oraz Tominkaru tarubanao. 28 Pidan dikintapa�o Moses Kakinaori, aonaa turuu ukazannaatinan pazowii-kao ai, dya�utam oo idikinauda�u pidannao kian dono mishi�o udikintapan. 29 Aitaniimana�o nii pidan pataka�uta-kao tuukii, ukashadan idi Tominkaru Dani, na�iki utaapan idi madiwautapa-ka�o nii wuru�u izai, kainaabata�oraz Pa�ina�o Covenant, saabaa�oraz uruu kaiman, oia�o ai; na�iki udakoopan idi Kaimana�o Doronaa aida�oraz kamarainpan-karu. 30 Waaitapa Tominkaru kiinii sha�atii, “�pataka�utan nii wunaou�u sha�apatainaouz oia�o aimaakan. �kaunaatinan nii ĩ�ati.” Na�iki ukian kapam, “Naobanai�o nii pataka�uta papidanannao wuru kawana�ati�i ĩsha�apataniaz." 31 Tominkaru kakupa�oraz pataka�utan dono pidan, kichana�iki-kia�o manawun wuru�u. 32 Mazan unyukunuitapa tawuru�u kiwiini�oraz kamoo kida, utominpan dauna�ana�oraz zii mishi�o kuwai dau�u. Ubaiaapa iriba kasha�ora kida�o aimaakan, mazan upu�u aonaa ukaakinpan wuru ati�i ubaiainapanuz. 33 Panaadon kida da�i parada-karu udau�an dikauda�o ida�an, na�iki uantamikita-kao iriba�o pidannao kanaapu�u, na�iki panaadon kida da�i minziiwa ukaminka�utan ba�orainao antamikita-kariwainao unao kawan kapam. 34 Unao na�apa kapam ubaiainpan wunao tuma�a kaboota-kariwainaouz taraa-kizai iti. Na�iki usha�apauz kida kazata-kao dono�oraz ipai u�ai, upu�u ukonaukian, usha�apanum kau�an uaitapa kaina�a aimaakan u�idiwau powa�a�o zii umanawunun pa�an, na�iki karikaonanu�o ni�oraz una�an. 35 Ukau�an aonaa pa�i umarina�ata�ana�a wuru�u ukadishitapanuz ma�ozaka, usha�apanum kau�an kaina�a uwinipinaa umanawunu�o. 36 Aonaa pa�i ukashadina�ana�a, uruu turuu kizi usha�apatan Tominkaru aiapanii sha�apata-kao, uzaamata kizi wuru�u ukowaadauzoniaz pataan nii. 37 Tominkaru paradan saada-kariwaiz kian, “Aona�o ni�i naa utomunu�ikin, arawu�u wa�atipa�oraz kaawan nii; aona�o nii utomunu�ikidapan pawa�atinuz. 38 �pidanan mashaapa�oraz sakitapa kakupan nii mishidapa-karu ida�an, mazan utanawatinan an powaa iti õ�ai, aona�o nii õnyukunuu-atin." 39 Waunao aonaa pidannao padantinainao mani powaa iti, na�iki waziwadinainao mani, mazan waunao mishidapainao, na�iki kazannaata-kariwainao pa�an.

‹ Chapter 9 HEBREWS — All Chapters Chapter 11 ›

HEBREWS 10

Cite / Share This Page