Hebrews 2

1 Matan haratu rÌa pa tapurongo mamahu na RetirÌuhu sei rÌa pete rongoa moiso matan vara rÌa pa sopo sale narÌihi hinia. 2 Retisohai matan leu atu God mo lo silea na lima angelo isan Moses mata tamlohi enia mo lo vararÌuhu tarea, ale mo vai na tamlohi la lavi talai atu mo tataholo mata nora tope na leu peresi na nora lejileji. 3 RÌa pa sopo erÌi rovo na talai tavera vara rÌa lo rÌomrÌomi purongo na vavahinau God sei mo vaia mata i jurirÌa hinia. Retisohai mata jurirÌa sei Moli mo vereulia isana nona tamlohi usuri tiroma, moiso enira la pa vereulia isarÌa. 4 God mo tueni na nora retisohai sei na matamata tatavera, peresi na hinau tamlohi la hutura hinira, peresi na hinau marÌurahi tinatinapua peresi na otori sei Tanume Tapu mo asera usuri na masalona isana nona tamlohi. 5 Matan sava kama lo vereulia nakerihi matan varama paro sei i pa mai, i pa sopo toho na lima angelo. 6 Matan hin te jara na Retitapu, tamlohi matea mo verea isan God mara: ‘Tamlohi enia sava hinau vara o lo rÌomrÌomia, ale Natun Tamlohi vara o lo kilaua? 7 Matan ko vaia mo atano mo jeu na angelo mata makomo rani, ale ko mele tahea aulu na hasohaso tavera mata lavi na oloolo tavera. 8 Ko tau na hinau tari na limana.’ Psa 8.4 Ale reti sei mo verea vara mo aulu ’na hinau tari’ mo rÌaramia vara mo sopo te hinau hatea vara mo sopo toho na ruhuruhu limana, pani nakerihi rÌa sopo lo hitera vara la lo toho na ruhuruhu limana enira mo isoiso. 9 Pani rÌa lo hite Iesu sei God, ‘mo vaia mo atano jea na angelo mata makomo rani’. Nake mo mele, ’tahea aulu na hasohaso tavera mata lavi na oloolo tavera’ matan enia mo vano na mateia matarÌa, matan vara na rÌomrÌuhu non God enia i pa lavi na mateia mata tamlohi tari. 10 Matan mo tataholo vara God sei mo lo vai na hinau tari, ale hinau tari enira nona, mo tataholo mata i lavi na natuna matuvana la unu na hasohasona. Hin la rani rÌilangi atu Iesu mo lavira, God mo vaia mo tataholo mo rÌuhu mata tiroma na tamlohi, enia natu mo tataholo vara i jurira. 11 Ale nakerihi Iesu peresi la haratu mo vaira la tapu, enira Tamara matelete. Matan hinau atu natu, Iesu mo sopo mahanuhanu vara i tovirÌa tasina teni vetasina, 12 ale mo verea isan God mara: ‘A pa vereulia vara hijam mo rÌuhurÌuhu jea sohena sava isana tasiku peresi na vetasiku.’ Psa 22.22 Ale mo mele verea mara, ‘A pa hasohasoho na livuha vao nom tamlohi.’ 13 Mo mele verea mara, ‘A pa rasu God!’ Isa 8.17 ale usuri haratu mara, ‘Enau nahai peresi la natuvarihi atu sei God mo lo silera isaku.’ Isa 8.18 14 Matan haratu, matan natuna la vora tamlohi, enia sohena mo mai tamlohi tataholo, matan vara na nona mateia i pa komo na suihan Tiapolo sei mo lo tauri na suiha mata mateia, 15 ale i teri la haratu sei tarea la lo slev isana nora matahu mata mateia. 16 RÌa levosahi mamahunia vara Iesu mo sopo mai vara i tueni na angelo, pani matan vara i tueni na mahapin Abraham. 17 Matan haratu, God mo vai Iesu mo mai soherÌa tasina peresi na vetasina na malele tari, matan vara i erÌi mai norÌa PrÌis Aulu na rÌomopoia, ale mo turu rÌilangi vara i vai na vavahinau isan God mata i voli narÌihi na hehe nona tamlohi. 18 Matan enia sohena mo lavi na rani rÌilangi na vaihite sei la lo mai isana tamlohi tari, ale nake enia i erÌi tuenirÌa na norÌa vaihite.