Ephesians 6

1 Natuvarihi tari, ha oloolo na tamamim peresi na tinamim, matan enia mo tataholo. 2 ‘Ha oloolo hin tamamim peresi na tinamim’ â matan harihi enia tiroma leu sei retitauhi matea mo lo toho hinia, 3 ale sopena mo lo verea mara vara ha oloolo hinira â ‘maurim i pa peravu, ale i pa marÌivi na lerÌuhu’. Deut 5.16 4 Tama, ha sopo vaivai na natumim vara la lolokoru, pani ha vaira la ulua na oloolo peresi na vujangi hin Moli. 5 Kamim slev, hin mauri nike ha tatamahu tarea vara ha oloolo na nomim tamlohi tavera, ha lo oloolo hinira na mapumim tari mo sopo te halu hinia, sohen ka lo vaia isan KrÌisto. 6 Ha sopo sohen la haratu sei la lo voko matan tamlohi la lo kilaura â sohen la haratu la opoia vara tamlohi la pa avulahi hinira purongo â pani ha sohena slev non KrÌisto sei la lo vai na masalon God na mapura, 7 ale ha avulahi hinia ha vaia sohen ka lo volitusi isan Moli mo sopo isana tamlohi. 8 Kamim ha lo levosahia vara Moli i pa sile na volirÌa hatehateahi usuri na hina rÌuhu rÌa lo vaira, hina purongo vara enrÌa rÌa materi teni rÌa lo slev. 9 Ale usuri posposi nike, kamim tamlohi tavera ha pa vaia isana nomim slev sohena, ha isoiso na nomim reti rÌilangi isara matan ha lo levosahia vara kamim rua nomim tamlohi tavera matea purongo na tuka, ale enia mo sopo tametame tea. 10 Isoiso noku reti nahai: ha rÌilarÌilangi hin Moli na rÌilangi nona suihana. 11 Ha ru na ruru mata vuro tari non God matan vara ha erÌi turu rÌilangi mata turuhoro na vavahinau non Tiapolo sei la lo mai la lo haluhalu na tamlohi na malele matuvana. 12 Matan norÌa vuro mo sopo peresi na tamlohi sei rÌa erÌi hitera, pani peresi na angelo sasati sei la aulu, peresi la haratu la rÌilangi, peresi la haratu sei la aulu na rÌorÌoha hin varama nike, peresi na suiha vui sasati na masapa. 13 Matan haratu, ha ru na ruru vuro tari non God matan vara ha erÌi turu na jaramim hin rani sasati nike, ale ha vai na hinau tari ha erÌi vaira, ale ha turu rÌilangi. 14 Ha turu rÌilangi ha sopo juha, ha otioti na oti mata retivararÌuhu, ale ha ru na rÌumamim na ruru vuro mata posposi tataholo non God. 15 Ale sohena nomim sabat mata palomim, ha ru na RetirÌuhu sei mo lo sile na tamata matan vara ha pa tatamahu tarea mata ha hahau peresia. 16 Ha tauri rÌilangi na nomim rasua sohena tingting matea sei i erÌi tinghoro na evine hani non Tiapolo. 17 Ha ru na hati vuro mata juri sei mo lo matahi na maurimim, ale ha taurilati na sita vuro non Tanume Tapu sei enia reti non God. 18 Ha usiusi ale ha usi God vara i tueni kamim tarea. Tarea ha usiusi usuri na Tanumen God, ale matana, tarea ha lo kilau i rÌuhu, ale ha tau na rÌomimim mata usiusi mata tapuhi tari non God. 19 Ha usiusi mataku matan vara God i pa sileau na retisohai sei mo opoia vara a verea, ale vara a sopo matahu mata vere mamahuni na hina luhu mata RetirÌuhu i memera i rÌuhu vara enia mata tamlohi tari. 20 Enau na lo toho na jen nakerihi matan na lo retivujavujangi retisohai nike sohen God mo rÌuleau matana. 21 Tychicus, vorai rÌuhurÌuhu sei mo lo turu rÌilangi mata volitusi na vavahinau non Moli, enia i pa vere kamim na hinau tari vara ha levosahira, matan ha pa levosahia vara na lo toho sohena sava. 22 Na lo rÌulea mai isamim matan haratu natu, vara ha pa erÌi levosahia vara kamam kama lo toho sohena sava nike, ale vara i erÌi retituetueni na mapumim. 23 Noku usiusi vara tamata, opoia peresi na rasua la tai isan God Tama peresi Moli Iesu KrÌisto, la pa toho isamim la vorai peresi na vevorai. 24 Na lo usiusi vara rÌomrÌuhu non God i pa toho isan la haratu sei la opoi norÌa Moli Iesu KrÌisto na opoia sei mo sopo te isoisona.