Hebrews 1

1 Tuai tiroma, God mo retireti vaha visa moiso, ale na malele matuvana isana norÌa pua na nona prÌovet, 2 pani hin la pongi hitahu nike, enia mo pete retireti moiso isarÌa hin Natuna tataholo, God mo virÌonia vara hinau tari enira koruna, ale hinia sei God mo vai na varama. 3 Natuna enia sasarami meran God, ale enia tovongina tataholo rÌa erÌi hitea, ale enia suiha sei mo vai na hinau tari la lo toho na nona reti suiha. Ale hin rani atu mo isoiso na nona vavahinau mata vairÌa rÌa vokevoke na hehe, mo sahe mo sakele na tavalu liman God mata suiha tavera jea aulu na tuka. 4 Harihi mo vujangia vara Natun God enia mo aulu mo jeu na angelo, sohen hija atu sei God mo silea isana sei mo aulu jea na hijara. 5 Matan God mo sopo verea isan te angelo na sava mo verea isan Iesu sei mara: ‘Engko natu, natuku. Nahapani enau na mai Tamam.’ Psa 2.7 Ale God mo mele verea mara, ‘Enau a pa tamana, ale enia i pa natuku.’ 2 Sam 7.14 6 Ale hin rani atu mara mo lavi Natuna vora tiroma mo unu na varama mo verea mara, ‘Angelo tari la pa lotua!’ Deut 32.43 7 Ale mo retireti mata angelo mara, ‘Mo vai na nona angelo la sohena langi, ale enira la volitusi purongo sei mo vaira na pepe hapu.’ Psa 104.4 8 Pani isan natuna mo vere na reti matea mo aulu jea matana mara, ‘God, nom jara sakele mata suiha, enia i pa toho tui tui tarea. Nom suiha mata Supe Aulu mo pala na hinau mo tataholo. 9 Engko ko opoi na sava mo tataholo, ale ko rÌohu na sava mo sasati. Matan haratu God, enau nom God na virÌoniho, na surei na wel mata noku avulahi isam mo jeu na angelo.’ Psa 45.6â7 10 Ale mo mele verea mara, ‘Moli, na tapulo vavahinau na varama, engko ko tau na pulon varama nike, ale tuka enira vua nom vavahinau. 11 Hina purongo vara enira la pa tihai, pani engko o pa toho jejeu. Enira la pa rÌovo sohena ruru tuai. 12 O pa virivirira sohena tavalu ruru tuai, enira la pa posi, pani engko o pa lo sohena tarea, o pa sopo erÌi vajiaha.’ Psa 102.25â27 13 Ale God mo sopo retireti isana angelo sohen mo verea isan Natuna mara, ‘O sakele na jara suiha na matuaku vavano a vai na nom meresahi la toho na ruhuruhu palom!’ Psa 110.1 14 Pani mo verea mata angelo vara enira volitusi purongo sei mo lo rÌulera vara la lo matahi la haratu sei God i pa jurira.