Зәбур 120

¹ «Жуқириға чиқиш нахшиси» Көзлиримни тағлар тәрәпкә көтирип қараймән; Мениң ярдимим қәйәрдин келур?

² Мениң ярдимим Пәрвәрдигардиндур; Асман-зиминни Яратқучидиндур.

³ У путуңни һеч тейилдурмайду; Сени сақлиғучи һеч үгдимәйду!

⁴ Мана, қара, Исраилни сақлиғучи һәм үгдимәйду, һәм ухлимайду!

⁵ Пәрвәрдигар сениң сақлиғучиңдур; Пәрвәрдигар оң йениңдики сайивәндур.

⁶ Қуяш күндүздә, ай кечидә саңа зәрәр йәткүзмәйду;

⁷ Пәрвәрдигар барлиқ яманлиқтин сени сақлайду; У җениңни сақлайду;

⁸ Пәрвәрдигар чиқишиңни, киришиңни, Буниңдин кейин әбәдил-әбәткичә сақлайду.