EPHESIANS 4

WBT

‹ Chapter 3 EPHESIANS — All Chapters Chapter 5 ›

1 Tominkaru sha�apatan idi kaiman kida�o unao ati Christ ida�an, ukau�an õgaru taraapa-kariwaiz õkaudinan dikin ii Naobanai ati, õkia�azon u�ati, õaipan umashaapan kaiman zoobaba na�apa Tominkaru aipan kawan papidannao mashaapan. Na�apa�o nii wuru�u udapadanuz unao Christ ida�an. 2 Na�iki aonaa u�atadinpa�ana�a, utaapa uiribannao kaiman na�iki ukarodapa ĩdyaun, na�iki aonaa ukashadina�ana�a ĩ�ai ĩmasha�apatinkan dono kaiman. Umarainapa ĩdyaun una�apan pu�u. 3 Na�iki ma�ozaka�a naa utiwain karikaonan kizi utaapaakan kaiman, utaapa unyukunuu kaiman Kaimana�o Doronaa bauda�apatapan idi unao. 4 Ipai waunao mishidainaouz baokopa wazaamatinpan bauda�apa�o nanai di�iti, na�iki kaina�a bauda�apa Kaimana�o Doronaa mashaapa�o ipai wakawana�ati kida. Kaina�a bauda�apa wazaudapanii, tawuru�u Tominkaru kowaadaniaz pataa�azon diina�iti�i pazaamataniinao ati. 5 Kaina�a bauda�apa waNaobanaa, bauda�apa kaimana�o kuwai wamishidapanii, na�iki ipai waunao bauda�apa�o ida�ana�o wachikaawunuinan. 6 Kaina�a bauda�apa Tominkaru na�iki uruu bauda�apa ipai waunao Daru. Uruu kazowautapa�o ipai waunao, uruu kaudina�o ipai waunao ida�an, na�iki uruu mashaapa�o ipai wa�ida�a oo wanyukunuu ii. 7 Aizii Christ kamunanun idi, wakawana�ati kida ubuutan wakaka�iita-kinaa nii washa�apatan kaudin-kizai. 8 Kaina�a sha�atii usaadinpan na�apa Tominkaru kaaritan ida�a, tawuru�u ukianuz: “Uzaidan dono�oraz doko iti, utaazata-kida patarubanao, ĩnao kaakinpainaouz u�ati. Na�iki utaa kaiman kida�o aimaakan papidanannao ati." 9 Na�apa�oram ati�o wuru�u “uzaidan doko iti” kii-karuz? Uwa�atin doko iki na�iki ukaawan apowa ati, imi�i baara ati. 10 Ukau�an wuru�u kaawanka�oraz imi�i baara ati, uru�u naa wuru�u kiwa�oraz powaa iti doko iti aokazi dawun iti manawun. Uruu idi turuu ukazowautapan ipai amazada aokazi ia�o na�iki imi�i baara ana�o. 11 Uruu Christ taa�oraz pana�a kida�o kaudin-kizai papidanannao ati. Pabi�i kida papidanannao uzaamata apostlenao nii, ba�orainao uzaamata prophetnao nii, ba�orainao uzaamata kowaadapa�o nii kaimana�o kuwai, ba�orainao uzaamata taapa�o nii papidanannao na�iki tominapa-kida�o nii ĩdyaun. 12 Uzaamatan ĩdyaun, ĩtominapa-kida kizi Tominkaru pidanannao ĩaitapa kizi pasha�apatan pakaudin-kizi Tominkaru ati. Uruu ida�an kizi Christ nanaa, wuru�u mishidainaouz, ma�ozakadinan u�ati na�iki ĩma�ozakada kizi pamishidapan powa�a zii. 13 Atii na�apa�o nii wabauda�apatan wamishidapan na�iki kaimanaimana�o nii waaitapan Tominkaru Dani. Na�iki ma�ozaka�o mishidainaou�o nii waunao. Wadyaupain nii kaimana�o mishidainao nii, atii na�apa�o nii waunao Christ kawan, uruu mishi�o ukaimanan manawun. 14 Ukau�an aonaa koraiziannao kawanu�o nii mani waunao. Aonaa turuu pidannao tanawatan wanyukunuu pana�iti kida�o pakuwaa ida�an, na�apa awaru kidu�ukan kawan kanawa wunu baoko an di�itinapa kida�a. 15 Mishi�oraiman, marii kizi�i naa pa�an wakowaadapan mishi�o kuwai wamarainpaakan ida�an, uruu ida�an kizi wadyaupain, na�iki wabauda�apatin kaimanaiman Christ ida�ati, uruu wuru�u wazowauz. 16 Aizii ipai waunao mishidainaouz, unanaa wuru�u waunaouz. Uruu wuru�u zaamataaka-kida�oraz waunao bauda�apa�o nanai ida�ati, na�apa pidan nanaa kawan, ipai udyukoinpan kida kaiman ĩzaamataakan na�iki ĩzaamatinpan uzowau di�iti. Ukau�an na�apa�o wuru�u waunaouz, wamarainpaakan an na�iki washa�apatan an wuru�u taa-kariwai kidaz wa�ati washa�apatan nii, baokopa�o nii wadyaupain, Christ ma�ozakan ida�an. 17 Aizii õkakinaowa�azon unao Naobanai aipan kawana�ati. Aona�a naa umashaapa�ana�a powa�a Gentilenao kawan, maaitapa-kainaouz Tominkaru, wuru�u ĩdi�itapanii kidaz aimaakan mazanu�o na�iki madiwautapa-ka�o karikaonan. 18 Aonaa ĩaitapanaatan wuru�u mishi�o kuwai Tominkaru di�iki kida�oraz, aonaa ĩzaamatan wuru�u pa�ina�o mashaapa-karu Tominkaru taaniaz, usha�apanum kau�an tuukii ĩdadaradapan panyukunuu u�ai, na�iki aonaa ĩaitapa�azon na�apa kida�o aimaakan dau�an. 19 Uruu idi aona�a naa ĩkiba�azoo-kidan pasha�apaapan oii kida�o aimaakan. Ĩmashaapan soo pasha�apaapan dau�u wuru�u pananaa na�iki panyukunuu aiapanii kidaz ĩsha�apatan. Ĩmashaapan pakaminshu�uinpan dau�u, ĩsha�apata ipai kakiba�azonnaa kida�o aimaakan, aonaa ĩsokoda�azon pana�apainpan, mazan kii�an powa�a zii ĩaipan pasha�apatan oia�o. 20 Unao, aonaa utominapa-kida-kao na�apa kida�o aimaakan dau�u umishidan dono na�iki uzaamatan dono�oraz Christ unaobanaa nii. 21 Mazan uabata pa�an Christ dau�an, na�iki uabata kapam mishi�o kuwai, Christ kaduz kida daua�oraz. 22 Utominapa-kida-kao dono, udyuuda-kao umarina�atan na�iki umuudan kiwiini�o umashaapauzon kaduz, wuru�u unaudapaniaz usha�apaapan dikauda kida�oraz aimaakan. Wuru�u na�apa�oraz pidan kaduz, soo pataka�uta-kida�o na�iki antamikita-kida�o karikaonan pidan. 23 Ukau�an marina�a naa Tominkaru pa�inaadan unyukunuu, udi�itinapa kizi�i naa pa�an kaimana�o dau�u pa�idiwaru. 24 Mishi Tominkaru pa�inaadan unao kaduz na�apa pakaduz kawan, ukau�an ukaiwa�a naa wuru�u pa�ina�oraz kaduzui taa-kao u�ati, mishi kizi�i naa usha�apatinan kaiman, na�apa Tominkaru aipan kawana�ati. 25 Ukau�an, aona�a naa powa�a umariidina�ana�a. Marii ipai pidan paradan mishi�o ida�an ipai pidannao ati. Usha�apanum kau�an ipai baokopa waunao bauda�apa�o nanai di�iti�o wazaamatinpan. 26 Aizii uto�oran dono, aonaa usha�apata�ana�a oia�o aimaakan, na�iki usookada uto�orainpan na�iki usaabaa-kida unyukunuu kamoo tipitan ua�ii, 27 aonaa ukashaapa�ana�a Satan kaiwaan unao, usha�apatan ida�an oia�o aimaakan. 28 Aizii koidimiki pidan, marina�a naa umuudan pakoidimikin. Marii pa�an ukaudinan naa dadara, uikoda kizi aimaakan pa�ati pamashaapa-kinaa nii, na�iki kaina�a kizi aimaakan utaan nii kapam pataka�utinainao pidannao ati. 29 Mana�a ukodita-kida�ana�a dikauda�o na�iki kaziwa�o parada-karu udako iki. Mazan marii pa�an uparadan kaimana�o ida�an, na�apa�o wuru�u pidannao abata�azoo nii kidaz, uruu ida�ana�o nii ukaminka�utan na�iki uma�ozakadan pidannao nyukunuu. 30 Na�iki aonaa ukasha�oradauta�ana�a Kaimana�o Doronaa Tominkaru di�iki�oraz. Tominkaru taanii wuru�u Kaimana�o Doronaaz wa�ati, uruu ida�ana�o nii waaitapan mishi�o nii Tominkaru so�otan na�iki ukazannaatan waunao ipai oia�o ai diina�iti�i. 31 Aizii aona�a naa powa�a uto�oradinpauzo�o na�a, na�iki aona�a naa powa�a uto�oraba�ana�a, na�iki aona�a naa uto�ora�akauzo�o na�a. Na�iki aona�a naa powa�a uzunaapaaka�ana�a oo udakoopaaka�ana�a dikauda sodi kida�o ida�an. Na�iki aona�a naa udi�itinpa�ana�a powa�a uantamikita�azon dau�u uiribannao. 32 Mazan usha�apata pa�an kaiman kida�o aimaakan uiribannao ati na�iki ukamunan-kida ĩdyaun. Na�iki umarina�ata�a naa wuru�u dikauda kida�oraz uiribannao sha�apatauzonii kidaz u�ati, na�apa Tominkaru marina�atan kawan wa�oian Christ ida�an.

‹ Chapter 3 EPHESIANS — All Chapters Chapter 5 ›

EPHESIANS 4

Cite / Share This Page