Ephesians 5

1 Matan haratu, ha usuri na tovongi non God na hinau tari ka lo vaira sohena natuna tataholo sei mo opoira mo tavera jea, 2 ale ha toho na opoia sohen KrÌisto mo opoirÌa sei mo sile na maurina matarÌa sohena malamalai matea asuna mo ponaha mo rÌuhu isan God. 3 Ha sopo tinarÌihia vara te mauri maji teni te rÌomrÌomi lumiha, teni te hanmarua i toho isamim. Matan la hinau nike la sopo erÌi toho isana tapuhi non God. 4 Ha sopo vere na hina lumiha teni retireti rongorongo vono, teni sorahi sati na harÌai teni tamlohi â la hinau tari sei enira la sopo tataholo isamim. Pani na jarara, ha vere meje isan God. 5 Matan ha levosahi mamahunia vara haratu mo lo vai na mauri maji, teni rÌomina mo lumiha, teni mo hanmarua matan tamlohi hanmarua matea enia tamlohi lotulotu vono matea, i pa sopo erÌi unu hin mauri atu KrÌisto enia God la supe hinia. 6 Ha sopo tinarÌihia vara tea i halu kamim i verea vara sava na lo verea akerihi la retireti purongo, matan talai lolokoru non God mata hehe i pa jovi isana tamlohi lejileji tari. 7 Ha sopo vai la hinau sei la lo vaira, 8 matan na pongi matea kamim ka lo toho na rÌorÌoha, pani nake kamim ka lo toho na malarani matan Moli. Ha hahau sohena natu malarani, 9 matan vua malarani enia mo vai na hina rÌuhurÌuhu tari sei la tataholo ale la vararÌuhu la pala. 10 Ha vaihitea vara ha levosahi na sava God mo avulahi hinia. 11 Ha sopo sorÌotahi peresi tea mata vai na hina sasati mata rÌorÌoha, pani na jarara ha vai na tamlohi la levosahia vara la hinau atu la sati. 12 Matan enia hina mahanuhanu matea vara ha lo erÌi sorahi na hinau tamlohi lejileji la lo vai luhu hinira. 13 Pani hinau tari, malarani mo merasahira la mera mo rÌuhu vara la sasati sohena sava. 14 Matan hinau tari sei la pala na jara tavera malarani mo vaira la memera, ale Retitapu mo verea vara, ‘O turu o kilau na nom rÌommate! O turu na mateia, ale KrÌisto i pa merasahiho, ale ha pa lelevosahi.’ Isa 26.19; 51.17; 52.1; 60.1 15 Matan haratu, ha lo kilau mamahunia vara ka lo hahau sohena sava, i sopo sohena tamlohi rongorongo vono pani sohena tamlohi lelevosahi. 16 Ha sopo toho purongo pani ha vai na hina rÌuhu matan la rani nike hehe mo marÌivi hinira. 17 Matan haratu ha sopo rongorongo vono, pani ha tamlohi lelevosahi mata levosahi na masalon Moli. 18 Ale ha sopo drong na wai rÌilangi sei i pa komo na maurimim, pani ha tinarÌihi na Tanumen God i marÌivisi kamim, 19 ale ha lalavete na psalm, na hymn peresi na vete Tanume Tapu mo silera, ale ha sohai na vete sei la lo toho na mapumim la sahe isan God. 20 Tarea ha vere meje isan God Tama matamim hatehateahi na hijan norÌa Moli, Iesu KrÌisto. 21 A mele verea vara ha oloolo hin kamim hatehateahi matan ka lo lotu KrÌisto na oloolo. 22 Kamim harÌai lahi, ha oloolo na tuamim sohena ka lo oloolo hin Moli. 23 Matan tamlohi lahi matea enia patun narouna, mo sohen KrÌisto enia patu epena sei vao kalesia tari, enia hasena mo sile na maurina vara i jurira. 24 Sohena vao kalesia tari la lo oloolo hin KrÌisto, ale kamim harÌai lahi sohena ha pa oloolo na tuamim na hinau tari. 25 Tamlohi lahi ha opoi na naroumim sohen KrÌisto mo opoi na nona vao kalesia ale mo hase sile na maurina matana, 26 matan vara i tapuhia ale Tanumena mo vaia mo vokevoke na paptijo peresi na nona reti. 27 Mo vaia matan vara i tatamahuni na vao kalesia vara i nona hasena sei mo rÌuhurÌuhu jea, mo sopo te hina lumiha hinia, teni te hehe teni te hina sasati tinapua hatea, pani mo tapu mo sopo te hinau vara tea i erÌi tuvaia hinia. 28 Mo sohena purongo, tamlohi lahi la pa opoi na naroura sohen la lo opoi na epera hasera. Matan tamlohi lahi sei mo lo opoi narouna, mo lo hasena opoia. 29 Matan tea mo sopo hasena rÌohu na epena, pani mo vahania na nona reti ale mo kilau mamahunia, sohen KrÌisto mo lo vaia isana vao kalesia. 30 Ale enrÌa rÌa sopesope epena. 31 Sohena Retitapu mo verea vara, ‘Matan hinau atu, tamlohi matea i pa tinarÌihi tamana enia tinana, ale i sorÌotahi isan narouna, ale enira tupra rua la mai matea’. Gen 2.24 32 Hinau nike enia vujangi puhoni matea, matan enia mo lo vujangia sohena sava KrÌisto mo lo sorÌotahi isana vao kalesia, ale la matea. 33 Matana, a mele verea vara tamlohi hatehateahi i pa opoi narouna sohen mo lo hase opoia, ale narouna i pa sile na oloolo isan tuana.