Yahaya 4

1 Yesu tsurusa̱ ta̱ aza a na a̱ ususu niyi reve u rumbusu le. Reve Afarishi a uwwa a na aza a na oo tono yiêi a laêa ta̱ aza a Yahaya a̱bunda̱. 2 (Yesu rumbusu amaêa na aciya̱yi shi, amma ojoro a̱ yi a Éa u zuwai a̱ rumbusu le.) 3 Yesu reve ta̱ a na Afarishi a uwwa ta̱ adama a̱ yi, ÉaÉa u lyawai Yahuda, reve u reme mmalu a̱ ka̱mba̱ Ga̱lili. 4 Ureêe wu utula̱i ta̱ nu upasu wa Samariya.â  5 A̱yi a mmalu upasuêu, a̱vu u rawa lyuci na a̱ tsu Ée Saka, za na ri zuzu ni iÉa i na Yakubu cayi Isuhu mawun ma̱ yi. 6 Urana a̱ tyo aci ÉaÉa Yesu rawai ookoêo a Yakubu. A̱vu u kuna̱ adama a mmalu ma alanga n na u yuwain, ÉaÉa u da̱nuyi zuzu no ookoêoêo. 7 Ana ojoro a̱ yi a uwai a̱ lyuci a tsula ilyalya, a̱vu ka va Samariya ro ta̱wa̱ o ookoêoêo adama u kene mini. ÆaÉa Yesu damma niyi, “Neêe mu mini n sowo." 9 Reve u uwa asalama adama a na aza a Israêila a tsu kiralai na ama a Samariya shi. ÆaÉa u damma niyi, “A̱vu vuma va Israêila Éa, a̱mu gba ka va Samariya Éa. Adama a̱ nye vaa pati mu mini mo oso?" 10 A̱vu u usu yi, “Vu reve ili i na A̱sula̱ a cigai u ca wu shi, waru vu reve vuma na aa patishi wu mini shi. Na̱ shi vu reve, vu shi ta pati mu mini ma wuma." 11 A̱vu u damma, “Zagbain, vu ri na aaguga shi, waru ookoêoêo u ta̱ a̱ruêun. Te Éa va̱a̱ tsura̱ mini ma wumaêa? 12 Akaya a̱ tsu Yakubuâ  Éa ka̱pa̱a̱ ntsu ookoêoêo, reve a̱yi na ama o uêwa a̱ yi ni inama ya aguÉa ya̱ yi o sowo mini o ookoêo a nda. Vu laêa ta̱ Yakubu tsugbain?" 13 A̱vu Yesu usu, “Za na suru sowoi mini mo ookoêo a nda u ta̱ da̱shi uwwa akuli. 14 Amma aza a na oo sowo mini ma na maa ca le a̱a̱ da̱shi uwwa akuli shi. Mini ma na maa ca le u to oêwo gashi lyusu mini pe a̱tsuma̱ e le, za na aa ca le mini ma wuma u na woo koto shi." 15 Reve u damma yi, “Zagbain, ca mu miniêi adama n da̱shi uwwa akuli wan. Waru adama n da̱shi ta̱wa̱ pa mekene ma̱ mini wan." 16 A̱vu u damma yi, “êYa̱wa̱ vu Ée vali va̱ wu a̱vu i ta̱wa̱ ra." 17 Reve u usu, “N ri na̱ vali shi.” A̱vu Yesu usu, “Amayun a Éa a na vu dammai vu ri na̱ vali shi. 18 Vo olo ta̱ Ée ali o ton, agba za na vu ri nden na̱ a̱yi gogo, vali va̱ wu Éa shi. Vu damma mu ta̱ amayun." 19 Reve u damma, “Zagbain, n reve ta̱ a̱vu vumava̱sula̱ Éa. 20 Nkaya n va̱ n yuwaan ta̱ A̱sula̱ a̱ga̱nda̱ a Masasan ma̱ Gerizim, agba a̱Éu aza a Israêila i damma ta̱ Urishelima Éa goon uba̱ta̱ u na aa yuwan a̱ga̱nda̱." 21 A̱vu u damma yi, “Usu mu, ka, mantsa mo ta̱ lo a̱ ta̱wa̱ ana ama aa yuwaan Dada a̱ga̱nda̱ ko a masasan ma nda ko a̱tsuma̱ a̱ Urishelima shi. 22 A̱Éu aza a Samariya keêen Éa i revei adama a za na yaa yuwusaan a̱ga̱nda̱, a̱tsu gba aza a Israêila tsu reve ta̱ ili ya̱ a̱bunda̱ adama a̱ yi, adama a na aza a Israêila a Éa aa damma cine A̱sula̱ aa wawusa ama. 23 Mantsa mo ta̱ lo a̱ ta̱wa̱, amayun, mantsaêa ma rawa ta̱ Ée, ana Ruhu va̱ A̱sula̱ aa zuwa ama a yuwaan A̱sula̱ a̱ga̱nda̱ ununa a̱yi u ri. Ele Éa aza a na Dada cigai a yuwaan yi a̱ga̱nda̱. 24 E tse ene A̱sula̱ shi, adama o ndolo aza a na a yuwaan yi a̱ga̱nda̱ na a êyuwan a ciga a yuwaan yi na̱ yeni ye esu wan, amma a̱tsuma̱ a̱ ruhu na amayun." 25 A̱vu kaêa u damma, “N reve ta̱ a na Zamawawa ri lo a̱ ta̱wa̱. A̱yi Éa za na a̱ tsu Ée Kristi. Nu u ta̱wa̱, u ta cuÉuwa tsu ili biti." 26 A̱vu Yesu damma, “A̱mu, za na aa yuwusan adanshi gogoêo, a̱mu Éa a̱yi." 27 A mantsaêa, reve ojoro e Yesu a̱ ka̱mbushi, reve a uwa asalama a na a cina niyi a adanshi na̱ kaêa. Agba ko vuma ta̱ gura ece kaêa, “Nye vu cigai?” shi. Ko e ece Yesu, “Nye i zuwai vaa yuwusan adanshi na̱ a̱yi?” shi. 28 A̱vu kaêa u lyawa lo meden ma̱ mini ma̱ yi o ookoêo. Reve u ka̱mba̱ a̱ lyuci ÉaÉa u dammai ama suru, 29 “Ta̱wa̱i ye ene vuma na damma numu ili i na n yuwain Ée suru! Ko u ta gura oêwo a̱yi Éa Kristi Zamawawaêa?" 30 Reve o uta̱ a̱ lyuci a̱ êya̱wa̱ ya̱ Yesu. 31 Ele a̱tsuma̱ e ili i ndolo, a̱vu ojoro e Yesu a uwa a dansaa yi, “Manlu, yuwan ankuri, lyuwa ili i ro." 32 A̱vu gba u damma le, “N ta̱ ni ilyalya i na i revei shi." 33 Reve a uwa mecilei, “Vuma ro ta̱wa̱a̱ yi ta̱ Ée ni ilyalya?" 34 A̱vu u damma, “Ya̱êa̱ va̱, nna̱ n yuwan ili i na za na lyungu numu cigai n yuwan ili i ta̱ i Éa ni ilyalya, waru ya̱êa̱ va̱ nna̱ n koto ulinga wa̱ yi ili i ta̱ i Éa ni ilyalya. 35 I ta̱ nu udammu, ‘Na a yuwan woto na̱shi ama o to Éoloto a yuwan ugasa!’ Amma n ta dansaa Éu i ka̱lyuwa̱ mejege, i te ene a na ishina i kutsai azama ugasa. 36 Za na ri o ugasa u ta̱ ushishi atsupu, waru u to Éolotosu itana yu uÉuma̱ adama a wuma u na woo koto shi. Adama o ndolo a mantsa ma̱ ta̱ za vu ca̱êa̱n na̱ za vu ugasa a̱ ta̱ ma̱za̱nga̱ oÉolo. 37 Pa nda udammu u nda amayun a Éa, ‘Vuma ro a̱ cuêusa̱n, za ro waru o ugasa.’ 38 N lyungu Éu ta̱ i gasa ili i na i lingai shi. Ozo o ro a Éa a yuwain ulingaêa, a̱Éu gba a̱vu i koso ulinga u le, waru reve i tsura̱ akunda a̱ Éu." 39 Reve ama a Samariya a̱ lyuci ndolo na̱ a̱bunda̱ a ca Yesu okolo e le adama e ili i na kaêa u dammai, “U damma mu ta̱ ili i na n yuwain Ée biti." 40 Ana aza a Samariya a rawai ya̱ Yesu, reve a pati yi u da̱nu ne ele, ÉaÉa wa asai pe ayin e re. 41 Reve ama na̱ a̱bunda̱ a ca okolo adama e ili i na u dammai. 42 A̱vu a damma kaêa, “Nu ufaru tsu ca ta̱ Yesu okolo adama a adanshi a̱ wu, amma gogo tsu ca ta̱ okolo adama a na tsu uwwa niyi na aciya̱tsu. Tsu reve ta̱ a na vuma nda na amayun a̱yi Éa Zamawawa vu uvaÉi." 43 Ana a yuwain ayin e reêe, reve Yesu ka̱ra̱ a̱ tyo Ga̱lili. 44 (U damma ta̱ Ée, a na vumava̱sula̱ tsu tsura̱ tsugbain a̱ lyuci va̱ yi shi.) 45 Ana u rawai Ga̱lili, reve ama o upasuêu a̱ ushi yi. E ene ta̱ Ée ili i na u yuwain a̱ A̱buki a Mapasa a̱tsuma̱ a̱ Urishelima adama a na a̱ shi ta̱ Ée fo. 46 A̱yi a̱tsuma̱ a̱ Ga̱lili, reve u ka̱mba̱ a̱ ma̱lyuci ma Kana uba̱ta̱ u na u ka̱mba̱toi mini masayan. Vuma ro za tsugbain uba̱ta̱ u mogono ta̱ nden a̱ lyuci va Kafarnahum, ulobo wa̱ yi u tu ubanakun. 47 Ana wu uwwai a na Yesu uta̱ ta̱ diga Yahuda a̱vu u rawa Ga̱lili, a̱vu u rawa ya̱êa̱ yi, a̱vu u pati yi u ta̱wa̱ Kafarnahum u ka̱mba̱to mawun ma̱ yi gbaga, adama a na mawuêun u shi a gan ma̱kuwa̱a̱. 48 A̱vu Yesu damma yi, “Na̱ ye ene iroci yi ili ya asalama ni ili i saêavu shi, ya̱a̱ usu shi." 49 Reve zagbaiêin u damma yi, “Manlu, ta̱wa̱ kafu mawun ma̱ va̱ ma̱ kuwa̱." 50 ÆaÉa u damma niyi, “Wala a̱ tyo o uêwa, mawun ma̱ wu ma̱a̱ kuwa̱ shi.” Reve vumaêa u usu ili i na Yesu damma niyi, a̱vu u ka̱ra̱ a̱ tyo o uêwa. 51 A̱yi a̱ tyo, reve agbashi a̱ yi a gaêaton yi a̱vu a damma yi, “Mawun ma̱ wu ma̱ ba̱ruwa̱ ta̱." 52 A̱vu we ece le mantsa ma na mawuêun u ka̱mba̱i gbaga, reve a̱ usu, “Ubanakuêun u lyawa yi ta̱ yon rumu ta̱ vu urana." 53 Dadaêa u reve ta̱ a na na̱ rumu ta̱ gan Éa Yesu dammai, “Mawun ma̱ wu ma̱a̱ kuwa̱ shi.” ÆaÉa vumaêa na aza a na a̱ ri nden o uêwa wa̱ yi suru a cayi Yesu okolo e le. 54 A̱yi Éa ulinga wa asalamaâ  we ire u na Yesu yuwain a̱ Ga̱lili ana wu uta̱i Yahuda.