Guyeiti 85

1 Guye loo ɠundiɠii nɔnɔi ʋe. Kolé mavofodaiti ta-wuyei. 2 Ɠɔoɠɔ GALAGI, è undaanɛ vaa ɠɛɛni ɗa-yooi ʋɛ. È Zakɔɓe mavofodai zei ʋele ɓɛtɛni ʋolu. 3 È ɗa-nuɓusɛiti ta-vaaɠaaza golaiti seɠeni ti unma, è ta-ɠotoiti kpein suvaayɛni. Lo! 4 È ɗa-yiiɠaawana vai zeɠeni ga, è yeeɓeni ɗa-yiimaleʋei ʋa. 5 Gi zei ʋele ɓɛtɛ ʋolu, ee, GALA, gi ɠizo nui! Ɓe yiiɠaawanazu gi ma! 6 Ɗa yɛsu yiiɠaawanazu gi ma, eyɛsu ɠɔ ɓaa? Ɗa-yiiɠaawanai la ɓesu ɠɔ, eyɛsu yeeɠɛɠalaiti pɛ su? 7 È la kɛa, è ʋa zɛnvui ve gi ya ʋolu ɓaa, nii a kɛ ɗa-nuɓusɛiti gi ɠoozunɛ è ʋɔ? 8 Ee, Ɠɔoɠɔ GALAGI, ɗa-wooɠɛɠiladai lɛ ga giye! Ɗa-ɠizo fai ve gi ʋɛ. 9 Nà pɔ gè woilo naa ma, nii GALA ge bosu, Ɠɔoɠɔ GALAGI. Mazɔlɔɔ toɠa ziilɛi kpɔɛi wosu ná-nuɓusɛiti ma, ta niiti ti bɛ ga wooɠɛɠila nuiti. Kɛlɛ ti mina ɠale ma mɔnɔ tooya vaiti ma. 10 Ungo, nágo ʋe na, è ʋa naati kizo, niiti ti luazu ba, naa ɠa a kɛ, lɛbiyai zei gá-yooi zu. 11 Wooɠɛɠiladai ta gaamai ta ɠomi, telebodai ta ziilɛigi ta yeezo. 12 Gaamai ɠa ʋɔnɔ zooi ʋa, telebodai ɠa yei, é zeɠe geezuʋɛ. 13 Ɠɔoɠɔ GALAGI ɓɔɠɔi ɠa undaanɛɛi ve, gá-yooi ɠa kulanumai ve. 14 Telebogi ɠa ziɛ tɔun kakalaʋɛ, é pelei la tuɠɔ.