John 13

1 Ale rani mo tiroma na rani Passover mo lo mai, Iesu mo levosahia vara nona rani mo mai vara i malue na varama, ale vara i mele hilu sahe isan Tamana. Tarea mo lo opoi na nona tamlohi na rani mo lo toho hin varama nike, mo opoira mo tikeli na isoisona. 2 La pa lo hanhani na ravravi, Tiapolo mo posi na rÌomin Judas natun Simon Iscariot, vara i turuposi hin Iesu. 3 Iesu mo levosahia vara Tama mo tau na hinau tari na limana, Iesu mo levosahia vara enia mo tai isan God, ale vara i pa mele sahe isan God, ale matan haratu, 4 Iesu mo turu hin hanhani atu, mo lavi narÌihi na ruruna matea, ale mo lavi na ruru kamoti mo talihia na otiotina, 5 ale mo tau na wai na pesin tavera matea moiso mo tapulo hoje na palo nona tamlohi usuri, ale mo kamotira peresi ruru kamoti atu mo lo talihia hinia. 6 Pani hin masapa atu Iesu mara i hoje na palon Simon Peter, Peter mo usia mara, “Tija, mata sava ko opoia vara o hoje na paloku?" 7 Iesu mo rÌaramia mara, “Nake engko ko sopo hitevosahi na sava na lo vaia, pani hitahu, o pa levosahia." 8 Peter mo verea mara, “Mo vono! Engko o pa sopo erÌi hoje na paloku hin te rani!” Iesu mo verea isana mara, “Vara a sopo hojeho, engko o pa sopo noku!" 9 Ale Simon Peter mo verea mara, “Tija, o sopo hoje na paloku purongo, pani limaku peresi na patuku sohena!" 10 Iesu mo rÌaramia mara, “Isan la haratu la loloso moiso, epera la vokevoke vevuhi moiso, la pa hoje na palora purongo. Ale kamim ka vokevoke moiso, pani vonamim matea mo vono." 11 Iesu mo levosahia vara hare natu i pa turuposi hinia hin haratu mo verea mara, ‘vonamim matea.’ 12 Hitahun haratu Iesu mo hoje na palo nona tamlohi moiso, mo mele ru na nona ruru, ale mo mele sakele. Mo verea isara mara, “Ka levosahi na sava hinau na lo vaia matamim? 13 Ka lo toviau nomim tija, ale nomim tamlohi tavera. Haratu ka verea mo tataholo, matan ka lo retivararÌuhu. 14 Vara enau na hoje na palomim, pani enau nomim tamlohi tavera, ale nomim tija, mo rÌuhu vara ha hojehoje na palomim isamim hasemim. 15 Enau na lo vai na tovongi matea isamim, mo rÌuhu vara ha vaia isamim sohen enau na vaia isamim. 16 VararÌuhu na verea isamim vara slev la sopo aulu na nora tamlohi tavera moiso vaharÌule la sopo aulu hin la haratu la lo rÌulera. 17 Vara ka levosahi la hinau sei moiso, God i pa lerÌuhu hin kamim vara ha vaira. 18 Na sopo retireti hin kamim mo isoiso. Na levosahi la haratu na virÌonira moiso, pani matan vara sava hinau sei Retitapu mo lo verea i masese, mo verea mara, ‘Tamlohi atu mo lo hanhani peresiau, mo pete turuposi hiniau moiso!’ Psa 41.9 19 Na lo vere kamim hinia tiroma moiso i pa masese matan hin pongi atu vara i masese ha pa rasua vara enau natu, haratu mo lo toho jejeu. 20 VararÌuhu na verea isamim, vara tea mo lavi na noku vaharÌule, enia mo lo laviau, vara tea mo laviau, enia mo lavi haratu mo lo rÌuleau." 21 Iesu mo vere la haratu moiso, mo rongo rÌomina mo puhoni hajavua, mo verea isana nona tamlohi mara, “VararÌuhu na verea isamim, vonamim matea i pa turuposi hiniau!" 22 Nona tamlohi usuri la lo hase kilakilaura matan la sopo levosahia vara mo lo vere hare. 23 Tamlohi usuri non Iesu matea mo olo vano na rÌuman Iesu hin hanhani atu, ale tamlohi atu natu Iesu mo opoia, 24 moiso Simon Peter mo tianaho na patuna isana vara i usia isan Iesu vara mo lo vere hare. 25 Ale nona tamlohi usuri atu mo olo vano na ruman Iesu, ale mo usia mara, “Tija, hare natu?" 26 Iesu mo rÌaramia mara, “A pa seri na tavalu pereti na wai pihi, ale a pa silea isana.” Moiso Iesu mo seri tavalu pereti atu mo silea isan Judas, natun Simon Iscariot. 27 Vahatea purongo, Setan mo unu hin Judas. Iesu mo verea mara, “Judas, o vano o vai na sava ko opoi vara o pa vaia vila!" 28 Te vonara mo sopo levosahi na rÌaramin reti atu Iesu mo lo verea isana. 29 Pani matan Judas mo lo tauri na tanga mania, hai la lo rÌomrÌomia vara Iesu mo lo rÌulea vara i voli te hinau mata hanhani, hai la lo rÌomrÌomia vara Iesu mo rÌulea vara i sile te mania isan la haratu la tilavono. 30 Judas mo lavi tavalu pereti atu, ale mo malue vahatea. Mo rÌorÌoha moiso. 31 Judas mo vano moiso, ale Iesu mo verea mara, “Nake God mo lo tahe na hijan Natun Tamlohi, ale enia i pa tahe na hijan God matana. 32 Vara maurin Natun Tamlohi mo tahe na hijan God, God i pa hase tahe na hijana aulu vahatea. 33 Na natuku, enau a pa mele toho peresi kamim mata makomo rani. Ha pa aleau, pani ha pa sopo erÌi hiteau. Na lo vere isamim sohen haratu na pete verea isana tamlohi tavera nona Jew moiso nara, ‘Ha pa sopo erÌi vano hin jara atu enau na lo vano ea’. 34 Pani nake, na lo sile na retileu paro matea isamim. Ha pa opoiopoi kamim hatehateahi sohen enau na lo opoi kamim. 35 Vara ha opoiopoi kamim, tamlohi tari la pa hitea la pa levosahia vara kamim ka noku tamlohi usuri vararÌuhu." 36 Simon Peter mo usia mara, “Tija, engko ko lo vano epu?” Iesu mo rÌaramia mara, “Nake o pa sopo erÌi usuriau na jara na lo vano ea, pani hitahu o pa usuriau." 37 Peter mo usia mara, “Tija, mata sava a sopo erÌi usuriho nakerihi? A erÌi mate matam!" 38 Iesu mo usia mara, “O erÌi mate mataku? VararÌuhu na verea isam, engko o pa vunvuniau vaha tolu, moiso toa vari i pa tarere."