John 14

1 Iesu mo verea isana nona tamlohi usuri mara, “Ha sopo matahu! Ha rasu God, ale ha rasuau sohena, 2 matan na iman Tamaku jara matuvana la lo toho ea. A pa sopo vereuli kamim hinia vara mo sopo vararÌuhu. A pa sahe vara a tatamahuni na jara matamim. 3 Vara a tatamahunia i isoiso, a pa mele mai, a pa lavi kamim vara na sava jara na lo toho ea, kamim sohena ha pa toho ea. 4 Kamim ka levosahi na malelen jara atu enau na lo vano ea." 5 Thomas mo verea mara, “Tija, kama sopo levosahi na jara ko lo vano ea. Kama pa levosahi na malele sohena sava?" 6 Iesu mo verea mara, “Enau malele vararÌuhu, enau pulo hina vararÌuhu, enau pulo mauri! Vara i sopo mataku, te vonamim i pa sopo erÌi sahe isan Tama. 7 Vara ha pa lo levosahiau, ha pa levosahi Tama, ale mo tapulo nake ka levosahia, ale ka hitea moiso." 8 Philip mo verea isana mara, “Tija, o vujangi kamam hin Tama! Haratu purongo kama opoia." 9 Iesu mo rÌaramia mara, “Philip, na lo toho peresi kamim mo tuai moiso. Kamim ka sopo lo levosahia vara enau hare? Vara ka hiteau, ka hite Tama. Mo sohena sava natu, ka lo usia vara a vujangi kamim hin Tama? 10 Ka sopo rasua vara enau na matea peresi Tama, ale Tama enia mo matea peresiau? Sava na lo verea na sopo verea haseku. Tama sei mo lo toho hiniau, mo lo vai la nona matamata rÌuhurÌuhu atu. 11 Ha rasuau hin haratu na verea vara Tama enia mo matea peresiau, ale enau na matea peresi Tama. Pani vara i vono, ha rasu mata vavahinau hasera purongo. 12 VararÌuhu na verea isamim, vara ha rasuau, ha pa erÌi vai na sava hinau na lo vaira. Ha pa vai na hinau la pa jeuau, matan nake na lo mele hilu sahe isan Tama. 13 Ha usiau, ale enau a pa vai na sava ka usia na hijaku matan vara Natuna i pa sile na oloolo i sahe isan Tama. 14 Vara ha usi te hinau na hijaku, a pa vaia." 15 Iesu mo verea isana nona tamlohi usuri mara, “Vara ha opoiau, ha pa vai na sava na lo retileu hinira. 16 Ale, a pa usi Tama vara i mele rÌule na meramim matea isamim, i pa toho peresi kamim tui tui, 17 meramim atu enia Tanumena, ale i pa vujangi na hina vararÌuhu hin God. Tamlohi na varama la pa sopo erÌi lavi na Tanumena matan la pa sopo erÌi hitea teni la levosahia. Pani kamim ka levosahi na Tanumena matan enia mo lo toho peresi kamim, i pa lo toho hin kamim. 18 A pa sopo rovo hin kamim sohena natu marÌua, pani a pa mai isamim. 19 I pa sopo tuai, tamlohi varama la pa sopo erÌi mele hiteau, pani kamim ha pa hiteau, ale matan enau a pa mauri, kamim ha pa mauri. 20 Hin pongi atu ha pa levosahia vara enau na matea peresi Tama. Ha pa levosahia vara kamim ka matea peresiau, ale enau na matea peresi kamim. 21 Haratu mo lavi na noku retileu, ale mo oloolo hinira enia haratu mo opoiau, ale Tamaku i pa opoia, ale enau sohena a pa opoia, ale a pa hase vujangiau isana." 22 Moiso Judas, mo sopo Judas Iscariot, mo reti mo usia mara, “Tija, rÌaramin nom reti sei vara o pa vujangiho isamam, pani i pa sopo isana tamlohi varama, enia sava?" 23 Iesu mo rÌaramia mara, “Vara tea mo opoiau, i pa oloolo hina noku reti, moiso Tamaku i pa opoia, kama pa mai isana, kama pa toho hinia. 24 Pani haratu mo sopo opoiau, mo sopo oloolo hina noku reti. Sava reti ka rongo na verea, la sopo noku, pani non Tamaku sei mo lo rÌuleau. 25 Na lo vere kamim hin la hinau sei nake matan na pa lo toho peresi kamim. 26 Pani Tuetueni rÌuhu atu i pa mai, enia Tanume Tapu, Tama i pa rÌulea i lavi na jaraku, enia i pa vujangi kamim na hinau tari, ale i pa vai kamim ha mele rÌomrÌomi na hinau tari na lo verea isamim moiso. 27 Na lo sile kamim na tamata, noku tamata atu, enau haseku a erÌi silea, mo sopo sohena tamata varama nike i erÌi silea. Ale ha sopo rÌomkaka, ha sopo matahu. 28 Ka pete rongoa, na verea isamim moiso vara a pa vano, ale a pa mele mai isamim. Vara ka opoiau vararÌuhu, ha pa avulahi matan enau na lo sahe isan Tama, matan Tama enia mo aulu jea hiniau. 29 Na lo vere la hinau nike tiroma isamim matan vara pongi atu vara i masese ha pa rasuau. 30 A sopo erÌi retireti peravu isamim matan tamlohi tavera sasati matan varama nike mo lo mai, pani enia mo sopo lavi te suiha vara i aulu hiniau. 31 Pani vara tamlohi tari na varama la pa levosahia vara enau na opoi Tamaku, na lo vai na sava enia mo retileu vara a vaira. Ale ha turu, rÌa malue!"