Yahaya 16

1 A̱vu Yesu lyuwa elime na adanshi, u damma, “N damma Éu ta̱ ili i nda, adama i lyawa uêususu u va̱ wan. 2 A̱ ta̱ gba̱ra̱ Éu a̱ a̱êisa̱. Waru mantsa ma̱ ta̱ ta̱wa̱ ana ama oo una Éu, reve a jiyan gashi a ta yuwusaan A̱sula̱ a̱ga̱nda̱ na a yuwan ne. 3 A ta yuwan ne, adama a na e reve Dadaêa shi, waru e reve mu shi. 4 Agba n damma Éu ta̱ ili i nda, adama na̱ mantsa ma̱ ta̱wa̱ ana aa yuwusan ili i nda, i cuwan ni ili i na n damma nÉu. Ulinga u Ruhu va Akiza “Mantsa ma na n temei uritosu, n damma Éu ili i nda shi, adama a na n shi oÉolo na̱ a̱Éu. 5 Gogo gba n ta̱ ka̱mba̱ uba̱ta̱ wu za na lyungu numu. Agba ko vuma ta̱ a̱tsuma̱ a̱ Éu ece mu, ‘Te Éa vee tyo?’ shi. 6 Ana n damma nÉu gogo, a̱Éu Éa nda i remei a̱tsumola̱ngu. 7 Agba amayun a Éa maa dansaa Éu, u laêaa Éu ta̱ ulobonu n ka̱ra̱. Na̱ n ka̱ra̱ n ta̱ lyunguwa̱ Éu na̱ Za vi Ikambi. Na̱ n ka̱ra̱ shi, Za vi Ikambiêi wa̱a̱ ta̱wa̱ shi. 8 Nu u ta̱wa̱, u to roco ama o uvaÉi a na a nusain ana a dammai, ‘Tsu reve ta̱ ili i na i ri unusu, waru tsu reve ta̱ ili i na i ri mejege, waru tsu reve ta̱ ununa A̱sula̱ a̱ tsu geêeto unusu.’ 9 A yuwan mejege shi adama o unusu, adama a na a̱ usu mu shi. 10 A nusan ta̱ adama e ili i na i ri mejege, adama a na n ta̱ êya̱wa̱ uba̱ta̱ wa Dada, waru yaa lyuwa elime na̱ mene ma̱ va̱ shi. 11 A yuwan mejege shi adama o ugeêetosu adama a na u yuwaan ta̱ Ée za tsugono tsu uvaÉi u nda ugeêetosu. 12 “N ta̱ ni ili ya̱ a̱bunda̱ i na maa damma Éu, agba gogo u laêa ta̱ ucira u na yee reve. 13 Agba na̱ Ruhu na o rocosu ili i na i ri amayun adama a̱ A̱sula̱ u ta̱wa̱, u ta zuwa Éu i reve ili i na i ri mejege i na yoo utusa̱ uba̱ta̱ wa̱ A̱sula̱. Waa yuwan adanshi a na o uta̱i uba̱ta̱ wa̱ yi shi, amma u ta damma ili i na wu uwwai goon, waru u ta damma Éu ili i na ya̱a̱ ta̱wa̱. 14 U ta ca mu tsugbain, adama a na u ta tara ili i na n dammai reve u damma Éu. 15 Ili i na Dada ri ne ele suru, n ta̱ fo ne ele. A̱yi Éa i zuwai n dammai Ruhuêu u ta tara ili i na maa damma a̱vu u damma Éu. 16 “Na a jima keêen yee ene mu shi, amma a̱ tyo Ée i te enishe mu." 17 Reve ozo o ro a̱tsuma̱ o ojoro a̱ yi a dammulai, “Nye waa dansa ana u dammai, ‘Na a jima yee ene a̱mu shi, reve waru a̱ tyo Ée a̱vu ye enishe mu?’ Waru nye i Éa waa dansa ana u dammai, ‘Adama a na n ta̱ ka̱ra̱ a̱ tyo uba̱ta̱ wa Dada?’ “ 18 Reve waru e ecelei, “Nye i Éa waa dansa ’na a jima keêen?’ Tsu gura reve ili i na waa dansa shi." 19 Yesu reve ta̱ ojoro a̱ yi a ciga ta̱ e ece yi adama o ndolo, ÉaÉa u damma nle, “I te mecilei ili i na maa dansa ana n dammai, ‘Na a jima keêen ye ene mu waru shi, reve waru n damma a̱ tyo Ée i te enishe mu?’ 20 Amayun a Éa maa dansaa Éu, i ta̱ shon a̱vu waru i yuwan a̱tsumola̱ngu, amma uvaÉi u ta yuwan ma̱za̱nga̱. I ta yuwan a̱tsumola̱ngu, amma a̱tsumola̱ngu a̱ Éu a̱ ta̱ ka̱mba̱ ma̱za̱nga̱. 21 Na̱ ka da̱nu limatan, u ta̱ na̱ mÉa̱la̱, adama a na mantsa ma̱ yi ma rawai. Amma nu u matsan mawuêun, a̱vu wi icina na̱ mÉa̱la̱êa̱ adama a na u ri a̱ ma̱za̱nga̱ ma na u tsura̱i mawun o uvaÉi. 22 Ne Éa fo u ri ya̱êa̱ Éu. Gogo i ta̱ a̱tsumola̱ngu, amma n te enishe Éu. A mantsaêa i ta yuwan ma̱za̱nga̱, waru ko vuma aa gura zuwa Éu i lyawa ma̱za̱nga̱ shi. 23 Na̱ mantsa mo ndolo ma rawa, yee ece mu ili i ro waru shi. Amayun a Éa maa dansaa Éu, Dada va̱ ta ca Éu ili i na i patiyi suru a̱tsuma̱ a ala a̱ va̱. 24 Hali n gogo koto i pati ili i ro a̱tsuma̱ a ala a̱ va̱ shi. Patishiyi, A̱sula̱ waru a ta ca Éu a̱yi, tsa̱ra̱ i shiwan na̱ ma̱za̱nga̱. 25 “N yuwan ta̱ adanshi a nda ni iroci, agba mantsa mo ta̱ lo a̱ ta̱wa̱ ana ma̱a̱ da̱shi yuwan ne shi. A mantsaêa n ta̱ pa̱Éuwa̱ Éu ili suru adama a Dadaêa. 26 O urana u ndolo i ta pati Dadaêa na ala a̱ va̱, agba woo oêwo she na̱ n yuwan ipati o una̱ u Éu shi. 27 A̱sula̱ Dada u ciga Éu ta̱ adama a na i ciga numu, reve waru i usu a na mu uta̱i uba̱ta̱ wa̱ yi. 28 Mu uta̱ ta̱ uba̱ta̱ wa Dada, reve n ta̱wa̱ o uvaÉi. Gogo gba n ta lyawa uvaÉi a̱vu n ka̱mba̱ ya Dadaêa." 29 A̱vu ojoroêo a damma, “Gogo vu ta adanshi na̱ a̱tsu upa̱Éuwu! Vaa yuwusan adanshi ni iroci shi. 30 Gogo tsu reve ta̱ vu reve ta̱ ili biti. Vu ta gura usu yeci i vuma kafu u yuwan yeciêi. A̱yi nda, u zuwa tsu ta̱ tsu usu vu uta̱ ta̱ uba̱ta̱ wa̱ A̱sula̱." 31 A̱vu u usu, “Amayun a Éa i usu ta̱ gogo? 32 Mantsa mo ta̱ lo a̱ ta̱wa̱, waru u rawa ta̱ Ée, ana suru nÉu yee beteêwe, koyan Éa a̱tsuma̱ a̱ Éu a̱ ka̱mba̱ o uêwa wa̱ yi, reve i lyawa mu a̱ ndeêen. Agba Dada to oÉolo na̱ a̱mu, waru adama o ndolo n ri a̱ ndeêen shi. 33 “N damma Éu ta̱ ili i ndolo adama yoo oêwo na̱ ma̱za̱nga̱ ma amayun adama a na i ri oÉolo na̱ a̱mu. UvaÉi u ta zuwa Éu i sowo a̱tsuma̱lima̱. Agba i kaÉa asuvu! N lyuwa ta̱ aci o ucira wu uvaÉi!"