Romans 1

1 Enau Paul, volitusi non KrÌisto Iesu matea, enia mo toviau vara a vaharÌule, mo tapuhiau vara a retivujavujangi na RetirÌuhu non God. 2 Mo retitauhi hin RetirÌuhu sei tuai moiso na reti nona prÌovet na Retitapu mo tapu, 3 mo lo vereuli Natuna, enia mahapin Supe David usuri na malele tamlohi, 4 ale God mo vujangia vara enia Natun God na suihan Tanume Tapu na nona mele turu na mateia, Iesu KrÌisto norÌa Moli, 5 ale hinia, kama lo lavi na rÌomrÌuhu peresi na hija rÌuhu mata vaharÌule matan vara kama erÌi tiroma na tamlohi vara la oloolo usuri na mauri rasua, matan vara hijana i pa aulu na tamlohi rÌorÌoha, 6 kamim sohena, God mo tovi kamim vara ha mai tamlohi non Iesu KrÌisto. 7 Isan la haratu tari la lo toho Rome sei God mo opoira, ale mo tovira vara la mai nona tapuhi: RÌomrÌuhu peresi na tamata non God TamarÌa peresi Moli Iesu KrÌisto la mai isamim. 8 Tiroma, na opoia vara a vere meje isan noku God matamim hin Iesu KrÌisto, matan tamlohi na jara tari na varama la lo sorahi na nomim rasua. 9 Matan God sei na lo volitusi isana na mauriku usuri na RetirÌuhu matan Natuna, enia noku tuetueni sei mo levosahia vara na lo vere kamim tarea 10 na noku usiusi, tarea na lo usia vara te masapa na masalon God vara a erÌi mai isamim. 11 Matan tuai moiso, rÌomiku tavera na opoia vara a hite kamim, vara Tanume Tapu i erÌi sile kamim hin te otori na limaku matan vara i erÌi rÌilangi na maurimim hinia, 12 na lo rÌaramia vara, enrÌa rÌa erÌi rÌomrÌomi rÌilangi mata norÌa rasua, nomim peresi na noku. 13 La vorai peresi na vevorai, na opoia vara ha levosahia vara na opoia vaha visa moiso vara a mai, pani mo tikeli nake, mo sopo lo te masapa, matan vara a erÌi hite na vua nomim rasua sohen na hitea moiso isana tamlohi rÌorÌoha tinatinapua. 14 God mo tauau moiso vara a pa tueni la haratu la lo retireti na leo mara Greek peresi la haratu la tamlohi rÌorÌoha, ale isan la haratu la lelevosahi peresi la haratu la rongorongo vono. 15 Matana, enau na opoia mo tavera jea vara a retivujavujangi na RetirÌuhu isamim sei ka lo toho Rome. 16 Matan enau na sopo mahanuhanu na RetirÌuhu, matan enia suihan God mata juri na tamlohi tari sei la rasua, tiroma isana Jew moiso i pa isana tamlohi rÌorÌoha. 17 Matan hin RetirÌuhu sei, malelen God mo vaia vara tamlohi la mai la tataholo na nahona, mo malue na jara tavera, enia mata rasua purongo, matan la ulia moiso vara, ‘Haratu mo tataholo na nahon God la pa mauri usuri na malele rasua purongo’. Hab 2.4 18 Matan God mo lo vujangi na nona talai lolokoru mata hehe na tuka mo sinai na varama mata posposi varama tari peresi na posposi hehe tari nona tamlohi, ale matan nora posposi hehe sei mata turuhoro na retivararÌuhu vara i malue na jara tavera. 19 Matan sava hinau tamlohi la erÌi levosahia hin God mo memera isara, matan God mo vujangia isara moiso. 20 Matan rÌuhurÌuhun God sei nona hasena la lo luhu sohen harihi; nona suiha matan tui tui peresi mauri atu sei enia non God hasena. Ale la hinau sei tamlohi la erÌi hitevosahira matan la memera purongo hin la hinau atu God mo vaira na tapulo rani sei mo vai na varama. Ale matan haratu, tamlohi la sopo erÌi verea vara God mo sopo toho. 21 Matan hina purongo vara la levosahi God moiso, pani la sopo hasohasoa vara enia God teni la sopo vere meje isana, ale rÌomira la mai la putu, ale mapura la rongorongo vono la mai la rÌorÌoha, 22 la verea lara la lelevosahi, pani la mai la rongorongo vono, 23 la sopo lotu na rÌuhurÌuhun God sei i sopo erÌi tihai, pani la lo lotu na hinau sohena tamasi sei la vaira sohena tamlohi peresi na maji avuavu, peresi na maji palo vati, peresi na maji haraho sohena mata teni malupa, enira mo isoiso la pa tihai! 24 Ale matana, God mo silera la vano na masalo mapura, ale la usuri na posposi lumiha, la vai na hina mahanuhanu na epera hasera, 25 matan la jeni na retivararÌuhu hin God mata halu, ale la lo lotu ale la volitusi nona hinau God mo vaira, pani mo sopo isan God sei mo vaira, enia hasena mo tataholo vara tamlohi la hasohasoa na rani tui tui tarea! Amen. 26 Matan harihi, God mo silera la vano na nora opoia mata posposi mahanuhanu, matan nora harÌai la jeni na posposi tataholo nona harÌai matan la lo hase lavilavira. 27 Ale lamane sohena la tinarÌihi na posposi tataholo peresi na harÌai, matan posposi mata opoi na lamane mo jeu na masalora tinatinapua, lamane la vai na hina mahanuhanu peresi na lamane, ale la hani na vua pulara vetali mata nora lejileji. 28 Ale matan la rÌohu vara la rÌomrÌomi God, ale God mo silera na rÌomrÌomi nona maji matan vara la vai na hinau mo sopo tataholo vara tamlohi la erÌi vaira. 29 La marÌivi na posposi tari la sopo tataholo, la lo vaivaileu, la lo rÌomusuri, la sasati, la marÌivi na mereimerei, la lo vilimatei na tamlohi, la lo hitesatihi, la lo halu, la lo vaisatihi na tinapua, la lo sorasora tamlohi, 30 la lo retirÌerÌen, la rÌohu hin God, la lo vatarÌa, la lo mangisi, la lo retihapahapa, la lo rÌomrÌomi, ale la aleale malele paro mata la vai na hina sasati hinia, la sopo oloolo hin tamara teni tinara, 31 rÌomira mo vono, la lo tope na nora retitauhi, mo sopo te nora opoia, la sopo rÌomopoi te tinapua. 32 Hina purongo vara la levosahia mo rÌuhu moiso vara God mo pete tau na retileu moiso vara tea mo topea i pa mate matana, enira la sopo vaira purongo, pani la retituetueni la haratu la lo vaira.