ACTS 17

WBT

‹ Chapter 16 ACTS — All Chapters Chapter 18 ›

1 Paul na�iki Silas dobatapaanan wiizai Amphipolis na�iki Apollonia ii aka, udauna�an ĩkaawan naa Thessalonica ati. Na�ii kaina�a synagogue Jewnao idiwau. 2 Paul kaduz umorotauzon synagogue iti. Uruu idi idikinau�u naa umorotan synagogue iti, Sookapa-karu Kamoon dono kida. Uruu dono Paul da�atan na�iki uaitaan naa ipai wuru�u saadinpa�oraz Tominkaru paradan, Christ daua�oraz. Kaimanaiman ukowaadan ĩ�ati mishi�o wuru�u Christ pataka�uta-kaoaz na�iki uzowii-kaoaz, na�iki ukadishitanuzu pabaaranaa iki. “Ukau�an di�oraz Jesus õkowaadapaniaz u�ati, uruu wuru�u Christ kii-kizaiz,” ukian ĩ�ati. 4 Pabi�i kida Jewnao tuukii ĩmishidan na�iki ĩna�apata panyukunuu Paul kuwaa kida dau�ati. Na�iki iriba Greeknao toriinpauzonao Tominkaru ati, mishidan kuwai Jesus dau�u, na�iki iriba kapam umanawun-tinpainao Greek-abanao mishidan. 5 Aizii Jewnao wuru�u mamishida-kainaouz Jesus, tuukii pa�an ĩkishauzin Paulnao ati. Uruu idi ĩbaokopatan naa zoonzionao pidannao, wuru�u chi�ikinauzonaouz dunapota karikaonan. Na�iki ĩto�oradan ĩdyaun tuukii Paulnao ati. Sariapa mishi ĩto�ora�akan mapidankiaka. Uruu idi ĩkadakoina�akan naa tuukii, aonaa masakauda�u mani atii ĩto�oradan iriba pidannao. Udauna�an ĩna�aka�akan naa ĩdyaun sariapa Jason dapu iti. Ĩkaawan na�iti baupapa ĩshaazoda�akan Jason paniinomizi. Uruu ĩaipan naa pakodita-kida�akan Paulnao ipai pidannao kanaapu iti. 6 Mazan aonaa ĩikodan ĩdyaun na�ii, uruu idi ĩzaamata�akan naa kowas Jason na�iki ba�oran mishidainao na�iainao utuma. Udauna�an ĩkozoota�akan naa ĩdyaun atii wiizai zowaunaanao kanaapu iti. Ĩkaawan na�iti pakadakoinan tuma. Ĩkian, “Di�oraz pidannaou�u dikaudaapauzonao wiizai ipai amazada kawana�ati. Aizii kaawa�a naa ĩdyaun wawiizi ati, 7 na�iki kaiman Jason taapan ĩdyaun padapu ii. Aizii ĩnao tuukii ĩdikintapan tuubaru�o naobanai Caesar kakinaori. Ĩkian kaina�a ba�oran king Jesus kia�o u�uu." 8 Sariapa naobanai-tinpainao kida na�iki na�iainao pidannao to�ora�akan tuukii, paabatan idi wuru�u na�apa�oraz parada-karu. 9 Uruu idi naobanainao kian Jasonnao ati, “Wamuudan nii unao soo utaan an zii ipai puraata wadakotan kawana�ati.” Ĩtaan dauna�an puraata ĩdakotan kawana�ati, uruu zii ĩmuuda-kao. 10 Aizii wamaruta�akan, uru�u naa mishidainao dyuudan Paul na�iki Silas makon Berea iti. Uruu idi ĩmakon, atii ĩkaawan na�iti. Na�apa�a naa koshan ĩmorotan na�ii synagogue iti, Jewnao idiwauz, 11 na�iki ĩkakuwaapan naa Jewnao ati. Mazan tuukii pa�an Jewnao wuru�u, Berea sannaouz aipan patominapa-kida-kao Thessalonica iainao ai. Uruu idi minziiwa ĩwa�atin ĩabata�azon idi kaimanaiman Paul kuwaa. Na�iki ipai kamoo ĩawunuutan saada-kariwaiz kida Tominkaru paradan, ĩtukapa�azon Paul na�iki Silas kuwaa mishiin na�iki ĩtukapa�azon una�apan ukawana�ati. 12 Uruu dono iriba Jewnao mishidan kuwai Jesus dau�u, na�iki iriba Greeknao daonaioranao mishidan, na�iki iriba kapam umanawun kida�o Greek-abanao mishidan ĩkuwaa. 13 Aizii Jewnao wuru�u Thessalonica sannaouz abatankan naa Paulnao kowaadapan koshan Tominkaru Paradan Berea ii, sariapa ĩmakon na�iti. Aizii ĩkaawan na�iti sariapa ĩto�oradan pabi�i kida na�iainao pidannao. Uruu idi baokopa ĩto�oradinan Paulnao ati. 14 Sariapa mishidainao wuru�u Berea sannaouz dyuudan pidannao wa�anpa�anan Paul kadimana�o ida�an paran danoma itinapu. Mazan Silas na�iki Timothy aonaa pa�an ĩmakon. 15 Uruu idi Paul makon naa paminauda�unao tuma, atii ĩkaawan Athens iti. Na�iki�i naa uminauda�unao padantan powaa iti. Aizii ĩkaawan powaa iti ĩkowaadan naa Silas na�iki Timothy ati Paul aipan ĩmakon kadiman pa�idi�iti. 16 Uruu idi Paul na�ian naa uzaudapan Silas na�iki Timothy kaawan Athens iti. Mazan aonaa Paul nyukunuu kaimanan patukapan idi iriba manawun na�ii toma-kariwainao pa�idiwaru tominkarunao nii. 17 Na�ia�a naa koshan Paul morotan synagogue iti. Uruu idi ukakuwaapan kaimanaiman Jewnao ati, na�iki Gentilenao ati wuru�u toriinpauzonaouz Tominkaru ati. Na�iki ipai kamoo umakon pidannao dobaapauzo-kizi an. Na�ii ukakuwaapan pidannao ati, dobatainao kida padazaba an. 18 Kaina�a pidannao di�itapauzonao pana�a kida�o kuwai. Epicurean kia�o ĩdakota-kao, ba�orainao dakota-kao Stoic kii. Ĩnao kashadaakapan tuukii Paul tuma ukuwaa kida dau�an. Sariapa ĩkian kaikapa�a: “Na�apa�o dii kaiwuru�u pidan maaitapin-ka�o kuwaa kidaz kaikini�i?” Ba�orainao kian, “Utominapa-kidan pidannao ba�oran kaduz tominkarunao daua�o.” Usha�apanum kau�an ĩna�apan, Paul kakuwaapatinan idi Jesus dau�u, na�iki ukadishitan dau�u pamawaka-kizi iki. 19 Sariapa ĩna�akan Paul pidannao di�iti, wuru�u tominpauzonao na�iki di�itapauzonaouz pana�a kida�o kuwai. Areopagus ia�o wuru�u ĩbaokopatinpauzonuz. Na�ia�a naa ĩkian Paul ati, “Waaitapa�azon kanom daua�o na�iki na�apa�oram manawun kuwai wuru�u pa�inaa kida�oraz, pukowaadapan. 20 Pabi�i kida pukuwaa, aonaa waabatauzon zii. Uruu idi waabata�azon powa�a na�iki waaitapa�azon na�apa�oram manawun wuru�u pukuwaa kidaz." 21 (Ipai wuru�u Athens sannaouz na�iki ba�orainao mashaapainao kida na�ii, ĩmashaapan soo pakadakotin-kidan dau�u karikaonan pa�inaa kida�o parada-karu oo kuwai uruu zi�o uabata-kao.) 22 Uruu idi na�ia�a naa Paul kadishitan pidannao kasaba�ukinpainao kanaapu iti. Na�iki ukian ĩ�ati, “Unao Athens sannao, mishi unao karikaonan da�i utoriinpauzon utominkarunnao ati. 23 Usha�apanum kau�an ipai õchi�ikaadanaan na�iki õawunuutan uwiizi. Kaina�a õtukapan iriba utoman altar kida utominkarunnao ati. Mazan kaina�a kapam õtukapan utomanii altar, kaikapa�a usaadinpan udaara�a: Tominkaru Ati�o Aona�oraz Uaitapauzo-kao. Mishi utoriinpauzonii Tominkaru ati wuru�u aona�oraz uaitapauzo-kao. Aizii uruu Tominkaru daua�o nii õkakuwaapan unao ati! 24 Uruu Tominkaru toma�o ipai amazada na�iki utomanii ipai aimaakannao mashaapainao kida imi�i baara an. Uruu kazowautapanii ipai aimaakan aokazi ii na�iki imi�i baara an kida�o. Aonaa umashaapan wuru ida�a�a pidan tomaniaz toriinapa-kizai nii. 25 Aonaa kanom uaipan pidannao ai, na�iki aonaa uaipan pakaminka�uta-kao. Usha�apanum kau�an uruu pa�an taa�o kakupa-karu ipai pidannao ati, na�iki utaa ipai aimaakan ĩaiapanii kida. 26 “Kotua�a naa Tominkaru toman bauda�apa daonaiora. Bauda�apa�o pidan di�iki pabi�inaaka kida pidannao tominan ipai wuru�u mashaapainao kidaz naa imi�i baara an. Patoman ua�ii pidannao, ipai ubuutan amazada, uaitapanii na�apainim nii pataan na�iki uaitapa kanomanaou�o nii pamuuda uruu amazada kida ida�a. 27 Tominkaru toman pidannao na�iki usha�apatan aimaakan ĩ�ati kaikapa�a. Uaipan idi tuukii ĩdorotan paugaru, ĩpishaadanaatan nii di�ii�aka�a atii panaadon na�apa�o ida�ana�o nii ĩikodanuzu. Aonaa Tominkaru munapon pu�u mani ai. 28 Pidan kiauzon kawana�ati: ‘Uruu aipan ati�o wakakupan, wazikadinan na�iki wanizoinpan.’ Na�apa sha�atii unao iriban, aitaapauzo kiauzonuz, ‘Waunao na�apa udainao kapam.’ 29 “Mishi Tominkaru dainao waunao, ukau�an waaitapa, aonaa wuru kawanu�o mani uru�u, toma-kariwai kidaz gold idi, silver idi oo kuba kida idi. 30 Kotua�a naa aonaa Tominkaru sha�apatan pidannao, ĩsha�apaapan pu�u na�apa kida�o aimaakan. Usha�apanum kau�an aonaa ĩaitapan uruu. Mazan aizii Tominkaru dyuudan na�iki uaipan ipai, ipai pidannao tanawatinan wuru�u aia�a oii kida�oraz aimaakan pasha�apaapan. 31 Usha�apanum kau�an uaitapa na�ia�oram kamoo dono�o ni�i naa ukootowapa-kidan ipai, ipai pidannao, mashaapainao wuru amazada baara an kida�a. Kaina�a�a naa uzaamatanii pidan, kootowapa-kida�o nii ĩdyaun sakitapa, ĩsha�apatan kawana�ati sha�apa�oram kida aimaakan. Umishiian pazaamatan wuru�u pidanaz, ukadishita-kidan ida�an uruu pamawaka-kizi iki,” ukian. 32 Aizii ĩabatankan Paul paradan mawaka�o kadishita-kida-kao dau�an, pabi�i kida pidannao tuukii ĩshaazootin-kidan Paul kuwaa. Mazan ba�orainao kian u�ati, “Waabata�azon powa�a zii kaiwuru�u pukuwaa kidaz." 33 Uruu dauna�an, uipaian naa pakakuwaapan na�iki umakon naa wuru di�iki�i miitiniapa-kizaiz. 34 Mazan kaina�a pabi�i kida pidannao da�anan Paul, tuukii ĩmishidan pa�an. Kaina�a pidan mishida�o Dionysius kia�o u�uu. Uruu zaamatinpauzo wunao di�iti�i, tominpauzonao na�iki di�itapauzonaouz pa�inaa kida�o kuwai. Na�iki kaina�a zunaaba Damaris kia�o o�uu. Oroo omishidan kapam, na�iki kaina�a kapam ba�orainao kida mishidainao.

‹ Chapter 16 ACTS — All Chapters Chapter 18 ›

ACTS 17

Cite / Share This Page