EPHESIANS 5

WBT

‹ Chapter 4 EPHESIANS — All Chapters Chapter 6 ›

1 Aizii uda�ana�a naa Tominkaru kaduz, usha�apanum kau�an udainao unao, na�iki umarainapanii unao tuukii. 2 Na�iki karikaonanu�u naa umashaapa marainpaaka, na�apa Christ marainpan kawan waunao, utaainan atii umawakan waunao dikin ii. Kaiman manawun kaduunu�o kawan udamainan Tominkaru ati umawakan dono. Na�apa uzai kawaoda-kao kawan Tominkaru ati, kaduun udamaanuz. 3 Aizii Tominkaru dainaou�u naa unao, ukau�an aona�a naa turuu uunamunaa abatauta-kao ukaminshu�uinpan. Na�iki aona�a naa turuu usha�apaapan kakiba�azonnaa kida�o aimaakan, na�iki aonaa turuu umisha�orarun. Usha�apanum kau�an aonaa turuu na�apa kida�o abata-kao Tominkaru pidanannao dau�an. 4 Na�iki aona�a naa turuu ukadakotinan kakiba�azonnaa kida�o dau�u, na�iki maaitapin-kainao paradan kawan, oo banikii-tin-karu mani oia�o na�iki dikauda sodi kida�o di�ii�aka. Mishi�oraiman ukonaukii-kida pa�an Tominkaru ipai aimaakan kida dau�an, wuru�u usha�apatanii kidaz unao ati. 5 Uaitapa kizi mishi�o nii wuru�u, pidan kaminshu�uinpa�o, na�iki sha�apaapa�o kakiba�azonnaa kida�o aimaakan, na�iki misha�oraru, aona�o nii na�apainao pidannao zaamata-kao Christ na�iki Tominkaru naobanai-tinapa-kizi iti, na�iki aona�o nii ĩzaamatan wuru�u Tominkaru taa�azooniaz. Aizii pidan aipaabi�ia�o aimaakan soo pa�ati karikaonan, utominkaruniitapan aimaakan kida wuru�u. 6 Mana�a umariida-kidina�ana�a pidannao ati ĩkowaadapan an mazanu�oraz karikaonan kuwai kida. Usha�apanum kau�an Tominkaru pataka�utan nii ipai pidannao, wuru dikin ia�a ĩsha�apaapanii kidaz, na�iki ĩdikintapan idi Tominkaru. 7 Ukau�an mana�a ukaminauda�u-tinpa�ana�a na�apainao pidannao idi. 8 Mishi kiwiin umashaapan maruta�o-karu�u, mazan aizii uzaamatinan idi�i naa Naobanai di�iti, umorotan kanada�o-karu iti; ukau�an umashaapa�a naa kaiman na�apa pidannao kanada�o-karua�o mashaapauzon kawan. 9 Aizii pidannao mishi�o ĩmashaapan kanada�o ida�a, aitapa-kao ĩdyaun, ĩmashaapan ida�an kaiman na�iki ĩsha�apatinan ida�an sakitapa, na�iki ĩmashaapan ida�an mishi paparadan kawana�ati. 10 Ukau�an utominpa�a naa, uaitapa kizi�i naa na�apam mashaapa-karu Tominkaru aipan kawana�ati. 11 Aonaa usha�apaapa�ana�a oia�o aimaakan kida wuru�u pidannao sha�apaapauzonii kidaz maruta�o-karu�u. Mishi�oraiman ukowaada ĩ�ati aonaa ukaimanan wuru�u na�apa kida�o aimaakan ĩsha�apaapaniaz. 12 Tuukii ukakiba�azonnan kadakotin-karu wuru dau�a�a dikintapainao sha�apaapanii kidaz aimaakan maruta�o-karu�u. 13 Mazan kanada�o kanadapan dono ĩdyaun ipai�o nii ĩkaduz tukapa-kao na�iki aitapa-kao. 14 Na�ia�oram kanada�o kanadapanii kainaabana�o ni�i naaz. Kaikapa sha�atii tawuru�u saada-kariwai Tominkaru kaaritan ida�a�o kianuz: “Pugaru da�awupauzo, pupokoda�a naa, mawaka�o kawanu�ora�a naa pugaru, ukau�an pukadishita Christ taa kizi kanada�o punyukunuu iti." 15 Ukau�an umashaapa�a naa kaiman na�iki aitapin. Aonaa umashaapa�ana�a maaitapin-kainao pidannao mashaapan kawan, mazan aitapinainao mashaapan kawan pa�an. 16 Na�apainim utukapan an kaina�a kaimana�o aimaakan sha�apata-karu nii, usha�apata�aka sariapa, usha�apanum kau�an kai pidannao mashaapan oia�o dau�u pa�idiwaru. 17 Ukau�an aonaa umaaitapinka�ana�a, mazan uaitapa kizi pa�an kanom wuru�u Naobanai aipaniaz usha�apatan, ukawana�ati kizi�i naa usha�apatinan. 18 Aonaa upo�idi�i na�a, usha�apanum kau�an pidan po�idin an, aonaa uaitapan pasha�apaapan dikauda kida�o aimaakan. Mishi�oraiman marii pa�an Kaimana�o Doronaa ma�ozakadapan na�iki kazowautapan unao, umashaapa kizi pa�an uaipan kawana�ati. 19 Uma�ozakada umin-mishidannao nyukunuu kida ukunuian ida�an Psalms ida�a kida�o kunui na�iki Tominkaru dau�u kida�o kunui; konaukii ukunuiapa unyukunuu iki Tominkaru ati. 20 Karikaonan ukonaukii-kida waDaru Tominkaru ipai aimaakan kida dau�an, wanaobanaa Jesus Christ ida�an. 21 Aizii minziiwa�a naa usha�apatin umin-mishidannao paradan kawana�ati, usha�apanum kau�an unaobanaa Christ umanawunu�o uruu. 22 Unao daiaroinao uizo�ati udaiaru paradan na�apa uizo�atin kawan Naobanai paradan. 23 Usha�apanum kau�an uzowaunaa wuru�u udaiaruz. Na�apa Christ kazowautapan kawan mishidainaouz, wuru�u unanaaz. Ĩnao ukazannaataniinaouz oia�o ai. 24 Ukau�an na�apa mishidainao izo�atin kawan Christ paradan, na�apa�o nii kapam wuru�u daiaroinao kida izo�atinuz paudaiaru paradan. 25 Daiaruinao, umarainapa udaiaro, na�apa Christ marainpan kawan tuukii mishidainao, atii ukashaapa zii pazowii-kao pakazannaata-kinaa nii ĩdyaun, 26 uaipan idi pachikaan ĩdyaun kaiman ĩ�oian ai. Uchikaan ĩdyaun wunu idi na�iki paparadan ida�an. 27 Usha�apanum kau�an uaipan idi patukapa-kidan mishidainao konaunam manawun, ĩkadishitan dono ukanaapu ati diina�iti�i. Aonaa uaipan patukapan kaniriba�o oo dikauda�o nii ĩ�ida�a. Mazan uaipan ĩdyaun kaimanainao nii na�iki aonaa kizi oia�o ikoda-kao ĩ�ida�a. 28 Na�apa kizi kapam daiaruinao marainpan paudaiaro, ĩmarainpan kawan pananaa. Na�ia�oram pidan marainpa�o paudaiaro marainpa�o pananaa wuru�u uruuz. 29 Mishi aonaa na�iam zii pidan to�ora-kizaitapan pananaa. Mishi�oraiman kaiman pa�an utaapanuzu, kaiman upaanuzu. Na�apa Christ taapan kawan mishidainao kaiman. 30 Usha�apanum kau�an Christ nanaa wuru�u waunaouz. 31 Kaikapa sha�atii tawuru�u usaadinapanuz Tominkaru kaaritan ida�a: “Uruu idi daonaiora muudinan nii padaru na�iki padaro ai, na�iki ubauda�apatinan paudaiaro tuma. Uruu idi ĩbauda�apatan naa pananaa, aonaa dya�utama�ora�a naa mani ĩdyaun." 32 Kaina�a mishi�o na�iki umanawunu�o kakinaorii di�oraz parada-karu ida�a. Christ na�iki mishidainao dau�ana�o wuru�u õkadakotinanuz da�a�a. 33 Ukau�an na�apa kizi kapam unao, marii kizi ipai daonaioranao marainpan paudaiaro na�apa ĩmarainpan kawan pananaa. Na�iki marii kizi ipai daiaroinao taapan umanawunu�o nii paudaiarunao.

‹ Chapter 4 EPHESIANS — All Chapters Chapter 6 ›

EPHESIANS 5

Cite / Share This Page