Yahaya 5

1 Ana ili i ndolo i kotoi, a̱vu Yesu ka̱ra̱ a̱ tyo Urishelima adama a̱ a̱bukiâ  a aza a Israêila o ro. 2 A̱tsuma̱ a̱ lyuciêi, mabata ma na a̱ tsu Ée Beteseda na̱ Tsuêaramaâ  ma̱ da̱na̱ ta̱ lo zuzu nu una̱ntsu u na a̱ tsu Ée Una̱ntsu wi Ikyon. A yuwan ta̱ kwa̱êa̱ a̱ mukisa̱ n ton uka̱nda̱ruwu a mabataêa. 3 A̱ mukisa̱ n ndolo, a̱za̱ o ubanakun na̱ a̱bunda̱ a̱ tsu da̱nusu ta̱ lo, ozo o ro nrumba̱ n Éa, ozo o ro waru a̱kutsuma̱, ozo o ro waru gba shi ozo o osowi a̱ lipu. [A ta pura mantsa ma na malingata ma̱ A̱sula̱ ma̱ lukuta̱ miniêi 4 adama a na mantsa a̱ tyo mantsa malingataêa ma̱ tsu cipa̱ ta̱ a̱ miniêi, reve u lukuta̱ yi. Nu u lukuta̱ yi u koto, a̱vu vuma na fara dasai pe reve u tsura̱ opocino a banakun na a damatosun yi suru.] 5 Vuma ro da̱na̱ ta̱ lo ubanakun aêwan mataêatsu na̱ kunla̱. 6 Yesu ene yi ta̱ nven, a̱vu u reve a na vuma ndolo jima ta̱ ubanakun. ÆaÉa we ece niyi, “Vu ciga ta̱ voo oêwo gbaga?" 7 A̱vu u usu, “Zagbain, u ri n yuwan shi, adama a na n ri na̱ za na ee sheÉe mu a uwa a̱ miniêi shi, mantsa ma na a̱ lukuta̱i mini. Na̱ n ciga maêuwaa a̱vu nanza fara uwaa mu." 8 Reve u damma yi, “êYon mishin, vu tara aavalu a̱ wu, a̱vu vu wala." 9 Babu usa̱n a̱vu vumaêa u ka̱mbushi gbaga. A̱vu u tara aavalu a̱ yi reve u ka̱ra̱. Urana wa Ashibiâ  u Éa ili i ndolo i farai. 10 Ana azagbain a Israêila e enei vuma ndolo na aavalu a̱ yi, ÉaÉa a damma niyi, “Anaêan Ashibi a Éa! Wila̱ u lyawa a na vuma ro a tanu aavalu a̱ yi o urana wa Ashibi shi." 11 A̱vu u usu, “Vuma na ka̱mba̱to numu gbaga u damma mu ta̱, ‘Tara aavalu a̱ wu, a̱vu vu wala.’ “ 12 Reve e ece yi, “Vuma ne Éa damma nuwu vu yuwan cuêun vu ulinga u nda?" 13 Agba u reve ko vuma ne Éa ka̱mba̱to niyi gbagaêa shi, adama a na ama a̱ da̱na̱ ta̱ lo a̱bunda̱ lon, waru cina Yesu ka̱ra̱ Ée sanyi. 14 A̱ êya̱wa̱ Ée, a̱vu Yesu gaêan na̱ vumaêa a̱ A̱a̱êisamapaÉa a̱vu u damma yi, “Ka̱lyuwa̱, vo oêwo ta̱ gbaga gogo. Vu lyawa mayan mo unusu tsa̱ra̱ ili i na i laêai ili i nda i cina wu wan." 15 Reve vumaêa u êya̱wa̱ u damma azagbain a na Yesu Éa ka̱mba̱to niyi gbagba. 16 Adama o ndolo, reve azagbain a Israêila a fara a casu Yesu a̱tsuma̱lima̱ a na u ta yuwusan cuêun vi ili i ndolo o urana wa Ashibi. 17 A̱vu gba Yesu damma le, “Kuci Éa Dada va̱ aa yuwusan ulinga, ne Éa fo maa lyuwa elime nu ulinga." 18 Adama o ndolo, a̱vu azagbain a Israêila a zamishi ure u na o una yi, adama a na u êyuwain o toni wila̱ wa Ashibi. Amma ili i na i laêai uwuyanu a̱yi Éa, u damma ta̱ A̱sula̱ a Éa Dada va̱ yi, za na zuwa niyi wo oêwoi una̱ta̱ na̱ A̱sula̱. 19 A̱vu Yesu usu, “N damma Éu amayun, babu ili i na Mawun waa yuwan na aciya̱yi, amma ili i na we enei Dada a yuwusan, ÉaÉa fo waa yuwusan. Ili i na Dada yuwain suru, ÉaÉa fo Mawun u tsu yuwan goon. 20 Dada u ciga ta̱ Mawuêun, ÉaÉa u roco niyi ili i na waa yuwusan suru. Waru u to roco yi ili i na i laêai nda mgbain, tsa̱ra̱ suru n Éu yo oêwo a asalama. 21 Cine Dada tsu êya̱sa̱n ama a̱tsuma̱ a̱ a̱kwa̱kwa̱ a̱vu u ca le wuma, ne Éa fo Mawuêun waa ca aza a na u Éangwai wuma. 22 Babu vuma na Dada u geêetoi, amma u zuwa ta̱ Mawuêun za vu ugeêetosu wa ama suru. 23 Dada ciga ta̱ ama suru a ca Mawuêun tsugbain, cine a ca niyi tsugbain. Na ama a êyuwan a ca Mawuêun tsugbain, una̱ta̱ u Éa a na a êyuwain a ca Dada za na lyungu niyi tsugbain. 24 “Amayun a Éa maa dansaa Éu, vuma na uwwai ili i na n dammai a̱vu u usu za na lyungu numu, u ta̱ na̱ wuma u babu ukotu. O kototo vuma ndolo shi, amma u pasa ta̱ ukwa̱ a̱ tyo wuma. 25 Amayun a Éa maa dansaa Éu, mantsa mo ta̱ lo a̱ ta̱wa̱ waru u ta̱ pa ana a̱kwa̱kwa̱ aa uwwa uÉyo u va̱ Mawun ma̱ A̱sula̱, aza a na a uwwai a̱ ta̱ tsura̱ wuma. 26 Dada Éa ri nu ucira u na waa ca wuma, waru u ca ta̱ Ée Mawuêun cuêun vu ucira u ndolo. 27 Waru u ca ta̱ Ée Mawuêun ucira u na wee geêeto ama suru, adama a na a̱yi Mawun ma Vuma ma Éa. 28 “She yo oêwo a asalama adama a nda wan. Mantsa mo ta̱ lo a̱ ta̱wa̱ ana a̱kwa̱kwa̱ a̱tsuma̱ a ason aa uwwa uÉyo wa̱ yi, 29 a̱vu o uta̱ a̱tsuma̱ a ason. Aza a na a yuwain isaêani a̱ ta̱ êyon a̱ tyo a wuma, aza a na gba a yuwain iwuya a̱ ta̱ êyon a̱ tyo uba̱ta̱ u na oo kototo le." 30 A̱vu Yesu lyuwa elime na adanshi, “Babu ili i na maa yuwan na aciya̱va̱. Dada Éa lyungu numu, a̱yi Éa waru za na roco numu cine mee geêeto. N tsu geêeto ta̱ ulobonu, adama a na n ta yuwusan itoni na̱ a̱yi, waru n tsu yuwan ili i na maa uwwaa aciya̱va̱ uyoêo shi. 31 “Na̱ a̱mu Éa n yuwain adanshi adama a aciya̱va̱ goon, babu za na aa zuwaa mu atsuvu. 32 Amma za na aa yuwusan adanshi adama a̱ va̱ ta̱ lo, waru n reve ta̱ adanshi adama a̱ va̱ amayun a Éa. 33 “I lyungu ta̱ nlingata a̱ êya̱wa̱ ya Yahaya, a̱vu gba u damma le amayun. 34 Ko na wo oêwoi adanshi a vaÉilima̱ o roco ko zane Éa n ri shi, amma n yuwaan Éu ta̱ adanshi ne ele adama i tsura̱ iwawi. 35 Yahaya ikanasa ta̱ gashi fitila na a daÉai, waru i za̱nga̱na̱ ta̱ a na a ca nÉu ekan a̱ yi a mantsa waêa. 36 “Amma ili i gbain i ro i ta̱ lo i na i laêai Yahaya i na yoo rocosu amayun adama a̱ va̱. N ta yuwusan adama e ili i na Dada zuwa numu n yuwan! Ili i nda suru i to rocosu a na Dada Éa za na lyungu numu. 37 Dada na lyungu numu fo ta yuwusan adanshi adama a̱ va̱, agba koto yu uwwa uÉyo ko ye ene yi shi. 38 I zuwa adanshi a̱ yi o okolo a̱ Éu shi, a̱yi Éa i zuwai a̱Éu i kuÉa̱i a̱ usu a na a̱mu Éa za na u lyunguyi. 39 I te petelyuwushe a̱tsuma̱ a Adanshi a̱ A̱sula̱ a majiyan i ta̱ tsura̱ wuma u babu ukotu. Adanshi a̱ A̱sula̱ a nda waru u yuwan ta̱ adanshi a̱ va̱! 40 Suru na̱ ne i êyuwan ta̱ a̱ ta̱wa̱ ya̱êa̱ va̱, tsa̱ra̱ n ca Éu wuma u babu ukotu. 41 “N ri e izami yi ica ya ama shi. 42 Amma n reve Éu ta̱. N reve ta̱ ko vuma ta̱ a̱tsuma̱ a̱ Éu ciga A̱sula̱ shi. 43 N ta̱wa̱ ta̱ a̱tsuma̱ a ala a Dada, agba i usu mu shi. Agba i tsu usu ta̱ ama a na a̱ ta̱wa̱i adama a aciyele. 44 Va̱ni Éu i tsu ciga ta̱ i tsura̱ ica ya aciya̱Éu, agba i tsu yuwan a̱tyo a na yaa yuwan, tsa̱ra̱ i tsura̱ ica e ekere a̱ A̱sula̱ goon shi. To, cine ya̱a̱ usu mu? 45 “Agba a̱mu Éa ma̱a̱ êya̱wa̱ na adanshi a̱ Éu uba̱ta̱ wa Dada shi. Musa Éa a̱a̱ êya̱wa̱ na adanshi a̱ Éu! Ee, Musa za na yaa zuwusa okolo waa kamba Éu. 46 Musa Éana ta̱ adama a̱ va̱. Ni i shi i usu Musa, i shi ta̱ usu mu. 47 Ni i usu ili i na Musa Éanai shi, to, cine ya̱a̱ usu ili i na n dammai?"