Romans 2

1 Ale nake, mo sopo te hinau hatea vara o erÌi halu hinia tapala, kamim mo isoiso sei ka lo ari na tinapua. Matan vara ko lo ari na tinapua, ko lo hasem ariho matan engko ko lo vai la hinau atu na lo verea moiso vara tamlohi la lo vaira. 2 RÌa levosahia vara talai non God mo lo jovi isan la haratu la lo vai la hinau sei, ale enia mo tataholo. 3 Tapala, engko sei ko lo ari la haratu la lo vai la hinau sei, ko rÌom vara o pa erÌi jelu na talai non God, pani i pa sohena sava matan engko sohena ko lo vaira? 4 Ko lo rÌomrÌomi purongo na nona rÌomrÌuhu peresi na nona rÌompurongo peresi na nona rÌomperavu tavera isam, pani ko sopo levosahia vara nona rÌomperavu mo lo sileho na masapa vara o posi na nom hehe. 5 Pani matan mapum mo rÌilangi, ale ko rÌohu vara o posi, ko lo hasem takonahi na nom talai matan rani aria atu sei God i pa vujangi na nona talai lolokoru mata hehe usuri na nona posposi tataholo hinia. 6 God i pa ari na tamlohi i tataholo na nora vavahinau: 7 God i pa sile na mauri tui isan la haratu la lo rÌomperavu vara la vai na vavahinau rÌuhu, ale la lo ale na hasohaso peresi na oloolo tavera peresi mauri atu sei i pa sopo erÌi tihai hin te rani; 8 pani isan la haratu la lo vai na masalora purongo, ale la sopo oloolo na retivararÌuhu, pani la lo oloolo na posposi mo sopo tataholo na nahon God, enira la pa lavi na talai lolokoru non God mata hehe peresi na nona lolokoru sasati. 9 Ale tamlohi tari sei la lo vai na vavahinau hehe la pa lavi na rani rÌilangi peresi na rani sasati, isana Jew tiroma moiso i pa isana tamlohi rÌorÌoha, 10 pani God i pa sile na hasohaso, oloolo peresi na tamata isana tamlohi tari sei la lo vai na vavahinau rÌuhu, isana Jew tiroma moiso i pa isana tamlohi rÌorÌoha, 11 matan God mo sopo tametame tea. 12 God i pa sile na talai isana tamlohi la sopo Jew vara la hehe, hina purongo vara la sopo lo lavi na nona leu. Ale i pa sile na talai isana Jew vara la hehe matan nona leu mo lo pisuhi na nora hehe. 13 Matan mo sopo la haratu sei la lo rongo na leu purongo mo vaira la tataholo na nahon God, pani la haratu sei la lo vai na sava leu mo verea, enira natu la tataholo na nahon God. 14 Matan vara la tamlohi rÌorÌoha sei la sopo lavi na leu, pani la lo vai na sava leu mo verea, mo vujangia vara leu mo lo toho hinira moiso, hina purongo vara la sopo lo lavi na leu. 15 La lo vujangia vara sava hinau leu non God mo verea, mo lo toho na mapura moiso, matan rÌomira sohena mo vereulia isara vara la lo vai na hina rÌuhu teni te hina hehe, 16 hin rani atu usuri noku RetirÌuhu sei mo lo verea vara God mo ari na hina luhu nona tamlohi hin KrÌisto Iesu. 17 Pani vara ko lo verea vara engko Jew matea, ale ko lo turu na leu, ale ko lo hapahapa vara ko levosahi God, 18 ale vara ko levosahi na masalona, ale ko lo avulahi na sava hinau la rÌuhurÌuhu jea matan ko lo lavi na lelevosahi na leu, 19 ale vara ko levosahi mamahunia vara engko tamlohi tiroma na matavuso matea, ale lamu matea isan la haratu na rÌorÌoha, 20 ale vara engko tamlohi matea mata vujangi la haratu la sopo rongovosahi, ale tamlohi vujangi na natuvarihi matan ko lavi vevuhi na lelevosahi peresi na retivararÌuhu na leu, 21 ale vara ko lo vujangira sohena, mata sava ko sopo hasem vujangiho? Ko lo retivujavujangi vara tamlohi la pa sopo vavanaho, pani engko, ko lo vavanaho teni mo vono? 22 Engko sei ko lo verea vara mo sopo tataholo vara tamlohi la vaivaileu peresi na tinapua mo lahi moiso, ko lo vaivaileu peresi na tinapua mo lahi moiso teni mo vono? Ko lo verea vara ko sopo lotulotu vono, pani ko lo vanaho na hinau na lolo temple nona tamasi teni mo vono? 23 Engko sei ko lo hapahapa na leu, ko lo topea, ale ko lo komo na hijan God matana. 24 Matan sohen la ulia vara, ‘Tamlohi rÌorÌoha matuvana na varama la lo veresatihi na hijan God matamim’. Isa 52.5 25 Matan posposi tairÌalihi mo rÌuhu purongo vara ko oloolo na leu, pani vara ko lo tope na leu, nom tairÌalihi enia hina purongo. 26 Ale matana, vara tamlohi matea mo sopo tairÌalihi, pani mo lo tauri na vujangi mata leu, ko hitea vara God i pa hitea vara posina mo tataholo hin la haratu la tairÌalihi teni mo vono? 27 Ale matana, tamlohi atu mo sopo tairÌalihi, ale mo lo tauri na leu, enia i pa verea vara talai i pa jovi isam sei ko tairÌalihi sei ko lavi na leu, matan engko natu ko lo tope leu atu. 28 Matan engko mo sopo Jew matea tataholo vara tamam enia tinam enira Jew teni matan engko ko lavi na tairÌalihi na epem. 29 Mo vono. Jew tataholo matea enia haratu mapuna mo tataholo na nahon God. Ale tairÌalihi vararÌuhu enia mo sopo tairÌalihi na epe, pani sava Tanume Tapu mo vaia na mapum. Tamlohi sohena, mo lo ale hasohaso atu God mo lo silea, mo sopo hasohaso sei tamlohi la lo silea.