Yahaya 17

1 Ana Yesu kotoi a dansaa le ili i nda suru, reve u ka̱lyuwa̱ zuva a̱vu u damma, “Dada, mantsa ma rawa ta̱. Vu ca Mawun ma̱ wu tsugbain adama u ca wu tsugbain. 2 Vu ca yi ta̱ tsugbain a aci a ama suru adama u ca aza a na vu ca niyi wuma u na woo koto shi. 3 Waru nda ure u na a̱a̱ tsura̱ wuma u na woo koto shi: e reve wu, za na a̱vu Éa A̱sula̱ a amayun goon, reve waru e reve Yesu Zamawawa, za na vu lyunguyi. 4 N roco ta̱ tsugbain tsa̱ wu o uvaÉi ana n kotoi ulinga u na vu ca numu n yuwan. 5 Gogo, Dada, vu da̱shi ca mu tsugbain tsa na n shi na̱ a̱yi ana n shi oÉolo na̱ a̱vu kafu vu yuwan uvaÉi. 6 “Vu ca mu ta̱ a̱za̱ e itoni o ro a̱tsuma̱ o uvaÉi u nda, waru n roco le ta̱ ili i na vu rotsoi. A̱za̱ a̱ wu a Éa a̱ shi, agba vu ca mu ta̱ ele, a̱vu gba a yuwaan wu tsutoni. 7 E reve ta̱ a na a̱vu Éa vu ca numu ili i na n ri na̱ a̱yi suru. 8 Adama a na n damma ta̱ a̱za̱ e itoni a̱ va̱ ili i na vu damma numu, agba a̱ usu ta̱. E reve ta̱ a na mu uta̱i uba̱ta̱ wa̱ wu, a̱vu waru a̱ usu a̱vu Éa vu lyungu numu. 9 N ta avasa adama e le. Maa yuwusan avasa adama a ama o uvaÉi shi, amma adama a aza a na vu ca numu, adama a na ele a̱za̱ a̱ wu a Éa. 10 Ama o ndolo suru aza a na a̱ ri a̱za̱ e itoni a̱ va̱ a̱za̱ a̱ wu a Éa fo, waru aza a na oo tono wu suru a̱za̱ a̱ va̱ a Éa fo. O roco ta̱ na amayun ili i na tsugbain tsa̱ va̱ tsa̱ ri. 11 N ta̱ lo a̱ ta̱wa̱ ya̱êa̱ wu. M buwa e isawan o uvaÉi waru shi. Agba a̱za̱ e itoni i va̱ a buwa ta̱ a̱tsuma̱ o uvaÉi. Vu roco ucira wa ala a̱ wu, a̱yi Éa ala a na vu ca numu, tsa̱ra̱ vu geshe le. ÆaÉa oo oêwo ili i ta̱, ununa a̱vu na̱ a̱mu tsu ri. 12 Nu ucira wa̱ wu u Éa, ucira u na vu ca numu a mantsa mo ndolo a̱mu ubuwu o uvaÉi ÉaÉa m putsayi ili i wuya a̱ juêwa̱n le. Shede a̱yi vuma na o kototoi a̱yi Éa a̱ lungusa̱i adama Adanshi a̱ A̱sula̱ a shiwan. 13 “Dada, n ta̱ ta̱wa̱ ya̱êa̱ wu gogo. Agba n damma ta̱ ili i nda a̱mu ubuwu o uvaÉi, adama a̱za̱ e itoni a̱ va̱ a shiwan na̱ ma̱za̱nga̱ ununa a̱mu n ri. 14 N damma le ta̱ ikaka ya̱ wu. Agba ama o uvaÉi u nda a êyuwan le ta̱, adama a na a̱ ri ili i ta̱ ne ele shi, ununa a̱mu fo n ri ili i ta̱ na ama o uvaÉi shi. 15 Maa patishi wu vu tawa le a̱tsuma̱ o uvaÉi shi, amma vu êyasan za wuya a̱ juêwa̱n le. 16 A̱mu za vu uvaÉi u nda u Éa shi. Ne Éa waru ele fo a̱za̱ o uvaÉi a nda a Éa shi. 17 Vu zuwa le o oêwo cece na akiza o uritosu wa adanshi a̱ wu za na a̱yi Éa amayun. 18 N lyungu le ta̱ a̱tsuma̱ o uvaÉi, cine vu lyungu numu a̱tsuma̱ o uvaÉi. 19 N ca ta̱ aciya̱va̱ n yuwaan wu tsugbashi adama ele fo a ca aciyele a yuwaan wu tsugbashi. 20 “Dada, n ta yuwusan avasa adama a̱ a̱za̱ e itoni a nda, agba waru n ta yuwusan avasa adama a aza a na a̱a̱ ta̱wa̱ a ca mu okolo e le suru, adama e ili i na a̱za̱ e itoni a̱ va̱ aa damma adama a̱ va̱. 21 N ciga ta̱ suru nle o oêwo ili i ta̱, ununa a̱mu n ri ili i ta̱ na̱ a̱vu, a̱vu waru vu ri ili i ta̱ na̱ a̱mu. N ciga le ta̱ fo o oêwo ili i ta̱ na̱ a̱tsu. ÆaÉa ama o uvaÉi a nda a̱a̱ usu a na a̱vu Éa vu lyungu numu. 22 N ca ta̱ ama a nda tsugbain tsa na vu ca numu adama o oêwo ili i ta̱, ununa a̱vu na̱ a̱mu tsu ri ili i ta̱. 23 A̱mu ili i ta̱ i Éa ne ele, a̱vu waru ili i ta̱ vu ri na̱ a̱mu, adama o oêwo ili i ta̱ suru suru. Ne Éa ama o uvaÉi ee reve a̱vu Éa vu lyungu numu. E te reve a na vu cigai a̱za̱ e itoni a̱ va̱ ununa vu ciga numu. 24 “Dada, vu ca mu ta̱ ele, waru n ciga le ta̱ a̱ da̱na̱ uba̱ta̱ u na n ri, adama ee ene tsugbain tsa̱ va̱, za na vu ca numu adama a na vu ciga numu kafu vu yuwan uvaÉi. 25 “Dada, a̱vu Éa za va̱ a̱Éula̱.â  UvaÉi u reve wu shi, a̱mu gba n reve wu ta̱, ama a nda waru e reve ta̱ a na vu lyungu numu. 26 N roco le ta̱ ili i na vu rotsoi, waru n ta lyuwa elime nu uyuwusan ne. Ne Éa aa gura ciga ozo o ro ununa vu ciga numu, adama moo oêwo ili i ta̱ ne ele."